Мандип Каур хэмээх нэгэн Энэтхэг бүсгүй сахлаа хусахаа болих шийдвэр гаргасан нь гэрлэлтээ цуцлуулж, бусдад адлагдах шалтгаан болжээ. Гэсэн ч тэрээр нийгмийн чиг хандлагыг дагахаас татгалзаж, өөрийнхөөрөө байх замыг сонгожээ.
Сахлаа ургуулж эхэлж байгаа эхнэрээ тэвчилгүй нөхөр нь салжээ
Өмнө нь тэрээр эгэл жирийн эмэгтэйн амьдралаар амьдарч байсан ч сүүлийн хэдэн жил нүүрэнд нь эрчүүдтэй ижил сахал ургаж эхэлж байгааг анзаарах болжээ. Улмаар сахлаа хусахаа болих үед эр нөхөр нь түүний гадаад төрхийг тэвчихээ больсон тул гэрлэлтээ цуцлуулсан аж. Ийнхүү биед нь гарсан гэнэтийн өөрчлөлт түүний амьдралыг орвонгоор нь өөрчилжээ.
Амьдрал нь бүтэлгүйтсэн ч тэрээр бууж өгөөгүй
Амьдрал нь ийнхүү бүтэлгүйтсэнд Мандип Каур өөрийгөө буруутгаж, сахлаа өдөр бүр хусдаг болсон ч төд удалгүй тэрээр бусдад сайхан харагдахын тулд өөрийгөө өөрчлөх бус өөрөө өөрийнхөөрөө байхыг илүүд үзэх болсноор сахлаа ургуулж эхэлжээ.
Өөрийн жинхэнэ төрхийг олсон нь
Тэрээр өдгөө хууз сахал тавьж, гивлүүр алчуур зүүж шинэ хэв маягийг бий болгоод зогсохгүй эрчүүдийн нэгэн адил мотоцикл унах болжээ. Тосгондоо ах нарын хамтаар фермийн ажил эрхэлж буй түүнийг хүмүүс гаднаас нь хараад эрэгтэй хүн гэж андуурах нь ч бий.
Эмэгтэй хүнд яагаад сахал ургадаг вэ?
Эмэгтэй хүний эрүү, шанаа, хүзүү хэсэгт бараан өнгийн үс, сахал ургах үзэгдлийг шинжлэх ухаанд хисутизм хэмээн нэрлэдэг. Ихэвчлэн андроген дааврын өөрчлөлтийн улмаас үүсдэг энэ эмгэг нь цөөн тохиолдолд эмийн буруу хэрэглээнээс үүддэг аж. Энэ эмгэгийг эмчлэх хэд хэдэн арга ч байдаг ажээ.
Өөртэйгөө ижил асуудалтай нүүр тулгарсан олон эмэгтэйчүүдэд тэр үлгэр дуурайлал болж байна
Мандип Каур хэдийгээр олны анхаарлын төвд орж, бусдад өөрийгөө зөвөөр ойлгуулах ажлыг хийж байгаа ч түүнийг буруутгах, шүүмжлэх хүмүүс цөөнгүй байсаар байгаа юм. Гэвч тэдгээр бүх хүндрэлтэй зүйлсийг тэрээр ардаа орхин өөрөө өөрийнхөөрөө байхын сайхан, өөрийн сэтгэл зүйг эрүүл байлгахын ач тусыг өөрийн биеэр бусдад харуулж, ижил төрлийн эрүүл мэндийн асуудалтай эмэгтэйчүүдэд үлгэр дуурайлал болжээ.
Тэнэглэл
Гайхмаар
Хөөрхөн
Гоё
Буруу
Бахархмаар
Харамсалтай
Ха Ха
