Маш бага төсвөөр бүтсэн хэдий ч дэлхий дахинд танигдаж, их хэмжээний орлого олж чадсан 12 кино

6
2
61,385

Бүх цаг үеийн түүхэнд хамгийн өндөр өртгөөр бүтсэн кино бол “Pirates of the Caribbean: On Stranger Tides” бөгөөд нийт 379 сая америк долларын төсөвтэй байсан гэдэг. Гэвч хэдий чинээ их хөрөнгө мөнгө зарцуулна, төдий хэмжээний ашиг бөгөөд нэр хүнд олно гэсэн баталгаа үгүй. Амжилттай бүтээл гаргахын тулд сонирхолтой зохиол, сайн баг, шаргуу хөдөлмөр хэрэгтэй. Манай сайт уншигч танд маш бага зардлаар бүтсэн хэдий ч дэлхий дахинд танигдаж, маш их ашиг орлого олж чадсан 12 киног танилцуулж байна.

1. Saw

© Saw / Lions Gate Films

Төсөв: $1,200,000

Орлого: $103,096,345

Хэн ч энэхүү киног ийм их амжилтад хүрнэ гэж бодож байгаагүй гэдэг. Кинонд тоглосон баг хамт олон ч олны танил бус хүмүүс байсан бөгөөд ердөө 18 өдрийн дотор л зураг авалт явагдаж дууссан гэдэг. Уг кинонд зориулж хийсэн зураг авалтын талбай нь зөвхөн угаалгын өрөө л байжээ.

 

2. Rocky

© Rocky / United Artists

Төсөв: $960,000

Орлого: $225,000,000

Кино зохиолыг нь гол дүрд тоглосон жүжигчин Sylvester Stallone ердөө 3.5 өдрийн дотор л бичиж дуусгасан гэдэг. Мөн киноны төсөв маш бага байсан учир нь жүжигчин маань өөрийн гэр бүлийнхэнийг туслах дүрүүдэд тоглуулж байсан гэнэ. Тухайлбал түүний ах дуучны дүрд тоглосон бол аав нь ринг дээрх хонх цохигчийн дүрийг бүтээжээ.

 

3. Moonlight

© Moonlight / A24

Төсөв: $1,500,000

Орлого: $65,300,000

Зарим нэгэн эх сурвалжийн мэдээлснээр киноны нийт төсөв 4 орчим сая америк доллар байсан гэдэг ч кино найруулагч үүнийг үгүйсгэж, 1.5 сая америк долларын өртөгтэй хийгдсэн хэмээжээ. Киноны зураг авалт нийт 25 өдөр явагдсан байна.

 

4. Pulp Fiction

© Pulp Fiction / Miramax Films

Төсөв: $8,000,000

Орлого: $213,900,000

Анх уг киноны төсөв 8 саяас ч бага байсан гэнэ. Гэвч нэрт жүжигчин Bruce Willis-ийн нөлөөгөөр төсөв нь ийн нэмэгдэж байсан ажээ. Гэсэн ч нийт 8 саяын төсвийн 5 сая нь жүжигчин эрийн халаас руу орсон байдаг.

 

5. The Terminator

© The Terminator / Orion Pictures

Төсөв: $6,400,000

Орлого: $78,300,000

Энэхүү киноны санааг нэрт найруулагч James Cameron өвчтэй байх үедээ зүүдэлж олсон гэдэг. Кино зохиол бэлэн болсон хэдий ч төсөв мөнгөний асуудал шийдэгдэхгүй удаан хүлээгдсэн бөгөөд James Cameron энэ зохиолоо ердөө 1 америк доллараар зарах нөхцөлтэйгөөр найруулагчаар нь ажилласан гэдэг. Киноны гол дүрд тоглосон жүжигчин Arnold Schwarzenegger ч энэ киног төдийлөн амжилттай болно гэж бодож байгаагүй хэмээжээ.

 

6. Insidious

© Insidious / Blumhouse Productions

Төсөв: $1,500,000

Орлого: $99,500,000

Saw киноны уран бүтээлчид энэхүү киног хийсэн бөгөөд ердөө 3 долоо хоног зураг авалт хийгдсэн байдаг. Харин энэхүү кино зардлаасаа даруй 66 дахин их орлого олсон буюу 100 сая орчим орлого олсон байдаг.

 

7. Lock, Stock and Two Smoking Barrels

© Lock, Stock and Two Smoking Barrels / Sony Pictures Releasing

Төсөв: $1,350,000

Орлого: $28,100,000

Найруулагч Guy Ritchie-гийн найруулсан анхны кино түүнийг нэр алдарт аваачсан нь Lock, Stock and Two Smoking Barrels байлаа. Энэ киногоор мөн Jason Statham болон Vinnie Jones нар дэлхий дахинд өөрсдийгөө таниулсан гэдэг. Хямд төсөр зардлаар бүтсэн ч энэ кино олны зүрх сэтгэлд хоногшин үлдэж чаджээ.

 

8. Boyhood

© Boyhood / IFC Films

Төсөв: $4,000,000

Орлого: $57,300,000

Энэхүү киноны зураг авалт 12 жилийн турш хийгджээ. Жил бүр кино найруулагч кино зохиолоо шинэчлэн бичдэг байсан бөгөөд кино багийнхан жилд 1 эсвэл 2 удаа цуглаж 3-4 өдрийн зураг авалтанд гардаг байсан гэдэг. Бүх эрсдлийг үл тоон энэхүү кинонд хөрөнгө зарсныхаа ач тусыг ч тэд хүртсэн юм.

 

9. Dirty Dancing

© Dirty Dancing / Vestron Pictures

Төсөв: $5,000,000

Орлого: $214,600,000

Энэ кино бүтсэн түүх маш ээдрээтэй. Хөрөнгө оруулагч талууд удаа дараалан кино зохиолоос татгалзаж, нийт төсөв дундаж кино төсвөөс 2 дахин бага байсан бөгөөд гол дүрийн жүжигчид ч үл ойлголцол үүсгэж байжээ. Энэ бүхний эцэст 200 сая америк долларын ашиг бүхий сонгодог уран бүтээл бидний хүртээл болсон түүхтэй.

 

10. A Nightmare on Elm Street

© A Nightmare on Elm Street / New Line Cinema

Төсөв: $1,800,000

Орлого: $57,000,000

Freddy Krueger-ийн түүхийг New Line Cinema хүлээн авч кино бүтээх хүртэл олон газраас татгалзсан хариу авч байв. Гэвч кино зураг авалтын үеэр студи санхүүгийн асуудалд орж, кино багийн хамт олон 2 долоо хоног орчим ямар нэгэн цалин хөлсгүй ажиллаж байжээ.

 

11. Blue Valentine

© Blue Valentine / The Weinstein Company

Төсөв: $1,000,000

Орлого: $16,600,000

Энэхүү киноны зохиол дэлгэцийн уран бүтээл болохоор удаан хүлээсэн гэдэг. Мөн найруулагч нь дүрүүдэд өөр өөр насны жүжигчид тоглох ёстой гэсэн байр суурьтай байсан ч санхүүгийн асуудлаас болж энэ хүслээ биелүүлж чадаагүй аж. Мөн тэрээр өөрийн цалинг кинонд хандивлаж байсан гэнэ.

 

12. One Flew Over the Cuckoo’s Nest

© One Flew Over the Cuckoo’s Nest / United Artists

Төсөв: $4,400,000

Орлого: $163,250,000

Энэхүү алдарт киноны утга санаа нь олон продюсеруудын эргэлзээг төрүүлж, кино хийх саналаас татгалзах болж байсан гэдэг. Үүний дараагаар кино зохиолын эрхийг эзэмшдэг Kirk Douglas өөрийн эрхээ хүү Michael-д зарснаар кино бүтэх боломжийг олсон ажээ.

Эдгээр кинонуудыг юу ийм их амжилтанд хүргэсэн бол? Та аль кинонд нь хамгийн дуртай вэ? Сэтгэгдэл хэсэгт бидэнтэй саналаа хуваалцаарай.

49
ГайхмаарГайхмаар
14
ХөөрхөнХөөрхөн
13
ТэнэглэлТэнэглэл
12
БахархмаарБахархмаар
11
БурууБуруу
6
ХарамсалтайХарамсалтай
4
Ха ХаХа Ха
4
ГоёГоё
Баярлалаа!

Фейсбүүк сэтгэгдэл

6 Сэтгэгдэл

  1. Билгүүн Бэк

    Билгүүн Бэк

    2020/09/29 at 20:12

    Saw 1 angi 1 oroond ornodog 2 nairuulagch zaluudaa kino hiiy gesn ch mash baga togrogtei baisan bolhoor 1 oroond hiisen ter ni uzegchded iheehen taalagdsan 👍👍👍

  2. Pulp fiction best shvvdeee

  3. Zu La

    Zu La

    2020/09/29 at 21:19

    Saw bur nais shuu manaihaan zaawal uzerei

  4. Khongorzul Bat-Amgalan

    Khongorzul Bat-Amgalan

    2020/09/30 at 07:46

    Zu La yu gardun

  5. Yukihara Howling

    Yukihara Howling

    2020/09/30 at 08:48

    Khongorzul Bat-Amgalan нэгэн тархины хорд хавдартай өвгөн байдын үхэхээ мэдэхдээ амьдралын амьдрах үнэ цэнийг ойлгодог юм тгд амьдралаа буруу зүйлд үрдэг муу муухай зүйл хийдэг хүмүүст амьдралын үнэ цэнийг ойлгуулахын тулд шийтгэл өгдөг

  6. Zu La

    Zu La

    2020/09/30 at 13:48

    Yukihara Howling ter ni uneheer aimr shiitgel 😖😖😖

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.