![](https://news.xopom.com/content-mn/uploads/2021/04/XopoM.com-Энэтхэг-эр-өөрийн-эзэмшлийн-газраасаа-үнэт-эд-зүйлстэй-олдвор-олжээ-05.jpg)
Барилгын ажил гүйцэтгэхээр газар ухаж байгаад алт, мөнгөн эдлэлээр дүүргэсэн ваар олжээ.
![](https://news.xopom.com/content-mn/uploads/2021/04/XopoM.com-Энэтхэг-эр-өөрийн-эзэмшлийн-газраасаа-үнэт-эд-зүйлстэй-олдвор-олжээ-04.jpg)
Энэтхэгийн Телинган мужийн өмнөд хэсэгт байрлах Пембарти тосгонд бизнес эрхлэгч Нарасимха санамсаргүй байдлаар алт, мөнгөн эдлэлээр дүүрэн нэгэн ваар олжээ. Барилгын ажилд зориулж нүх ухаж байсан ажилчид үнэт эдлэлтэй зэс ваарыг олж илрүүлсэн юм.
![](https://news.xopom.com/content-mn/uploads/2021/04/XopoM.com-Энэтхэг-эр-өөрийн-эзэмшлийн-газраасаа-үнэт-эд-зүйлстэй-олдвор-олжээ-01.jpg)
Газрын эзэн үнэт эдлэл олсон тухайгаа тэр дор нь цагдаад мэдэгдсэн бөгөөд дуудлагын дагуу цагдаа нартай цуг археологчид ч хүрэлцэн ирсэн байна.
![](https://news.xopom.com/content-mn/uploads/2021/04/XopoM.com-Энэтхэг-эр-өөрийн-эзэмшлийн-газраасаа-үнэт-эд-зүйлстэй-олдвор-олжээ-02.jpg)
Үнэт эдлэлтэй ваар газрын гүнд метр орчимд байсан гэнэ. Вааранд 22 алтан ээмэг, 51 алтан бүс, 11 алтан зүүлт, 26 мөнгөн савх, 5 мөнгөн гинж зэрэг бусад үнэт чулуугаар чимсэн гоёл чимэглэлүүд байжээ.
![](https://news.xopom.com/content-mn/uploads/2021/04/XopoM.com-Энэтхэг-эр-өөрийн-эзэмшлийн-газраасаа-үнэт-эд-зүйлстэй-олдвор-олжээ-03.jpg)
Зэс вааранд нийт хэмжээгээр 189,8 грамм алтан гоёл, 1,7 кг мөнгөн гоёл, 6,5 грамм бадмаараг чулуу байсныг хэмжилтээр мэдэгдсэн юм. Мэргэжилтнүүдийн үзэж байгаагаар, эдгээр үнэт эдлэлүүд нь Какатия эзэнт гүрний үеийнх байж болзошгүй ажээ.
Бүх үнэт эдлэлийг цаашдын судалгаанд зориулж хураан авсан, харин үнэт олдворыг олсон бизнес эрхлэгчээс нэг хэсэгтээ барилгын ажлаа зогсоохыг хүсжээ. Энэ бүс нутагт өөр бусад археологийн үнэт олдворууд гарч ирж болзошгүй гэж эрдэмтэд үзэж байгаа учраас барилгын ажлыг ийнхүү зогсоосон байна.
Та үнэт олдвор олсон эрийн оронд байсан бол юу хийх байсан бэ?
![Гайхмаар](https://news.xopom.com/content-mn/plugins/tw-reactions/assets/img/style_1/wow.png)
![Бахархмаар](https://news.xopom.com/content-mn/plugins/tw-reactions/assets/img/style_1/yay.png)
![Гоё](https://news.xopom.com/content-mn/plugins/tw-reactions/assets/img/style_1/heart.png)
![Буруу](https://news.xopom.com/content-mn/plugins/tw-reactions/assets/img/style_1/angry.png)
![Ха Ха](https://news.xopom.com/content-mn/plugins/tw-reactions/assets/img/style_1/haha.png)
![Тэнэглэл](https://news.xopom.com/content-mn/plugins/tw-reactions/assets/img/style_1/poop.png)
![Хөөрхөн](https://news.xopom.com/content-mn/plugins/tw-reactions/assets/img/style_1/love.png)
![Харамсалтай](https://news.xopom.com/content-mn/plugins/tw-reactions/assets/img/style_1/sad.png)