Бүх төрлийн материалаар хийгдсэн цагаан өнгийн пүүз болон гутлыг цоо шинэ мэт болтол нь цэвэрлэх шалгарсан аргууд

Цав цагаан өнгийн сэтгэл татам пүүз, гутал бол ямар ч хувцсыг илүү гоё чамин харагдуулдаг. Гэхдээ цаг хугацаа өнгөрөхийн хэрээр бид дахин ийм цагаан пүүз, гутал ирээдүйд авах хэрэг байна уу даа гэж боддог. Хэдий тийм боловч, та өөрийгөө цагаан пүүз, гутал худалдаж авсандаа буруутгах гэж яарсны хэрэггүй! Учир нь яаж ч бохирдсон цагийн өнгийн пүүз, гутлыг эргээд цоо шинэ мэт болтол нь цэвэрлэх, дээр нь үүссэн толбонуудыг арилгах найдвартай арга гэж бий. Гэвч бодит үр дүнг харахын тулд та бага зэрэг тэвчээртэй, мөн бэлтгэлтэй байх хэрэгтэй.

Арьс

Цэвэрлэхэд хамгийн амархан. Яагаад гэвэл шингэн болон бохирдлыг өөртөө уусгадаггүй.

Танд хэрэг болох зүйл: ариун цэврийн цаас, цагаан өнгийн саван, даавуун алчуур болон меламин порлон.

1. Ариун цэврийн цаасыг усанд дэвтээж, гутал дээрх том хэмжээтэй бохирдлыг авч хаяна. Дараа нь 10 минутын хугацаанд хатаана.
2. Бүх толбонуудыг арилгасны дараа үлдсэн бохирдлыг меламин порлоноор цэвэрлэнэ.
3. Даавуун алчуураа сайтар савандана. Арьсан гутлыг алчуураар сайтар арчихад буцаад цоо шинэ мэт болно. Савангийн үлдэгдлийг саван болоогүй өөр цэвэрхэн алчуураар арчиж авна.

Таны гутал цоо шинэ мэт гялалзах болно!

Конверс (эсвэл даавуу)

Даавуун пүүзийг угаалгын машинд угаахад тохиромжгүй. Тиймээс сод, цагаан цуу болон савангаар цэвэрлэх хэрэгтэй.

Арга 1

1 хоолны халбага хүнсний сод болон 2 хоолны халбага цагаан цууг бүлээн ус хийсэн аяганд хийж, сайтар холино. Үүнийг пүүзэн дээрээ багахан асгаж, алчуураар арчих эсвэл сойзоор сайтар сойздоно. Сүүлд нь бүлээн усаар зайлж цэвэрлэнэ.

Арга 2

Сойз эсвэл алчуурын тусламжтай бүлээн усанд пүүзээ цэвэрлэх боломжтой. Цэвэр агаарт хатааж тавина. Ингэхдээ дотор нь цаас чихэх хэрэгтэйг санаарай.

Илэг

Түрий хэсгээр бага зэрэг төвөг учруулдаг материал – амархан бохирддог бөгөөд цэвэрхэн чанараа алдаж, бохир харагддаг. Тэгэхээр илгэн гутлыг (зөвхөн цагаан биш) маш болгоомжтой өмсөж, зөв арчлах нь чухал.

Танд хэрэг болох зүйл: алчуур, баллуур, ариун цэврийн цаас, цагаан цуу болон илгэн гутлын сойз

• Гадаргуу дээрх чийг болон бохирдлыг зөөлхөн материалтай алчуураар арчиж авна.
• Дээр нь үүссэн толбонуудыг баллуурдах ба ингэхдээ чанга дарж болохгүй.
• Нойтон толбонуудыг ариун цэврийн цаасаар арчиж авна.
• Алчуурыг цагаан цуунд дэвтээж, үлдсэн толбонуудыг цэвэрлэнэ.
• Сүүлд нь илгэн гутлын гадаргууг тэр чигт нь зориулалтын сойзоор сойздоно.

Цагаан өнгийн гутал, пүүзийг хэрхэн зөв арчлах вэ?

• Цагаан өнгийн гутал/пүүзийг бусад өнгийн пүүзнээс тусад нь тавих
• Цагаан өнгийн гутал/пүүзийн тус бүрт нь өөр порлон, сойз, даавуу ашиглаж цэвэрлэх
• Цагаан өнгийн гутал/пүүзийг бохир чигээр нь хонуулж болохгүй – гэртээ ирснийхээ дараа тэр даруйд нь цэвэрлэх

Бичлэг үзэх:

Та цагаан өнгийн гутал, пүүз цэвэрлэх өөр ямар аргууд мэдэх вэ?

10

Бахархмаар

3

Хөөрхөн

2

Буруу

2

Тэнэглэл

2

Ха Ха

1

Гоё

0

Гайхмаар

0

Харамсалтай

Баярлалаа!