Өнөө цагт олон бүсгүйчүүд гаран дээрх үсэндээ гомдоллох болж. Олон нийт ч бүсгүй хүний бие хаа өөгүй төгс, ямар нэгэн илүүдэл үсгүй байх ёстой гэдэг ойлголтондоо бүр автаад улайрч байна.
Бүсгүйчүүд гар дээр нь өтгөн хар үс ургаж байгаад их санаа зовохын зэрэгцээ эрэгтэй хүний анхаарлыг татахгүй байх гэсэн айдастай явдаг. Энэхүү түгээмэл асуудалтай тэмцэх ёстой юу эсвэл үгүй юу?
Гар дээрх үстэй тэмцэх орчин үеийн аргууд
Орчин үед илүүдэл үстэйгээ тэмцэх маш олон аргууд бий болсон. Түгээмэл аргуудаас дурдвал:
- Хусах. Олонд тархсан, таагүй мэдрэмж төрүүлэхгүй. Гэхдээ хуссан үс дахиж ургахдаа илүү хурдан бөгөөд илүү өтгөн болж гарч ирнэ гэдгийг бодолцох хэрэгтэй.
- Вакс хийж үсийг хуулах. Энгийн бөгөөд хэрэглэхэд амар арга, гэрийн нөхцөлд хийх бүрэн боломжтой. Уг аргаар үсийг зааврын дагуу зөв авч чадвал ямар нэгэн гаж нөлөө, таагүй мэдрэмж төрөхгүй.
- Лазераар авах. Мэргэжилтний тусламжтайгаар авах бөгөөд илүүдэл үснээсээ удаан хугацаанд салж болно, зарим нэг тохиолдолд илүүдэл үс дахиж ургадаггүй.
- Фото эпиляц. Энэхүү арга нь гар дээрх үсийг удаан хугацаанд арилгаж чаддаг, гэхдээ хэрэглэх хязгаар гэж бий. Уг арга нь хар үстэй цайвар арьстай хүнд л тохирно.
Лазер болон фото эпиляц нь цаг их орох бөгөөд хэд хэдэн удаа явж байж үр дүнгээ өгдөг.
Гар дээрх үсийг заавал авах ёстой юу?
Угтаа бол гар дээр ургаж байгаа үс нь хэвийн үзэгдэл, үүнээс болж сандралд орох ямар ч хэрэг байхгүй. Гэхдээ өөртөө итгэх итгэл алдраад байвал асуудлыг шийдэх маш олон арга байгааг та мэдэж авлаа.
Мөн биеийн аль нэг хэсгээр үсний ургалт ихсээд байвал дааврын тэнцвэрт байдал алдагдсантай холбоотой байж болох юм. Энэ тохиолдолд мэргэжлийн эмчид үзүүлж зөвлөгөө авах нь зөв алхам болно.