Бид урам зориг өгөх эшлэл, зүйр цэцэн үгс зөндөө мэднэ: эзэн хичээвэл заяа хичээнэ … Яг л үнэн. Үүнийг батлах бодит жишээг танд танилцуулж байна.
Нигер залуу Мухаммед Абубакар 24 жил Air Azman-д цэвэрлэгчээр ажиллажээ.
Мухаммед уйгагүй, хичээнгүйлэн ажилладаг байсан учраас түүний агаарын тээврийн компани газрын ажилтнаар ажиллуулах болжээ. Тэрээр агаарын тээврийн тухай олон зүйл сурч мэдсэн юм.
Хэдэн жилийн дараагаас Мухаммед Aero Contractors-д онгоцны үйлчлэгчээр ажиллах болов. Чин сэтгэлээсээ ажиллах залуугийн ажлын цалин хөлс ч чамлахааргүй байсан тул тэр өөрийгөө хөгжүүлэхэд хөрөнгө оруулдаг байжээ. Мухаммед нисгэгч болох мөрөөдөл тээн суралцсаар байв.
Түүний мөрөөдөл биелсэн – тэр одоо Aero Contractors компанид нисгэгч болжээ.
Та өөрийнхөө мөрөөдлийг биелүүлсэн үү? Эсвэл мөрөөдөл рүүгээ алхам алхмаар ойртсоор байна уу?