Хоёр өөр ертөнцийн аймшигтай гэмээр эрс тэс ялгааг сэтгэл шимширтэл илэрхийлсэн гэрэл зургууд

instagram.com

Туркийн гэрэл зурагчин Угур Галленкуш дэлхий ертөнцөд тулгарч буй чухал асуудлыг хөндөхийг зорьдог: нийгмийн тэгш бус байдал, дaйн дажин зэргийн дүр зургийг өөр бусадтай нь харьцуулан тавьжээ. Бидний дэлхий ертөнц хоёр талтай бөгөөд ойлгоход даанч төвөгтэй. Дэлхийн нэг өнцөгт баяр наадам болж байхад, нөгөө өнцөгт нь – дaйн, өлcгөлөнгөөс улбаатай айдас, аймшиг байх ажээ. Энэ л асуудлыг гэрэл зурагчин уран бүтээлээрээ хөнддөг.

Тэрээр уран бүтээлээ туурвихын тулд дэлхий дахинаар аялаад байдаггүй. Тэр хүн болгонд нээлттэй эх сурвалжийг л ашигладаг – мэдээ. Эдгээр гэрэл зургууд – гэрэл зургийн сурвалжлагаас авсан. Нэг дээр нь баян чинээлэг эсвэл дутагдах гачигдах зүйлгүй амьдрал, нөгөө дээр нь манай дэлхий дээр болж байгаа шаналал, зовлон харагдана. Түүний бүтээл бүхэлдээ нийгмийн асуудлыг хөнддөг, мөн байгаль орчны бохирдлын асуудлыг ч олны анхааралд хандуулахыг зорьжээ.

Тэрээр бүтээлээ чадварлаг сонгосон гэрэл зургуудаас бүрдүүлнэ: зориудаар ингээд эвлүүлээрэй гэсэн юм шиг л

Эдгээр гэрэл зургууд бүгд бодит, бидний эргэн тойронд ийм аймшигтай амьдрал байгааг харуулна

Галленкуш гэрэл зургийн сурвалжилгын материалыг л эвлүүлж манай дэлхийд тулгарч байгаа асуудлыг ил гаргаж ирдэг юм

Эдгээр гэрэл зургууд нь үндсэндээ байгалийн бохирдол болон нийгэм-эдийн засгийн асуудлуудыг хөнджээ

Хүн болгон шинэ мэдээлэлд бодит үнэлгээг хийж ойлгож чадахгүй, харин эрс тэс гэрэл зураг ямар нэгэн тайлбаргүйгээр ойлгуулж чадна гэж Угур үздэг байна

Түүний эвлүүлгүүд – тэс өөр амьдралаар амьдарч байгаа хүмүүс бий гэдгийг бидэнд сануулна

Эдгээр гэрэл зургуудын ялгаа нь гайхалтай байхын зэрэгцээ зүрх шимшрүүлмээр

Гэрэл зургийн нэг талд гачигдаж дутагдах зүйлгүй амьдрал, нөгөө гэрэл зураг дээр зүгээр л амьд үлдэхийн төлөөх тэмцэл харагдана

Бүтээл болгон дэлхий дахины өнөөгийн байдлыг ухааруулах хэнгэрэг цоxиж байгаа мэт

Гэрэл зурагчин залуугийн үзэж байгаагаар бол  аливаа нэг урлаг бодит байдлыг үггүйгээр ойлгуулж чаддаг ажээ

Хүн иймэрхүү харьцуулалтыг өөрийн нүдээр харахаас нааш бодит байдлыг ухаарч ойлгож чадахгүй

Хэрвээ түүний бэлдсэн гэрэл зургууд танд хүнд тусаж байвал уран бүтээлч зорилгодоо хүрч чаджээ

Тэр ойр дотнын хүмүүсээ хайрлаж халамжлахыг уриалж байна, тэр шударга бус явдалтай тэмцэxийг уриалж байна

Мөн бидний өрөвдөх сэтгэлийг сэдрээж өгөхийг зорьжээ. Шударга бус байдал яг бидний хамар доор байна шүү дээ

Бидний дэлхий олон талтай, зарим нь даанч гунигтай дүр зураг харагдана

Дэлхийн нэг хэсэг нь баян чинээлэг амьдарч байхад, нөгөө нэг хэсэг нь xүчирхийлэл, cүйрэл дунд амь тэмцэнэ

Уншигч танд түүний зургууд ямар сэтгэгдэл төрүүлсэн бэ?

17

Харамсалтай

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Тэнэглэл

0

Буруу

Баярлалаа!