ЗХУ-д хүүхдийг үнэхээр хайрлаад зогсохгүй тэднийг хамгийн сайн сайхан хүн болгон хүмүүжүүлэхэд ихээхэн чармайдаг байжээ. Тэр үед ямар нэг ач холбогдолгүй хоосон зугаа цэнгэлийн контент гэж бараг үгүй, аливаа үлгэр, хүүхэлдэйн кинонд ихээхэн утга учир, хүмүүжил, хэрэгтэй мэдлэгийг шингээж өгдөг байсан гэдэг. Ингэснээр хүүхдийн үлгэр, хүүхэлдэйн кино нь уйтгартай болоогүй төдийгүй харин ч илүү хүний сэтгэлд ойр сайхан бүтээлүүд болсон гэж хэлж болох байх. Ялангуяа шинэ жилийн үеэр, шинэ дэврүүн хүсэл мөрөөдлийн үеэр эдгээр хүүхэлдэйн кинонууд улам бүр сайхан дурсамж төрүүлэх бөгөөд хүүхдүүддээ үзүүлэх хамгийн тохиромжтой цаг үе нь чухам энэ шинэ жил байх болов уу.
11. Когда зажигаются ёлки (1950)
Рейтинг: 7,9/10
Баярт оролцохоор яваа хүүхдүүдийн замд нэгэн саад тээг бий болох ба энэ нь сайн муу хүчний тэмцэл байлаа. Хүүхдүүд маань бэлгээ авч амжих болов уу? Одоо тэдэнд зөвхөн шидэт чарга л тус болж чадна.
10. Ночь перед Рождеством (1951)
Рейтинг: 7,9/10
Хайртай бүсгүйн янз бүрийн юм шаардах зангаас болж дархан Вакула чөтгөрийг барьж эмээллэн унаад хот орж, хатан эзний гутлыг хулгайлж авчрах аюултай үйлдэлд аз турших хэрэгтэй болно.
9. Снеговик-почтовик (1955)
Рейтинг: 7,9/10
Гол баатар болсон шидэт цасан хүн маань хүүхдүүдийн шинэ жилийн баярыг зохион байгуулж, гацуур мод бэлдэн, хүүхдүүдэд бэлэг тараах хариуцлагатай үүрэг хүлээнэ. Гэсэн ч түүний замд хорон санаат чоно саад болох бөгөөд шидэт цасан хүн маань үүргээ биелүүлэхийн тулд бусад сайн санаат ан амьтдын тусламжийг авах хэрэгтэй болно.
8. Снежная королева (1957)
Рейтинг: 7,9/10
Герда охины дүү Каяг Цасан хатан хулгайлна. Гэсэн хэдий ч охин маань хайртай дүүгээ олохоор холын аянд гарах ба замд нь олон саад тотгор таарсан ч тэдгээрийг давсаар муу санаат шидэт хатнаас дүүгээ эргүүлэн авч чадна.
7. Дед Мороз и лето (1969)
Рейтинг: 7,9/10
Өвлийн өвгөн маань зун гэдэг улирлыг огт үзээгүй байлаа. Тийм учраас сайн санаат хүүхдүүд сайхан сэтгэлт өвгөндөө зун цагийг үзүүлэхээр шийднэ.
6. Двенадцать месяцев (1956)
Рейтинг: 8/10
Хойд эхдээ хөөгдөн гарч ид өвлийн цагаар яргуй цэцэг олох ёстой болсон бяцхан охины тухай өгүүлнэ. Аз болоход охин гал түлэн суух хүмүүсийг олж аврагдах бөгөөд тэрхүү хүмүүс нь жирийн хүмүүс биш харин жилийн нэг нэг сарыг хариуцсан 12 хүн байжээ.
5. Дед Мороз и серый волк (1978)
Рейтинг: 8/10
Сайхан сэтгэлт амьтан, муу санаат чоно нарын тэмцлийн тухай уламжлал болсон сэдэвтэй хүүхэлдэйн кино бөгөөд өвлийн өвөө өөрийн туслагч нартайгаа хамтран сайн санаат амьтдад туслан шинэ жилийн баярыг цаг хугацаанд нь болгох гэж зүтгэнэ.
4. Умка (1969)
Рейтинг: 8,2/10
Бяцхан бамбарууш нэгэн хүүхэдтэй танилцан найзлах бөгөөд хүмүүс нүүдэллэн хол явсны дараа өөрийн найзаа олох гэж түүнийг хайж алсын аянд гарна.
3. Ну, погоди! – 8-р анги (1974)
Рейтинг: 8,6/10
Өвлийн өвгөн, цасан охины хоёрын уг дуу нь энэ төрөлдөө сонгодог гэж хэлж болох хэмжээнд алдаршсан. Чоно туулай хоёрын адал явдлын тухай тухайн үед төрж өссөн хүн болгон сайн мэдэх билээ.
2. Падал прошлогодний снег (1983)
Рейтинг: 8,7/10
Энэ бол зөвхөн ЗХУ-ын биш, ер нь дэлхийн хүүхэлдэйн кино урлагийн бас нэг онцгой бүтээл билээ. “Баримлын шавраар” хийсэн энэ хүүхэлдэйн киноны үйл явдал нь нэгэн эр ой руу орж шинэ жилийн гацуур мод бэлдэх ёстой боловч түүнд тохиолдох адал явдлыг ямар ч хүн сонирхон үзэх нь тодорхой.
1. Зимав Простоквашино (1984)
Рейтинг: 8,7/10
Нэгэн гэрт амьдрах Матроскин муур, Шарик нохойн зөрчил ихээхэн хурцдаж эхлэх үед нь хуучин найз нөхдүүд нь ирж, тулгарч буй аюулт үйл явдлыг зайлуулна. Энэ нь яг шинэ жилийн үе байлаа.
Buyanaa Sharhuu
2019/12/24 at 10:49
odoo ch uzeh durtai
Adiya Yadamjav
2019/12/24 at 12:48
Тийм шүү.
Төмөрбаатар Дэлгэрцэцэг
2019/12/24 at 22:13
Odoo ch uzeh durtai.