Хүүхэд ахуй цагаасаа үзэж, танил дотны найз мэт болж, сэтгэл тодхон үлдсэн хүүхэлдэйн киноны дүрүүд бидэнд олон бий. Харин та тэднийг олон арван жилийн турш дэлгэцнээ гарахдаа дүр төрхөө бага багаар өөрчилж ирсэн талаар мэдэх үү? Манай сайт уншигч танд бидний үзэх дуртай хүүхэлдэйн киноны дүрүүд он цагийн уртад хэрхэн өөрчлөгдөж ирснийг сонирхуулахаар бэлдлээ.
Scooby-Doo
Анх 1969 онд АНУ-д дэлгэцнээ гарсан Scooby-Doo хүүхэлдэйн киноны дүрүүд тэр цагаас хойш телевизийн богино хэмжээний хүүхэлдэйн киноноос бүрэн хэмжээний кино болтлоо өсөн дэвжиж, маш их өөрчлөлтөд орсоор иржээ.
The Flintstones
Чулуун зэвсгийн үед амьдардаг нэгэн гэр бүлийн тухай өгүүлэх энэхүү хүүхэлдэйн кино анх 1960-аад онд олны хүртээл болж байсан ч одоог хүртэл алдартай хэвээр байсаар байна. Өнгөрөгч 2020 онд ч тэдний түүхийг өгүүлэх шинэ ангиуд дэлгэцнээ гарсан билээ.
The Simpsons
Хамгийн удаан хугацаанд тасралтгүй гарч байгаа хүүхэлдэйн цуврал бол мэдээж The Simpsons. Springfield хотын оршин суугчдын түүхийг өгүүлэх энэхүү хүүхэлдэйн кино 32 жилийн турш дэлгэцнээ гарсаар байгаа билээ. Дээрх зургаас та 1987 оноос хойш дүрүүд маш өөр болсон байгааг ажигласан биз ээ.
Monica and Friends
Латин Америкийн орнуудын хүүхэд багачуудын сэтгэлд хамгийн ихээр хоногшин үлдсэн хүүхэлдэйн кино бол Маурисио де Соузагийн адал явдлыг өгүүлэх Monica and Friends билээ. 1970-аад оноос комик ном хэлбэрээр анх гарч байсан бол өдгөө хүүхэлдэйн цуврал кино болж өргөжсөн байна.
Ben 10
2000-аад оны хүүхдүүдийн үзэж өссөн хүүхэлдэйн кинонуудын нэг бол яах аргагүй Ben 10 билээ. Супер хүчтэй цагны ачаар ер бусын чадварыг эзэмшсэн хүүгийн дүр анх гарсан цагаасаа хойш нилээдгүй өөрчлөгджээ.
ThunderCats
1980-аад оны хамгийн алдартай хүүхэлдэйн цуврал болох ThunderCats хэсэг хугацаанд завсарлага авсны эцэст 2011 онд цоо шинэ өнгө төрхтэйгөөр эргэн ирсэн билээ. Гэсэн ч өөрчлөлт нь үзэгчдийн дунд ихээхэн маргаан дагуулснаар өдгөө анхны дүр зурагтайгаа илүү ойр дүрслэлтэй болгожээ.
Teen Titans Go!
DC комиксоос сэдэвлэн бүтээсэн Teen Titans Go! цуврал анх 2003 онд дэлгэцнээ гарч байжээ. Ийнхүү 3 жилийн турш тасралтгүй гарсны дараагаар түр завсарлага аваад эргэн ирэхдээ цоо шинэ өнгө төрхтэй гарсан нь одоогийн бидний мэдэх төрх аж.
The Powerpuff Girls
Blossom, Bubbles болон Buttercup нарын түүхийг өгүүлсэн тус хүүхэлдэйн кино 1998 онд анх олны хүртээл болж, тун удалгүй буюу жилийн дараа япон хувилбар нь гарснаар дэлхий даяар алдартай хүүхэлдэйн кино болох эхлэл тавигджээ. Харин тэд хамгийн сүүлд 2016 онд шинэчлэгдэж, анхны хувилбартайгаа илүү ойр дүр төрхтэй болсон байна.
Bugs Bunny
Хамгийн “ухаалаг” туулай Bugs Bunny-ын дүр 1938 оноос хойш маш ихээр өөрчлөгдөж өдийг хүрснийг та харж байна. хамгийн сүүлд 2019 онд түүний гадаад төрхөнд өөрчлөлт оруулж, шар бээлий өмсгөсөн байна.
Та тэдний аль дүрд нь илүү дуртай вэ? Хүүхэд байхдаа та аль хүүхэлдэйн киног нь хамгийн их үздэг байсан бэ? Сэтгэгдэл хэсэгт бидэнтэй хуваалцаарай.