Бусдаас гадаад төрхөөрөө эрс ялгарах хүмүүс өөрийгөө байгаагаар нь хүлээж авахад хэцүү төдийгүй найз нөхөдтэй болоход ч амаргүй байдаг. Ялангуяа хүүхдүүдийн хувьд маш хүнд асуудал.
Энэтхэгийн Ратлам хотод амьдардаг 13 настай Лалит Патидар гипертрихозтой төржээ – нүүр, гар болон биеийн бусад хэсгүүдээр маш их үс ургадаг хам шинж өвчин юм.
Хүүг мэндлэхэд ээж нь хараад эгээтэй л ухаан алдаж унаагүй гэдэг. Лалитийн эцэг эх хүүгээ нутгийн хүүхдийн эмчид үзүүлж үсийг нь хусаж өгөхийг хүсжээ. Эмч үзээд хүүг үсгүй болгох эм тaриа байхгүй болохыг хэлсэн байна.
Хүү төрөлх тосгоноосоо өөр газар явахад хажуугаар өнгөрөх хүмүүс бүгд эргэж хардаг нь хүүд хэцүү санагддаг. Лалитийн нэг ангийнхан түүний гадаад төрхийг анх хараад бас л их гайхаж байсан гэдэг, хүүхдүүд болсон хойно дороо дасаж эхэлжээ.
“Эхлээд би түүнээс их айдаг байсан, өвөө маань Лалитийг бусдын л адил хүүхэд гэж хэлсэн л дээ. Тэр цагаас хойш би айхаа больж, бид хоёр найзлах болсон” гэж ангийн найз нь болох Патидара сэтгэгдлээ хуваалцсан юм.
Лалит ч эргэн тойрныхны доoг тoхууг тоохоо больжээ, яагаад гэвэл өөрийг нь хамгаалах гэр бүл, найз нөхөд байгааг тэр мэдэж байгаа.
“Тэр ангидаа их алдартай, түүнийг бүгд хайрладаг” гэж сургуулийн багш Бабулал Макван ярьжээ.
Хүү сайн сурдаг, спортоор хичээллэх дуртай. Лалит том болоод цaгдаа болох хүсэлтэй гэнэ. Гэмт xэрэгтнүүдтэй тэмцэж гэр бүлдээ мөнгө олж ирэхийг мөрөөдөж байгаа юм.
“Эцэг эх минь миний төлөө их зүйлийг хийсэн. Тэднийгээ өндөр настай болоход нь ямар нэгэн зүйлээр дутаасай гэж би хүсэхгүй байна” Лалит ярьжээ.
Эдгэшгүй ховор хам шинж өвчин хүүг азгүй нэгэн болгож болох л байлаа, гэхдээ гэр бүлийнхэн болон найз нөхдийн хайр, дэмжлэг түүнийг бусдын л адил амьдралаар амьдрахад нь тусалж байна.
Уншигч таныг ч мөн бусдын ялгаатай байдлыг хүлээн зөвшөөрч, хүнлэг хандаасай гэж хүсэж байна.