Тренд байхаа больж, цаг хугацааны эрхээр мартагдаж хоцрогдсон 12 төрлийн хувцаслалт. Эдгээр хувцас одоо хүртэл таны хувцасны шүүгээнд байдаг юм биш биз?

© MEGA / Mega Agency / East News

Загварын трэнд бүр тухайн цаг үедээ хамгийн загварлаг харагддаг ч одоо харахад яаж тийм алдартай байсан юм бол оо гэж гайхмаар хувцаслалтууд олон байдаг. Зарим хувцсыг хүмүүс яаж өдөр тутамдаа өмсдөг байсныг ч гайхаад баршгүй. Ингээд эцэст нь нэг юм трэнд байхаа больж ард хоцорсон 12 төрлийн хувцаслалтыг хүргэж байна.

1. Хатгамалтай хувцас

Хэдхэн жилийн өмнө хатгамалтай хувцаснууд хаа сайгүй моодонд орж байжээ. Подволк, жийнс, пүүз, хүрэм, цамц гэх мэт. Гэвч одоо энэ трэндийг нэг мөсөн мартах цаг болсон байна. Яг одоогоор дэлхий даяар энгийн зүйлсийг илүүд үзэх болсон учраас цулгуй хувцаслалтууд илүү загварлаг харагдах болжээ.

2. Уналттай даашинз

Саяхныг хүртэл уналттай материалтай даашинз нь бүсгүйчүүдийг илүү эмэгтэйлэг, романтик, тансаг харагдуулдаг гэж боддог байв. Тиймээс ч торгон материалтай топ, даашинз дэлхий даяар маш алдартай болсон юм. Гэвч түүнээс болоод тиймэрхүү хувцаслалт хүмүүсийг уйдааж эхэлсэн бөгөөд 2020 онд ийм төрлийн хувцаснуудыг унтлагын өрөөнд л өмсөх болжээ.

3. Том пүүз

Нэг хэсэг зузаан ултай том пүүзнүүд трэнд болж өмсөөгүй хүн олддоггүй байлаа. Тэдгээр пүүзнүүд хөлийг том харагдуулдаг төдийгүй, зузаан, эв хавгүй ултай, олон зохицолгүй өнгөтэй байдаг бөгөөд дизайнерууд дахин муухай элементүүд нэмсээр л байдаг. Хэдийгээр охид тийм пүүзийг хослол, жийнс, даашинз гээд бүх л юман дээр өмсдөг байсан ч тийм ч сайхан харагддаггүй гэдэгтэй санал нийлэх цаг болжээ.

Энэ жил та илүү энгийн, цэвэрхэн загвар дээр төвлөрөх хэрэгтэй. Харин зузаан ултай пүүзэнд чин сэтгэлээсээ дуртай хүмүүсийн хувьд оронд нь оймсон түрийтэй сонгоод үзээрэй.

4. Нүхтэй шаахай

Зарим хүмүүст энэ шаахай загварлаг санагддаг бол зарим хүмүүс зүгээр л маш эвтэйхэн болохоор нь өмсдөг байна. Энгийн атлаа тухтай учраас хүүхэд, том хүнгүй бүгд дуртай байдаг. Гэсэн хэдий ч нүхтэй шаахай өмссөн хүн дээгүүр нь ямар ч загварлаг хувцас өмсөөд нэмэргүй. Сүйрэл л гэсэн үг. Мөн зарим эмч нар энэхүү шаахайг удаан хугацаагаар өмсөх нь хөлд муу гэдгийг сануулж байна.

5. Эртүүзэн жийнс

Ийм төрлийн өмднүүд хямдхан харагддаг төдийгүй хэт бариу учраас биеийн онцгүй харагддаг хэсгүүдийг ч маш тод харагдуулдаг сул талтай. Тиймээс зүгээр л энгийн жийнс авах нь илүү аюулгүй сонголт болох болно.

6. Фосфортдог хувцас

Тод өнгө хүнийг илүү эрч хүчтэй харагдуулдаг ч хэтрүүлж болохгүй. Тиймээс нэг удаад нэгээс илүү тод өнгийн хувцас өмсөх хэрэггүй. Жишээ нь та тод өнгөтэй топ өмслөө гэж бодоход даруухан өнгөтэй өмд өмсөх хэрэгтэй.

7. Хэт дэгжин хумс

Хумсанд ч гэсэн трэнд гэж бий. Бас өнөөдрийн байдлаар илүү энгийн байх тусмаа сэтгэл булаам гэсэн дүрэм хумсан дээр ч мөн үйлчилж байна. Өнгө өнгийн шигтгээ, алагласан хээнүүд, шовх урт үзүүр гээд чимэглэлийн бүх элементүүд хоцрогдсон. Харин минималист будалт бол шинэ трэнд төдийгүй хумсны уртын хувьд өндөгнөөсөө хальтхан илүү гарч байхад л хангалттай.

8. Үслэг сандаал

Үслэг сандаал алдартай болж олны танил хүмүүс өдөр тутамдаа, өмд, даашинз, хослол дээрээ гэх мэтээр хаа сайгүй өмсөж эхлэв. Ийм загвартай сандаалыг зарим хүмүүс маш загварлаг төдийгүй юун дээр ч зохицно гэж үздэг бол зарим хүмүүс эв хавгүй, болхи загвартай гэж боддог байна. Ямартай ч та өнөөдөр загварлаг харагдмаар байгаа бол өөрөөсөө ийм загвартай сандаалыг аль болох холхон байлгасан нь дээр.

9. Бэлхүүсэвч бүс

Анх маш зоримог загварын шийдэл болж гарч ирсэн энэхүү бүс одоо ч гэсэн сайхан харагдах нь юу л бол. Ийм бүс маш хямдхан болхи харагддаг учир энэ удаад өөр бүс худалдаж аваад үзвэл ямар вэ?

10. Сүлжмэл даашинз

Энэхүү тухтай хувцас одоо бол загварын ертөнцөөс нэг мөсөн арчигдсан гэж хэлж болно. Учир нь ийм төрлийн даашинз биеийн жинг нэмж харагдуулдаг. Түүнчлэн хэт бариу юм уу томдсон загварууд хоцрогдож эхэлж байна.

11. Нэвт харагддаг гутал

Энэ загвар нь харагдах байдлаасаа дажгүй ч өмссөн хүндээ маш тухгүй мэдрэмж төрүүлдэг. Ийм загвартай гутлыг анх олны танил, нийгмийн сүлжээний алдартнууд өмсдөг байсан нь олон бүсгүйчүүдийн анхаарлыг эрхгүй татсан билээ. Гэвч ямар ч агаар нэвтрэх боломжгүй битүү зүйлийг хэдэн цагийн турш өмсөнө гээд төсөөлөөд үз дээ.

Нэгэн сэтгүүлч бүсгүй яг энэ гутлыг өмсөж үзээд “Би энэ гутлын нэвт харагддаг загвараас нь болоод оймс өмсөж чадаагүй. Тэгээд хуванцар юм шиг материалаас нь болоод хөл маш их хөлөрсөн” хэмээн сэтгэгдлээ хуваалцжээ.

12. Богино цамц

Зөвхөн төгс биетэй бүсгүйчүүд л ийм цамц өмсвөл зүгээр. Ийм загвартай хувцас нь гэдэс гардаг учраас хүйтэн өдөр өмсөж болохгүй гэсэн хэдий ч нэхмэл материалаас нь болоод халуунд ч бас өмсөх боломжгүй. Тиймээс л энэ төрлийн цамц загварын ертөнцөөс шахагдан гарсан юм.

18

Бахархмаар

13

Ха Ха

12

Тэнэглэл

8

Гайхмаар

2

Гоё

2

Буруу

1

Харамсалтай

1

Хөөрхөн

Баярлалаа!