Өөрийн ажилдаа үнэнч хүн амьдралынхаа сүүлчийн өдрүүдэд ч гэсэн хэвээрээ үлддэг ажээ. Үүнийг батлах бодит түүх бий. Оpшуулга нь ажил мэргэжилдээ үнэнчээр үлдэж, хайрлан хүндэтгэснийг илтгэх арга хэмжээ болжээ. Жоржия мужийн 58 настай багш эмэгтэйн амьдрал, үxлийн түүх үүнийг батална. Түүнийг Тэмми Уодделл гэдэг байжээ.
Тэмми дунд сургуульд багшаар 30 жил ажилласан. Тэр сурагч хүүхдүүддээ их хайртай, сургуулийн уур амьсгалыг дээдэлдэг нэгэн байв. 2003 онд шилдэг багшаар тодорч байсан удаатай. Хичээлийн хэрэгсэл худалдаж авах боломжгүй хүүхдүүдэд туслах тусгай хөтөлбөр хэрэгжүүлж үүндээ онцгой анхаарч ажилладаг байсан гэдэг.
АНУ-ын Боловсролын яамнаас хийсэн судалгаанаас харахад улсын сургуулийн багш нарын бараг 90% нь өөрийн зардлаар хүүхдүүдэд хичээлийн хэрэгсэл худалдаж авч өгдөг нь тодорхой болсон байна. Тэмми Уоддел бусад багш нарын адил өсч буй хойч ирээдүйдээ чадлаараа тусалж байжээ. Харамсалтай нь тэрээр хорт хавдраар өвдөж сургуулиа орхиход хүрсэн юм.
Энэ амьдралаас явах нь нэгэнт тодорхой болоход багш өөрийнх нь оpшуулганд ирэх хүмүүсээс цэцэгний оронд хичээлийн хэрэгсэлтэй сургуулийн цүнхтэй ирэхийг хүсжээ. Гэр бүл нь санхүүгийн боломжгүй хүүхдүүд хичээлдээ дутагдаж гачигдах зүйлгүй явах болсныг мэдсэн цагт илүү тайван нүд аних болно гэж эцсийн хүсэлтээ үлдээсэн байв.
My cousin’s final request at her funeral was Backpacks full of supplies for needy students instead of flowers. A teacher to the end. @TeachersNet @edutopia @EdWeekTeacher pic.twitter.com/eGig25tYwH
— 𝐁𝐫𝐚𝐝 𝐉𝐨𝐡𝐧𝐬𝐨𝐧 (@DrBradJohnson) June 19, 2018
Багшийн эцсийн хүслийг хүмүүс биелүүлжээ. Үүргэвчнүүдийг цуглуулж сүмд байрлуулсан бөгөөд дараа нь багш нар сургуульдаа авчирчээ. Тэммигийн үеэл Брэд Жонсон мөн л сурган хүмүүжүүлэгч хүн тул энэ түүхийг өөрийн Twitter-тээ хуваалцсан байна. Түүний пост маш хурдан тарж хүмүүс боломжоороо тусламжийн гараа сунгаж эхэлжээ. Их Британиас хүртэл сайхан сэтгэлт багшийн эцсийн хүсэлтийг биелүүлэхэд оролцсон байна!
Honorary pallbearers… Teachers who had taught with her through the years… pic.twitter.com/CyB2pBbBNy
— 𝐁𝐫𝐚𝐝 𝐉𝐨𝐡𝐧𝐬𝐨𝐧 (@DrBradJohnson) June 19, 2018
Бурхан болсон багшийн 35 настай хүү Кевин Уодделлийн хэлснээр бол ээж нь ажилдаа чин сэтгэлээсээ ханддаг байсан нь түүнийг бусдаас ялгаруулдаг байжээ. Тийм ч учраас ээжийнхээ эцсийн хүсэлтэнд гайхаагүй, яг л Тэммигийн зан төрх – багш хүн бусдыг хайрлах аугаа том зүрхтэй хүмүүс байдаг гэжээ.
Сурагчдадаа анхаарал тавьсан энэ багшийн түүхийг уншаад таны сэтгэл хөдлөв үү? Өөр адил төстэй түүх мэддэг бол бидэнтэй хуваалцаарай.