Нэгэн цагт спортын ертөнцөд амжилттай тамирчид байсан 12 алдартнууд. Өдгөө тэд бүгдээрээ дэлгэцийн одууд болжээ

0
0
18,417

Эдгээр алдартнуудыг бид авьяаслаг жүжигчид, телевизийн шоуны одууд гэдгээр нь мэддэг бол энэ удаад тэдний спортын замналын тухай өгүүлэх гэж байна. Томми Лий Жонс (Tommy Lee Jones), Жэйсон Стейтм (Jason Statham), Кэйтлин Женнер (Caitlyn Jenner) тэргүүтэй манай нийтлэлийг чимсэн эдгээр оддын дэлгэцийн амьдралаас өмнөх спортын ертөнц дэх амжилт хэр байсан бол? Тэд чансаа өндөр томоохон тэмцээнүүдээс медаль хүртэж, рекорд тогтоож бас эвдэж байсан болов уу? Манай сайт танд тайз дэлгэцийн нэр бүхий 12 алдартны спортын замналтай холбогдсон тухай сонирхолтой баримтуудыг хүргэхээр бэлдлээ.

Томми Лий Жонс (Tommy Lee Jones)

© Charles Sykes / Invision / AP / East News

1960-аад оны сүүлч үеэр Томми Лий Жонс өөрийн суралцаж байсан Харвардын их сургуулийн Америк хөлбөмбөгийн шигшээ багт хамгаалагчийн байрлалд тоглодог байжээ. 1968 оны 11 сарын 23-ны өдрийн Йелийн их сургуулийн эсрэг Харвардын их сургуулийн багийн тоглолт америк хөлбөмбөгийн түүхнээ хамгийн гайхалтай эргэн ирэлт хийгдсэн тоглолт хэмээн тодоор бичигдсэн үлдсэн байдаг. Уг тоглолтын төгсгөлд хоёр багийн оноо 29:29 болж тэнцээд байхад Харвардын шигшээ баг сүүлчийн хоромд оноо авснаар түүх бүтээж байжээ. Энэхүү багийн бүрэлдэхүүнд Томми Лий Жонс багтаж байсан нь түүнийг манай жагсаалтанд оруулах нэгэн том шалтгаан болсон юм.

© Collegiate Images / Collegiate Images / Getty Images

 

Кэйтлин Женнер (Caitlyn Jenner)

© IPA / MEGA / EAST NEWS

1970-аад оны үед бидний танил Кэйтлин Женнер хүйсээ солиулаагүй байхдаа буюу Брьюс Женнер (Bruce Jenner) нэртэй байх үедээ чамгүй амжилттай тамирчин явжээ. Женнер коллежийн америк хөлбөмбөгийн Graceland Yellowjackets багийн төлөө тоглодог байсан бөгөөд хожим декатлон буюу арван төрөлтөөр хичээллэх болжээ. Улмаар 1976 оны зуны олипийн наадмаас эрэгтэйчүүдийн декатлоны төрөлд аварга болж, тухайн өдрөө өөрийн хувийн таван ч дээд амжилтаа эвдэж байжээ.

© Courtesy Everett Collection / East News

 

Жэйсон Стейтм (Jason Statham)

© jasonstatham / Instagram

Бидний мэдэх алдарт жүжигчин нэр алдарт хүрэхийн өмнө тэрээр чамгүй олон спортоор хичээллэж явсан нэгэн. Өсвөр насандаа хөлбөмбөгөөр хичээллэж дунд сургуулийнхаа шигшээ багийн тамирчин явсны зэрэгцээ усанд шумбалтын чамгүй олон техникийг төгс хийж гүйцэтгэдэг байжээ. Жэйсон Стейтмийг та Их Британийн усанд сэлэлтийн үндэсний шигшээ багийн тамирчин байсан гэдгийг мэдэх үү?

© jasonstatham / Instagram

 

Мэттью Фокс (Matthew Fox)

© HNW / PictureLux / PictureLux / agefotostock / East News

We Are Marshall кинонд Уиллиам Давсоны дүрийг чадварлаг бүтээсэнд Мэттью Фоксыг гайхах хэрэггүй л болов уу. Учир нь тэрээр Колумбийн их сургуульд суралцаж байх үедээ америк хөлбөмбөг тоглож байсан туршлагатай нэгэн аж.

© Warner Bros / Courtesy Everett Collection / East News

 

Стэйси Кэйблер (Stacy Keibler)

© Brian Dowling / PictureGroup / EAST NEWS

Стэйси Кейблерийг жүжигчин, бүжигчин, модел гээд л бид авьяас дүүрэн нэгэн гэдгийг мэддэг байсан бол тэрээр мөн мэргэжлийн бөх байсан гэдгийг та урьд өмнө нь дуулж байсан уу? Тэрээр мөн Dance with the Stars шоуны гуравдугаар байрын шагналтай аж.

© Ryan Pierse / Getty Images

 

Дийн Кэйн (Dean Cain)

© Maury Phillips / Getty Images

Бид түүнийг Lois & Clark: The New Adventures of Superman цувралд Супермэний дүрийг бүтээснээр нь сайн мэддэг бол тэрээр мэргэжлийн америк хөлбөмбөгийн тамирчин ажээ. 2004 онд АНУ-ын Санта Моника дахь “Crossroads School” спорт цогцолборт Лос Анжелес хотын хүүхдүүдтэй тамирчны дүрээр ирээд буйг нь доорх зурагнаас харж болохоор байна.

© John Heller / WireImage

 

Та дэлгэрэнгүй мэдээлэл авах бол энд дарна уу

 

Дуэйн Жонсон (Dwayne Johnson)

© Gilbert Flores / Broadimage / EAST NEWS

Дуэйн Жонсон өмнө нь Майамигийн их сургуулийн америк хөлбөмбөгийн багийн тоглогч байгаад зогсохгүй 1991 оны үндэсний аварга болж байсан түүхтэй нэгэн аж. Мөн тэрээр мэргэжлийн бөхөөр 8 жил хичээллэж явсан гэдгийг та андахгүй мэдэх биз ээ.

© Collegiate Images / Collegiate Images / Getty Images

 

Жина Карано (Gina Carano)

© Gilbert Flores / Broadimage / Broad Image / East News

Fast & Furious 6, Deadpool зэрэг киногоороо бидэнд танигдсан жүжигчин бүсгүй маань фитнес модел мөн холимог тулааны тамирчин байжээ. Тэрээр Му-Тай суурьтай холимог тулаанч байсан бөгөөд 2008 оны “Xамгийн нөлөө бүхий 10 эмэгтэй” хэмээх жагсаалтанд багтаж явжээ.

© Stephen Shugerman / Getty Images

 

Марк Хармон (Mark Harmon)

© 0000466 / Reporter / East News

Жүжигчний замналаа эхлүүлэхээс өмнөхөн Марк Хармон коллежийн хөлбөмбөгийн багийн тамирчин байсан бөгөөд чамгүй амжилттай нэгэн байв. 1973 онд Үндэсний Хөлбөмбөгийн Холбооноос Спортлог сурагч шагнал, мөн ондоо Бүх Америкийн билэгдлийн хоёрдугаар багт нэрлэгдэж, 2010 онд Коллежийн хөлбөмбөгийн Алдарын Тэнхимийн гишүүн болжээ. 1981 онд “Battle of the Network Stars” нэртэй спортын үйл ажиллагаанд оролцож буй үеийн зургийг нь доор орууллаа.

© Walt Disney Television / Getty Images

 

Чак Норрис (Chuck Norris)

© GP / MPI / Capital Pictures / Capital Pictures / East News

Чак Норрисыг олон арван тэмцээний түрүү хүртсэн холимог тулааны алдартай тамирчин гэдгийг хэн бүгд мэдэх биз ээ. Тэр ч бүү хэл “Чун Кук Дү” нэртэй өөрийн холимог тулааны урсгалыг ч бий болгоод амжсан нэгэн. Чак Норрисыг Жүдо, Бразилын Жиу Жицүгийн хар бүстэй гэдгийг та мэдэх үү?

© Associated Press / East News

 

Үзо Адуба (Uzo Aduba)

© AFP / EAST NEWS

Бид түүнийг Orange Is the New Black цувралын Сузаннын дүрээр сайн мэднэ шүү дээ. Тэгвэл түүнийг Бостоны их сургуульд суралцдаг байхдаа буухиа гүйлтээр хичээллэдэг байсныг та мэдэх үү? 2015 оны Бостоны Марафонд оролцож буй зургийг нь доор орууллаа.

© Paul Marotta / Getty Images

 

Арнольд Шварценеггер (Arnold Schwarzenegger)

© MJT / AdMedia / Capital Pictures / EAST NEWS

Арнольдгүй бол энэ жагсаалт маань утгагүй болох биш гэж үү? Дэлхийн хэмжээний жүжигчнээс гадна тэр бол бодибилдингийн хамгийн алдартай тамирчин гэдэгтэй санал зөрөх хүн нэгээхэн ч үгүй. Бодибилдингийн замналын эхэн үедээ тэрээр хэд хэдэн зуны олимпийн наадамд хүндийг өргөлтийн төрөлд оролцож байжээ. 1970 онд Мистер Олимпийн аваргыг 23-хан насандаа хүртсэн нь түүнийг энэ тэмцээний түүхэнд хамгийн залуу аварга нэрээр мөнхөлсөн түүхтэй. Одоо ч энэ амжилтыг нь эвдэх хэн нэгэн гарч ирээгүй хэвээр л байна.

© EAST NEWS

Манай нийтлэлд гарсан алдартнуудын спортын замналын тухай та өмнө нь мэддэг байсан уу? Ямар спорт таны хувьд нууц авьяас тань вэ? Сэтгэгдэл хэсэгт бидэнтэй хуваалцаарай.

6
ГайхмаарГайхмаар
3
ГоёГоё
1
ТэнэглэлТэнэглэл
1
БахархмаарБахархмаар
1
ХарамсалтайХарамсалтай
0
Ха ХаХа Ха
0
ХөөрхөнХөөрхөн
0
БурууБуруу
Баярлалаа!

Фейсбүүк сэтгэгдэл

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.