Нүүрэндээ онцгой мэнгэтэй төрсөн бяцхан Уинри охины түүх. Ээж нь охиноо ямар үзэсгэлэнтэй болохыг бусдад харуулжээ

© nicolelucashall / Instagram, © nicolelucashall / Instagram

Николь Лукас Халл бүсгүй өдгөө Ашер болон Уинри хэмээх хоёр хүүхдийн ээж. Бусад бүх л эхчүүдийн нэгэн адил тэрбээр бяцхан үрсийнхээ төлөө яваа нэгэн. Гэхдээ түүний хувьд бусдаас ялгаатай нь нүүрэн дээрээ төрөлхийн мэнгэтэй төрсөн 1 ой 1 настай бяцхан Уинри охиноо бусдын адил үзэсгэлэнтэй, эгэл жирийн хүүхэд гэдгийг ойлгуулахаар тэмцэж яваа ажээ. Манай сайт уншигч танд эх, үр хоёрын түүхийг өгүүлэх гэж байна.

Онцгой мэнгэтэй төрсөн охин

Охиноо анх харах үедээ Николь болон түүний эр нөхөр өмнө нь хэзээ ч ийм төрлийн мэнгэтэй хүүхэд харж байгаагүй тул багагүй санаа зовж, охиныхоо эрүүл мэндэд анхаарал хандуулж байжээ. Ийнхүү эмчид хандах үед эмч охин нь 50,000 төрөлт тутамд нэг тохиох магадлалтай байдаг эрүүл мэндэд ямар нэгэн сөрөг нөлөөгүй CMN хэмээх өвчтэй төрсөн хэмээжээ.

Хүүхдийг нь харж гайхсан хүмүүсийн царай өдөр бүр эх, охин хоёрыг дагадаг

Ийнхүү бусдаас өөр төрсөн охиныг төрсөн цагаас нь хойш харсан хүмүүсийн гайхсан харц, цочирдсон царай дагасаар өнөөг хүрчээ.

Гэвч Николь Лукас Халлын хувьд тэрхүү хүндрэлтэй нөхцөл байдалд бухимдаж, стресстэхгүй тайван байхыг эрхэмлэдэг бөгөөд цахим сүлжээгээр ирж буй сөрөг сэтгэгдэл бүрт нөхрийн хамтаар эерэг хариулт бичин үлдээдэг ажээ.

Түүнчлэн сөрөг сэтгэгдлүүдээс гадна урам өгч, сэтгэл хөдөлгөсөн эерэг үгстэй сэтгэгдэл ч их байдаг байна.

Түүний ах түүний хамгаалагч

Бяцхан охид бүр өөрийг нь хамгаалах ахтай байхыг хүсдэг гэхэд хилсдэхгүй биз ээ. Тэгвэл тэдний ээж Николь хүү нь дүүгээ бусдаас өөр гэж огтхон ч хардаггүй бөгөөд бусад хүүхдүүдийн л нэгэн адил ээжтэйгээ хамт цагийг өнгөрүүлэх гэж дүүтэйгээ барьцдаг ч Уинригийн хувьд ах нь түүний хамгийн сайн найз бас хамгаалагч нь хэмээжээ.

Тэд охиноо өөртөө итгэх итгэл дүүрэн нэгэн болгон өсгөхөөр хичээж байна

Николь нөхрийн хамт охин болон хүүгээ өөртөө итгэлтэй, хүчтэй нэгэн болгохыг зорьдог ба амьдралын хамгийн эрхэм зорилгуудын нэг бол хүнлэг байдал гэдгийг сургадаг аж. Тэдний хувьд охиных нь эрүүл мэнд хамгаас чухал боловч бусад хүмүүс түүнийг хэрхэн хүлээж авах талаар ч чамгүй сэтгэл зовнидог гэжээ. Түүнчлэн тэрээр охиндоо өөрийг нь хичнээн үзэсгэлэнтэй нэгэн болохыг өдөр бүр сануулж, өөрөө өөрөөрөө байхын сайхныг мэдрүүлэхийг хүсдэг хэмээн ярьсан байна.

CMN өвчний тухай ойлголтыг бусдад таниулах нь

Николь өөрийн цахим сүлжээгээр дамжуулан CMN өвчний тухай ойлголтыг өгөхийн зэрэгцээ эцэг эхчүүдэд хүүхдэдээ хүн бүр өөр гэдгийг зааж сургахыг уриалсаар байгаа ажээ.

Ийнхүү эцэг, эхийн хувьд тэд охиныхоо амьдралыг бусдын адил эгэл байлгах бүх л боломжийг эрэлхийлж байгаа бөгөөд Уинри охины нэгэн адил хүүхдүүдэд ч мөн туслахаар зорьж байна.

45

Гоё

13

Бахархмаар

6

Хөөрхөн

6

Тэнэглэл

3

Буруу

2

Харамсалтай

1

Гайхмаар

1

Ха Ха

Баярлалаа!