Техник, технологийн хурд асар өндөр болсон өнөө цаг үед бидний өдөр тутамдаа хэрэглэдэг зүйлсийн гадаад үзэмж ч маш хурдан өөрчлөгдөж, шинэчлэгдэх болсон билээ. Манай сайт уншигч танд анх зохион бүтээгдсэн үеэсээ хойш өнөөг хүртэл танигдахын аргагүй болтлоо өөрчлөгдөж, шинэчлэгдсэн эд зүйлсийн жагсаалтыг хүргэж байна.
1. Сахлын xутга
Гадаад төрх нь төдийлөн өөрчлөгдөөгүй мэт боловч сахлын xутгыг хэрэглэхэд илүү аюулгүй, хялбар болсон нь гарцаагүй үнэн билээ.
2. Хэвлэгч машин
Хуучин хэвлэгч машинтай харьцуулбал өнөөгийн хэвлэгч машинууд авсаархан жижиг хэмжээтэй тул албан тасалгаа, гэр орондоо гэх мэт хүссэн газартаа байршуулж хэрэглэх боломжтой болоод буй билээ.
3. Өсгөгч төхөөрөмж
Өсгөгч төхөөрөмж маш том нүсэр хэмжээтэй байсныг бид бүхэн сайн мэдэх билээ. Хэр том хэмжээтэй байна төдий чинээ сайн, чанга дуугарна гэх үзэл саяхныг хүртэл байсаар л байсан. Тэгвэл өдгөө Bluetooth холболт ашиглан ажилладаг өсгөгч төхөөрөмжүүд авч явахад хялбар жижиг, дууг өндөр чанартай дамжуулдаг болсон гэдгээрээ ялгарах ажээ.
4. Гал тогооны шарах шүүгээ
Эрт цагт хүмүүс шарах шүүгээндээ мод түлж ажиллуулдаг байсан аж.
5. Тооны машин
Анх тооны машин нэмэх, хасах, үржих, хуваах үйлдэл л хийх боломжтой байсан бол өдгөө маш олон нэмэлт үйлдлүүдийг хийж гүйцэтгэх бүрэн боломжтой болоод буй билээ.
6. Тоос сорогч
Тоос сорогчийн ерөнхий үйлдэл өөрчлөгдөөгүй боловч хэлбэр хэмжээ, цэвэрлэх нөхцөл зэрэг нь асар их өөрчлөгдөөд буй. Түүнчлэн робот тоос сорогч ч хэрэглээнд нэвтрээд байна.
7. Угаалгын машин
Анх 1940-өөд онд гар бариулаар ажилладаг угаалгын машин хэрэглэгдэж байсан бол өдгөө олон үйлдэлтэй, автомат угаалгын машин хэрэглэгдэх болсон билээ.
8. Талх шарагч
1893 онд Шотландад анхны талх шарагч төхөөрөмж зохион бүтээгдэж байжээ. Мэдээж өнөөгийн бидний мэдэх талх шарагчаас тэс өөр хэлбэр, загвартай байв.
9. Эмэгтэй хүний гутал
1740-өөд оны бөс даавуун эмэгтэй гуталнаас өнөө цагийн бүсгүйчүүдийн гоёл болсон өндөр өсгийт хүртэл ийнхүү өөрчлөгджээ.
10. Данх
Байнгийн арчилгаа, цэвэрлэгээ шаарддаг төмөр данхнууд өдгөө илүү өнгө үзэмжтэй, хэрэглэхэд ч хялбар болон өөрчлөгджээ.
11. Телевизор
Өнгөрсөн хугацаанд хамгийн ихээр хувирч өөрчлөгдсөн зүйлсийн жагсаалтад яах аргагүй телевизор орох нь мэдээж хэрэг биз ээ.
12. Гар утас
Хүнд, том хэмжээтэй суурин утаснаас өнөөгийн бидний хэрэглэдэг ухаалаг утас хүртэл маш урт замыг туулахдаа гар утас бидний амьдралын салшгүй нэгэн хэсэг болон хувирчээ.
13. Нарны шил
Анх хүмүүс нүдний шилийг цасан шуурганаас нүдээ хамгаалах зорилгоор хэрэглэж байсан бол өдгөө нарны хэт ягаан туяанаас нүдээ хамгаалах зорилгоор хэрэглэж байна.
14. Индүү
Өдгөө бидний хэрэглэдэг цахилгаан индүү нэгэн цагт цул төмрөөр хийгдэж, хэрэглэхийн тулд хүнээс асар их хүч шаарддаг байв.
15. Чихэвч
Чихэвчийг анх үүрэн холбооны операторууд хэрэглэдэг байсан бөгөөд хожим нийтийн хэрэглээнд нэвтэрч, залуусын дунд эрчийг авсан билээ. Ийнхүү чихэвч асар богино хугацааанд хүмүүсийн хэрэглээ болж хувирсан юм.
Таны бодлоор дээрх зүйлийн аль нь хамгийн ихээр өөрчлөгдсөн байна вэ?