Амтны талаарх анхны мэдрэмж

Үнэ цэнэтэй санаануудыг түгээх гэсэн уриаг баримталж ажилладаг ашгийн бус TED хэмээх байгууллагын лицензтэйгээр зохион байгуулагддаг TEDxSydney бие даасан үйл явдал дээр амжилт олсон нэгэн богино хэмжээний бүтээлийг үзэгч та бүхнийхээ хүртээл болгож байна. Дэлхийн хэмжээний зар сурталчилгааны сүлжээ агентлаг болох Saatchi & Saatchi Sydney болон Heckler нарын хамтран бүтээсэн “First Taste” нэртэй энэхүү богино хэмжээний киног Saatchi & Saatchi агентлагийн бүтээлч найруулагч Мэтт Гилмоур /Matt Gilmour/ найруулсан ба энэ кинонд хүүхдүүдийг оролцуулсны учир нь хүүхдүүд томчуудыг бодвол өөрт төрж буй мэдрэмжээ ичиж зовох зүйлгүйгээр шууд, ил тод илэрхийлэн харуулдагт оршиж байгаа гэнэ.