Япон улс бидэнтэй нэг гараг дээр амьдарч байгаа ч гэлээ биднийг заримдаа үнэхээр алмайруулж орхидог. Тэгэхээр тэдэнд итгэх үү, яах уу гэж эргэлзэхэд хүрнэ: тэнд нохойг түрдэг тэргээр авч явна, хогоо байнга биедээ авч явна, харин зайрмагийг роботууд зарна.
Наран мандах улсаар аялж өөрийн нүдээр үзэхийг их мөрөөддөг юм, харин одоохондоо зайнаас судалцгааж л байя. Япон улсаар аялсан хэн ч харамсахгүй гэдгийг эдгээр гэрэл зургууд батлах болно.
Борооны улиралд Япончууд хувцас угаах, хатаах цаг агаарын урьдчилсан мэдээг анхааран үздэг
Дэлхий дахинд нохойг хүзүүвч зүүж авч явдаг. Харин Японд – түрдэг тэрэг дээр суулган авч явдаг ажээ
Кино театрт киноны төгсгөлийн бичгийг дуустал нь үзэх ёстой. Кино дуусангуут шууд босоод танхимаас гарахыг бүдүүлэгт явдалд тооцож кино бүтээгчдийг үл хүндэтгэсэн хэмээн үзнэ
Японы зайрмагийн кафед үйлчлүүлэгчдэд робот үйлчилдэг. Худалдан авагч лангуун дээр төлбөр төлснийг батлах QR код тавихад тэд “амилж” үйлчилж эхэлнэ
Нагоигийн амьтны хүрээлэнд цагаан усны үхэр зугтааж байгаа тухай жүжиг тавьдаг. Үнэндээ бодит тохиолдолд хэрхэн ажиллах бэлтгэлээ давхар хангаж байгаа ажээ. Усны үхрийн дүрд баг өмссөн хүрээлэнгийн ажилтан тоглодог байна
Гадаа гэнэт бороо ороод эхэлбэл Токиогийн автобуснуудаас үнэгүй шүхэр аваад бууж болно. Гэхдээ дараагийн удаа эргүүлж өгөх ёстойг мартаж болохгүй
Японы ихэнх гудамжнууд нь нэргүй, үүний оронд хороолол, байшингийн тоо дугаар ашигладаг
Дэлхий дахинд бид гудамжинд хогийн сав ашиглаж заншсан. Харин Японы хотуудад хогийн сав бараг харагдахгүй. Хогоо гэртээ авч очих ёстой. Үүний тулд халаасны хогийн уут хүртэл байдаг
2015 онд Годзилла албан ёсоор Японы иргэншилтэй болсон бөгөөд аялал жуулчлалын элч төлөөлөгчөөр томилогдон ажиллах болжээ
Японы зарим нэг гэрлэн дохионд ногоон гэрлийн оронд цэнхэр асна. Яагаад гэхээр Японд ногоон өнгийг цэнхрийн нэг туяа гэж үздэгтэй холбоотой
Япончууд бэлэн гоймонд их дуртай, ямар сайндаа л идэх дуртай хоолоороо эвлүүлдэг тоглоом зохион бүтээсэн байх вэ дээ
Энэ бол 500 хүний суудалтай концертын хийлдэг танхим, нэг газраас нөгөө газарт тээвэрлэхэд амар ажээ
Энэ гүзээлзгэнэ бидний иддэг гүзээлгэнэтэй амтны хувьд ижил
Японы гоймонгийн нэгэн ресторан халаасан төмөр өндөг шөлөндөө дагалдуулж өгдөг. Шөл хөрвөл халаах зориулалттай өндөг
Саппоро дахь нэгэн зочид буудалд урт сүүлт хөx бухын нэрэмжит өрөө байдаг юм. Өрөөний үнэд энэ шувуугаар чимсэн амтат рулет багтана
Энэ дэрийг Хигасияма амьтны хүрээлэнгийн Шабани гориллын дурсгалд зориулж хийжээ. Шабани нэг гараараа эзнээ тэвэрнэ, нөгөө гараараа эзнийхээ утсыг барина
Токиогийн их сургуульд хаягдал жимс, ногоогоор туйпуу хийх аргыг олжээ. Хаягдал хүнсийг хатааж нунтагласны дараа өндөр даралтаар шахдаг байна
Оригами аргаар өвсөөр хийсэн энэ царцааг найз маань Токиогийн галт тэрэгнээс олжээ
Японд очоод та хамгийн түрүүнд ямар газраар нь зочилно гэж бодож байна?
Mandakhjargal Bold
2022/06/30 at 23:46
Arvinjargal Bold
Aagii Otgonbaatar
2022/07/01 at 10:22
Хаха Японд театрт кино үзээд анх удаа бичгийг нь дуустал сууж билээ.Тэвчээр суулгах нэг арга уу гүй юу
Maral Maraljin
2022/07/04 at 03:32
nohoig es tootsvol harin ch soyol bn shd