Өндөр өсгийтэй гутал нь хээнцэр ганган харагдахын гол шинж болоод удаж байна. Хөлд эвтэйхэн гутал гэхээр удахгүй төрөх гэж байгаа бүсгүйчүүд эсвэл пүүз, кет л шууд санаанд орно. Энэ тохиолдолд хөлд эвтэйхэн байлгахыг л хичээхээс биш гоо сайхны тухай огт бодохгүй. Жирийн сандаль эсвэл балет гутлыг ч загварлагаар өмсөж болдгийг мэддэггүй нь харамсалтай: ажилдаа ч тэр, үдэшлэгт ч тэр ичих зүйлгүй өмсөж болох юм.
Та бүхэндээ мэргэжлийн стилистүүдийн зөвлөгөөг хүргэхээр бэлдлээ: хавтгай ултай, хөлд эвтэйхэн гутлыг хэрхэн “ганган” болгохыг та бүхэндээ танилцуулъя.
Челси гутлын түрийнд чихсэн жийнсэн өмд таны гадаад үзэмжийг төдийгүй гутлыг ч гутаана
Челси – хүн болгонд зохих шилдэг загварын гутал хэмээгддэг. Уг гутлыг түрийнд нь чихсэн жийнсэн өмд л гутаадаг юм. Нэгдүгээрт, энэ шийдэл гоёлыг бүхэлд нь эвддэг, хоёр дугаарт гутлын түрий сунаж хэлбэрээ алдах тул хөлд таарахаа болино.
Оксфорд загварын гутал чөлөөтэй, сул хувцастай илүү зохицдог
Классик ботинк болох оксфорд гутал дээр оверсайз пальто, жийнс, гольфтой үнэхээр зохицдог. Мөн даашинзтай өмсөхөд ч буруудахгүй, хамгийн гол нь сул чөлөөтэй загварын даашинз байх ёстой.
Лофер гутлыг хөл нvцгэн өмсвөл загварлаг харагдана
Лофер-ыг богиносгосон өмдтэй, урт цамцтай хослуулж өмсөж болно. Харин банзлын хувьд хагас ханцуйтай цамцтай хослуулж өмсөх нь илүү зохимжтой. Илүү хөнгөн харагдахыг хүсвэл цайвар, цайвар шаргал өнгийн лофер өмсөнө. Мөн лоферыг оймстой өмсөхөөс зайлсхий. Нvцгэн хөлтэй байхдаа өмссөн тохиолдолд илүү хээнцэр харагдах ажээ.
Мюли загварын гутал нь ямар ч эмэгтэйг чимнэ
Жийнсэн өмд, өргөн сул өмд, мини банзал, комбинзон, өдөр тутмын эсвэл үдэшлэгийн даашинз, өмдтэй костюм – юутай ч хослуулж өмсөж болно. Туршилт хийхээс айдаггүй бүсгүйчүүдэд дизайнерууд дараах хувилбарыг санал болгох ажээ: торон оймс эсвэл трико дээр мюли өмсөх. Оймсны хувьд урт түрийтэй байх ёстой.
Балетки нь банзал, мини болон миди урттай даашинзтай илүү зохицно
Балетки – ямар ч нөхцөлд өмсөж болох гутал юм. А-хэлбэрийн даашинзтай гайхалтай зохицно, мөн шорт, жийнсэн өмдөн дээр ч өмсөхөд болохоор. Илүү хөнгөн загварыг бий болгохыг хүсэж байгаа бол хөлийн хурууг дөнгөж нуухаар балетки өмсөөрэй. Уг загварын гутлыг урт өмдтэй өмсөхөд жижигхэн хөлийг ч том болгож харагдуулдаг давуу талтай.
Босоо оруулгатай сандаль
Хөнгөн, нимгэн даашинз эсвэл богино жийнсэн өмд (дээгүүрээ урт цамц)-тэй үедээ сандал өмсвөл илүү зохимжтой. Хэрвээ хувцас нь босоо хээтэй бол улам өндөр ч харагдуулж мэдэх юм.
Нvцгэн хөлөн дээр өмссөн урт түрийтэй гутал нь мини болон миди урттай даашинзтай гайхалтай зохицно
Урт түрийтэй гутал өмсөх гэж байгаа бол даашинз, банзлын уртыг нарийн тохируулах хэрэгтэй, өөрөөр хэлбэл гутал, хувцасны дундуур хөл харагдах ёсгүй. Мөн даашинз, банзал цахилгаанжиж биед наалдаж байгаа эсэхийг анхаар: хувцас биед наалдахаар биеийг бүдүүн харагдуулдаг ажээ.
Ул болон гутлын дээд их бие адилхан өргөнтэй байвал илүү цэмцгэр харагдана
Гутлын ул дээд их биеэсээ өргөн байвал том овортой харагдана, өөрөөр хэлбэл таныг палбигар хөлтэй харагдуулж мэдэх юм. Зөв хэлбэртэй брогийг нарийн даавуун эсвэл жийнсэн өмдтэй өмсөөрэй, мөн даашинз, банзал ч зохино.
Пүүзийг ч мөн зөв өмсөх хэрэгтэй
Пүүз хөлд үнэхээр эвтэйхэн, бараг хүн болгон пүүз өмсдөг гэхэд ч буруудахгүй. Гэсэн хэдий ч олны нүдэнд хамгийн их өртдөг гутал юм. Тиймээс хувцастайгаа зөв зохицуулж өмсөж сурах хэрэгтэй. Пүүзийг өөр бусад хувцастайгаа хэрхэн зохицуулж өмсөх вэ: дэрвэгэр эсвэл хурц тод өнгийн хувцастай өмсөнө. Илүү хөнгөн бас цэвэрхэн харагдахыг хүсэж байгаа бол пүүзнээс цухуйх оймсоо нуугаарай.
Даашинз, ботинк өмсөх гэж байгаа бол гутлын өндрийг тааруулаарай
Ботинк, даашинзыг хослуулан өмсөх – сонгодог загвар болжээ. Гэхдээ шагайн дээр дуусах урттай гутал сонгохоос зайлсхий. Урт түрийтэй гутал хөлийг урт болгож харагдуулдаг тул аль ч утгаараа зөв сонголт болно.
Та намхан ултай гуталтай юу? Түүнийгээ ямар хувцастай хослуулж өмсдөг вэ?
Бахархмаар
Хөөрхөн
Гайхмаар
Ха Ха
Тэнэглэл
Гоё
Буруу
Харамсалтай
