Хойд Солонгост зууван хэлбэртэй хавчаарыг амны хаалт дээрээ зүүх хүний тоо улам олшрох болжээ. Баруунд уг зүйлийн зориулалтын учрыг олох гэж ядаж байна.
Амны хаалтан дээр зүүсэн хавчаар барууны ертөнцийг айдаст автуулж эхэлжээ. Ямар зориулалттай эд болох талаар маш олон янзын таамаг явах болов.
Британийн Daily Star-ийн тэмдэглэн хэлснээр бол нууцлаг хавчаар нь ойролцоогоор 2,54 см урттай, янз бүрийн өнгөтэй: хөx, цагаан, ногоон, хар, шар бас ягаан. Хавчаарыг амны хаалтны урд хэсэгт эсвэл резин дээр бэхэлжээ.
Зөвхөн Пхьенян төдийгүй Хойд Солонгосын бусад мужууд, Пхёнсоне, Синыйджу, Чхонджин, Кангье, Кэсон, Вонсан болон Самчжиён зэрэг хотуудын хүүхэд, насанд хүрэгчдийн амны хаалтан дээр уг хавчаар харагдах болсон аж.
Барууны ертөнцөд урьд нь ийм зүйл харагдаж байгаагүй тул төрөл бүрийн таамаг дэвшүүлээд байгаа юм. Хойд Солонгос судлаач, мэргэжилтэн Мартин Вайзер NK News-д мэдэгдсэнээр бол уг хавчаар нь хүний эрүүл мэнд эсвэл COVID-19-ийн төлөв байдлын талаарх мэдээллийг дамжуулах чип байж болох юм гэжээ. Мөн дархлаажуулалтад оролцсон хүмүүсийг тэмдэглэж буй тэмдэглэгээ ч байж болох юм гэсэн таамаг дэвшүүлээд байна. Тус улсын удирдагч өнгөрсөн оны намар дархлаажуулалтын шинэ кампанит ажил албан ёсоор эхэлснийг мэдэгдэж байсан удаатай.
Өөр бусад таамгуудыг ч дэвшүүлээд байна. Вирусийн урсгалыг хаадаг шүүлтүүр байж болох юм гэсэн таамгийг Барууны ертөнц дэвшүүлсэн. Хойд Солонгосын үйлдвэрлэгчид ийм төрлийн шүүлтүүрийг сүүлийн жилүүдэд ихээр үйлдвэрлэх болсон гэж тэмдэглэжээ.
Олон солонгосчууд хоёр давхар амны хаалт зүүж байгаа юм. Эмч нар ч коронавирусээс найдвартай хамгаалах арга нь давхар амны хаалт зүү гэж суртал ухуулга хийж байгаа нь үнэн. Хойд Солонгосын төрийн телевизээр давхар амны хаалт зүүснээр COVID-19-ийн халдвараас 90 хувь хамгаалж чадна гэж сурталчилж байгаа юм. Харин дан амны хаалт зүүвэл 40 хувь хамгаалж чадна гэжээ.
Уг хавчаарыг дан амны хаалттай хүн зүүсэн байгаа нь ч харагдана бас давхар амны хааллтай хүнээс ч харж болно.
Үл мэдэгдэх зүйл хүнийг айдаст автуулдаг, тийм учраас л Барууныхан аюулын хэнгэрэг дэлдээд байх шиг: хойд солонгосчуудын амны хаалт дээр байгаа энэ нууцлаг хавчаар чухам ямар зориулалттай юм бол доо?
Altannar Gombosuren
2023/03/07 at 18:32
Xend xamaatai um,xamaatail umaa medex gj orold
Amraa Hamraa
2023/03/07 at 20:05
Teneg llruud ve hend hama baina
Bancha Dashzeveg
2023/03/07 at 20:09
аймаар ноцтой юм бодоод байсан чинь зүгэнр гангараа байвал яана
Баярсайхан Должив
2023/03/07 at 20:24
Нэгийг эвдээд л үзчихээч
Яадах юу байна
Batbold Oyunchimeg
2023/03/07 at 20:32
Халдвар аваад эдгэсэн юмуу вакцинд хамрагдсан гэсэн л тэмдэг биз
Sodnom Tumenayush
2023/03/07 at 21:12
Саримс гэсэн шүү.