Дор Бахадур Хапанги 2004 оны 10 дугаар сарын 14-ний өдөр төрсөн. Өдгөө 17 настай хүү Катамандуд амьдарч байна. 7 наснаасаа эхлээд л үе тэнгийнхнээсээ өөр болох нь тодорхой болжээ. Тэр өсөхөө больсон юм. Дорын одоогийн биеийн өндөр 73,43 см. Энэ үзүүлэлтээрээ Гиннесийн номд дэлхийн хамгийн намхан залуу гэдгээрээ бүртгэгдсэн юм.
Дээд амжилтыг тогтоосон залуу олны анхаарлаас ичсэн тул гэрчилгээг түүний ах Нара Бахадур гардан авсан байна.
Ах нь дүүгийнхээ тухай, сургуульд сурдаг, ангидаа муугүй сурагчдын тоонд багтаж байгаа тухай өгүүлжээ. Дүүгээ Гиннесийн номын ачаар ирээдүйд сайн боловсрол эзэмших боломжтой болсон байх гэж Нара найдаж байгаа ажээ.