Эхийн аврал: Давжаа өлөгчин чоно бүргэдэд шүүрүүлсэн бэлтрэгээ эргүүлэн авч буй эгзэгтэй мөчийг харуулсан гэрэл зургууд

Нийтлэгч: Uku

Огноо: 2023/06/24

Total2,518
2,518

Давжаа чоно нялх бэлтрэгээ бүргэдийн савраас аварч буй гайхалтай агшинг гэрэл зураг дээр буулгаж чаджээ.

Кени улсын Масай Мара хотод авсан гэрэл зургууд дээр бор-шаргал бүргэд айж сандарсан эхээс бэлтрэгийг нь булаан авч байгаа нь харагдана.

Ээж нь махчин араатан руу дайрахад бэлтрэгийг хаяжээ. Бэлтрэг бэртэл гэмтэлгүй газардаж, ээж нь ч түүнийг мандаа зуун бүргэдийн дайралтаас мултарч чадсан байна.

39 настай гэрэл зурагчин Атиб Хуссейн энэ гайхалтай мөчийг гэрэл зургийн хальснаа буулгасан байна. Тэрээр амандаа бэлтрэгээ зуусан давжаа өлөгчин чоно явааг холоос ажиглаж харснаа ч хэлжээ.

Тэрээр эхэндээ өлөгчин чоныг тэр хавиар цөөвөр чоно байгаа эсэхийг шалгаж байна гэж бодсон ч 10-15 минутын дараа бор-шаргал бүргэд гэнэт доош бууж, бэлтрэгийг эхийн савраас булааж авахыг оролдож байгааг ажиглажээ.

Давжаа чоно бүргэдийг хөдөлгөөнөөр хуурч түүний эрхшээлээс хэсэг хугацаанд мултарч чадсан ч махчин араатан бэлтрэгийг шүүрэхээр эргэн ирж олзоо шүүрч чаджээ.

Гэрэл зурагчин Хуссейн хэлэхдээ: “Энэ нь маш хурдан болсон үйл явдал, хэдхэн секунд л үргэлжилсэн. Бүргэд бэлтрэгийг барьж авсан боловч давжаа чоно араас нь гүйцэхэд бүргэд нисэж байхдаа бэлтрэгийг унагаасан. Бүргэд хангалттай барьж чадаагүй байсан байж болох юм.”

Хэдэн минутын дараа бүргэд эх, бэлтрэг хоёрыг ахин хөөсөн боловч бүтэлгүйтсэний эцэст бууж өгөөд нисэн одов.”