Үхлийн тухай таны мэдэхгүй ч байж болох 8 зүйл

“Миний ах Billy нас барснаасаа 3 долоо хоногийн дараа хойд нас буюу нас барсны дараах амьдралд юу болдог тухай тайлбарлахаар намайг сэрээхэд би өөрийгөө галзуурч байна уу л гэж бодсон. Бүх амьдралынхаа туршид донтолтын байдалтай байсан ах маань эмгэнэлт үхлээр хорвоог орхисон бөгөөд олон хүний хэлдэг шиг сайхан, бүтэлтэй амьдралтай байгаагүй юм. Эхэндээ ийм юм байж болохгүй гэж бодож байсан би удалгүй үл итгэх үзэлдээ хөтлөгдөн Billy надад үхлийн талаар юу өгүүлэх гээд байгааг мэдэхийг хүссэн билээ.” Энэ бол “The Afterlife of Billy Fingers” номын зохиогч Annie Kagan-ы үг. Тэрээр цаг бусаар хорвоог орхисон ах Billy-тэйгээ ярилцсан яриагаа ном болгон бичсэн байна.

1. Хамгийн эхэлж болох зүйл бол амар амгалан байдал.

Үхмэгцээ бид өөрийн биеэс гарч, ер бусын гэрэлтэй өөр орчинд очих ба энэ газрын гэрэл бүх амьдралын чинь туршид сэтгэл санаа, бие эрхтний хувьд таныг шаналгаж байсан зүйлсийг бүгдийг нь арилгах болно. Энэ нь наносекундээс богино хугацаанд болж өнгөрөх ч таны бүх өвчин шаналлыг үгүй болгоно.

2. Та өөрийгөө мэдэрсээр байх болно.

Хэдийгээр та өөрийн биегүй болсон байх ч өөрийгөө хувь хүн байдлаар нь мэдэрсээр байх болно. Харин ч бүр амьд байсан цаг үеэсээ илүүгээр өөрийгөө мэдрэх болно. Хорвоо ертөнц дээр байх үед бид өөрийгөө мэдрэх боломжгүй болтлоо янз бүрийн нөлөөнд автагдсан байдаг.

3. Хувь хүний гэрэл

Хойд насанд эрдэм мэдлэг, өрөвч нинжин сэтгэл, эелдэг зан чанар, ухаан гэрлийн цацрагаар харагддаг. Дэлхий дээр харагддаггүй гэрэл энд харагддаг.

4. Там болон гэсгээлт нь хүн төрөлхтний ойлголт

Нас барсны дараа хойд насанд юу хүлээж байгаа тухай янз бүрийн ярианууд дэлхий дээр байдаг. Амьд ахуйдаа алдаа хийхгүй, төгс байвал нас барсныхаа дараа очих газрыг диваажин хэмээн нэрлэдэг.

5. Дэлхий дээрх амьдрал ч гэсгээл биш

Амьдрал дээр өвдөлт гэдэг зүйл байдаг. Гэтэл энэ нь хүний мэдрэхүй болохоос гэсгээл биш. Яг л хүн амьсгалж, харж, судсаар цус урсахтай адил ердийн л мэдрэхүй.

6. Үхсэний дараа бурхны шүүхийн өмнө очно гэдэг ч үнэндээ тэнд шүүх байдаггүй.

Бид туулж өнгөрүүлсэн амьдралынхаа тухай бодохдоо алдаандаа харамсдаг. Магадгүй та маш ухаантай болохоор харамсах зүйлгүй ч байж болно. Аль ч байсан гэлээ нас барсны дараа өөрийн амьдралыг харахад хичнээн хэцүү зүйлүүд байсан ч гэлээ тэр амьдрал гэдэг зүйл бол гайхалтай сайхан гэдгийг ухаардаг.

7. Өөрөөрөө байгаадаа баяртай байх болно.

Өөрийгөө ямар харагдаж байгаад санаа зовохгүй болно. Ингэж харагдах юмсан гэх ямар ч сонирхол, бас хүчин чармайлт гаргах хэрэггүй болно. Учир нь та зүгээр л гэрэлтэнэ.

8. Хойд насны хайр дэлхий дээрх хайртай адилгүй.

Юу хийж, ямар харагдаж, хэр алдартай байх, хэр мөнгөтэй байх зэргээрээ хайрлагдахгүй. Хайр бол үнэхээр ямар ч болзолгүй байдаг гэдгийг ойлгоно. Амьд байхдаа та хичнээн хүнд хайрлагдаж байсан чинь ч энд хамаагүй. Энд зүгээр л нигүүлсэл байдаг.

6

Тэнэглэл

6

Гоё

2

Буруу

2

Гайхмаар

1

Ха Ха

1

Бахархмаар

0

Хөөрхөн

0

Харамсалтай

Баярлалаа!