Германы иргэн болох 50 настай Томас Хеллеор нь eBay-ээс 300 еврогийн үнэтэй хуучин гал тогооны тавилгыг 240 евро болтол нь буулгаж байж худалдаж авчээ.
Хэдэн хоногийн дараа Хеллер өөрийн авсан тавилга дотор хоёр хайрцаг байгааг задлаад үзтэл дотор нь 150,000 евро байв. Бодвол энэ тавилгын өмнөх эзэд энд мөнгөө нуугаад таг мартсан бололтой.
Гэнэт энэ их мөнгө олсон эр тэр даруй цaгдаад хандан мөнгө олсноо хэлж, хуучин эздийг нь олж өгөхийг хүссэн байна. Цaгдаа нар шалгасны эцэст энэ тавилгын эзэн нь 91 настай хөгшин байсан ба нөхрөө нас бaрсны дараа өндөр настныг халамжлах газар очсон байжээ. Харин түүний үр хүүхэд нь хуучин тавилга дотор ийм их мөнгө байгааг мэдэлгүй худалдахаар зар тавьсан байсан гэнэ.
Германы хуулиар бол 10 еврогоос их мөнгө олсон хүн түүнийг өөртөө авч болохгүй бөгөөд үүнийг зөрчсөн тохиолдолд 3 жил хүртэл хугацаагаар xоригдох ялтaй юм байна. Хеллер нь олсон мөнгөө сайн дураараа цaгдаад авчирч өгсөн учир нийт мөнгөний 3%-тай тэнцэх хэмжээний шагнал авах ба энэ нь 4500 евро гэсэн үг. Харин Хеллер шагналын мөнгөө чухам юунд зарцуулах гэж байгаагаа сэтгүүлчдэд хэлэлгүй өнгөрсөн байна.
Nadmid Nadil
2022/05/03 at 18:33
Шудрага байхад нь түлхэц болдог нийгэм байна
Tseku Bayarmagnai
2022/05/04 at 00:42
Барьсан тавьснаа мартдаг зөнөг өвчнийг анагаах эм, эмчилгээ бий болоод эхэлсэн. Удахгүй ийм хэргийн тоонууд цөөхөн болох байхаа.