Жүжигчин Жаред Лето эзгүй цөлд, ямар ч гар утасгүй 12 хоног бясалгал хийжээ. Эргэж ирээд дэлхий ертөнц ямар их өөрчлөгдсөнийг гайхсан байна

Алдартай жүжигчин, хөгжимчин, “Оскар”-ын шагналтан, “30 Seconds To Mars” хамтлагийн ахлагч, бас нэгэн Жокерын дүрийг бүтээсэн Жаред Лето дэлхий дахины №1 сэдэв болсон коронавирусын тухай мэдээг хамгийн сүүлд мэдсэн хүн нь болж байх шиг. 48 настай америк залуу энэ тухайгаа өөрийн Инстаграм хуудаснаа мэдэгдсэн байна.

Жаред, бодит амьдралд тавтай морилно уу!

Жаред Лето 12 хоногийн турш эзгүй цөлд бясалгал хийж өнгөрөөжээ, харилцаа холбооны ямар ч хэрэгсэлгүй

Тэр их зүйлээс хоцорч байгаа нь тодорхой.

Соёл иргэншил дээрээ эргэж ирсний дараа түүний нүүрний хувирал нэг иймэрхүү байсан болов уу?

Гуравдугаар сарын эхний өдрүүдэд Жаред утсаа унтраагаад эзгүй цөл рүү гарахад коронавирусын нөхцөл байдал хэцүү байсан нь үнэн, гэхдээ өнөөдрийнхөөс хавьгүй тайван байжээ.

Жүжигчин сошиал сүлжээнд пост оруулж ийм нөхцөл байдал угтана гэж огт төсөөлөөгүй гэдгээ хэлсэн байна

Вау. Би 12 хоногийн өмнө чимээгүй бясалгал хийхээр цөл рүү явсан юм. Би дэлхий ертөнцөөс өөрийгөө тусгаарласан. Ямар ч утасгүй, харилцаа холбооны ямар ч хэрэгсэлгүй. Бидний байсан газар хэн ч байхгүй, тиймээс бид дэлхий дахинд юу болж байгаа талаар ямар ч мэдээлэлгүй харанхуй байсан гэсэн үг.
Өчигдөр тэс өөр ертөнцөд ирчихлээ. Маш их зүйл өөрчлөгджээ. Толгойд нэг л бууж өгөхгүй гэж хэлэх нь бодит байдлыг бүрэн илэрхийлж чадахгүй санагдана. Гэр бүл, найз нөхөд гээд дэлхийн өнцөг булан бүрээс надад захидал ирсэн байна, тэднээс авч байгаа мэдээллээр дүр зургийг босгохыг хичээж байгаа юм.
Та болон таны төрөл төрөгсдийн хувьд бүх зүйл хэвийн гэж найдъя. Бүгдэд нь эерэг эрч хүч, энергийг илгээе.
Гэртээ үлдэцгээгээрэй. Аюулгүй байдлаа хангацгаая.

Жаред Летог эзгүй үеэр дэлхий дахинд юу өөрчлөгдсөн бэ?

• Итали-д хэдэн мянган хүн уг өвчнөөр өвдөж байна, олон ч хүн нас барлаа, тус улс ганц ч жуулчингүй үлдсэн
• Вирусээс болж Токиогийн зуны Олимп, Европын хөл бөмбөгийн аварга шалгаруулах тэмцээнийг хойшлуулах гэж байна
• Олон улсууд томоохон чухал арга хэмжээнүүдээ хойшлуулсаар л байна – олон хүн цуглуулахаас татгалзжээ
• Хүмүүс дэлгүүрийн лангууг бүрэн хоослож байна, болзошгүй хөл хорионд бэлтгэлээ базаах хэрэгтэй гэж үзжээ
• Коронавирус жүжигчин Том Хэнкс, Идрис Эльба, Ольга Куриленко нарт илэрсэн, мөн Канадын ерөнхий сайдын гэргий Софи Трюд, NBA –ийн тамирчин Руди Робер, “Арсенал” клубын дасгалжуулагч Микель Артет болон олон алдартнуудын дунд тархсаар байгаа юм
• Уг вирусээр халдварласан хүний тоо дэлхий дахинаа 190 мянга гаруй болоод байна.

“Биеэ сайн бодоорой” гэж Лето өөрийн инстаграм дахь постыг дуусгажээ

Урьд өдөр нь Арнольд Шварценеггер мөн адил утга агуулгатай уриалга гаргасан, тэдний ч зөв. Өөрийнхөө эрүүл мэндэд анхаарал тавих цаг болжээ, коронавирусын халдвараас өөрсдийгөө хамгаалъя!

5

Гоё

4

Гайхмаар

2

Ха Ха

1

Тэнэглэл

0

Хөөрхөн

0

Бахархмаар

0

Харамсалтай

0

Буруу

Баярлалаа!