Найз бүсгүйчүүд маань нүүрний тосны саваа аваад ирэхэд нь би тэдэнд өөрийнхөө хийсэн тосыг дуртайяа хуваалцдаг… Гэрийн нөхцөлд бэлтгэх үрчлээний эсрэг хамгийн сайн тос

Хүний арьс янз бүрийн гадны болон дотор үйлчлэл нөлөөнөөс болж цэвэр байдал, залуу шинж чанараа алдах аюултай байдаг. Аз болж надад үүнээс хамгаалах, үрчлээний эсрэг үйлчилгээтэй тос байгаа бөгөөд түүнийгээ би… гал тогоондоо хадгалдаг юм. Хичнээн олон янзын тос хэрэглэж үзсэн ч миний энэ гэрийн нөхцөлд хийсэн желатин суурьт тос шиг сайн үйлчилгээтэй тос байгаагүй юм шүү.

Энэ ер бусын тосоо хэрхэн бэлтгэх аргыг хуваалцъя. Таны арьс ердөө долоо хоногт л зөөлөн торгомсог болж, нүүрний хэлбэр зөв болох ба хамгийн гол нь нүд тойрсон үрчлээснүүд бараг мэдэгдэхгүй болох билээ.

Хөргөгчинд тань ийм тос байгаа бол янз бүрийн залуужуулах тос болон бусад гоо сайхны үйлчилгээ хэрэггүй бөгөөд угаасаа тиймэрхүү тос, гоо сайхны ажилбарын үнэ нь тэнгэрт хадсан байдаг хойно. Гэрийн нөхцөлд хийх тосны бас нэг чухал шинж чанар нь жижигхэн саванд савласан тосыг бүтэн сарын турш хэрэглэж хүрэх юм.

Желатинтай тос

Желатиныг зөвхөн гал тогоонд хэрэглэдэг байсан үе өнгөрч эмэгтэйчүүд маань түүнийг гоо сайхны зориулалтаар ихээр ашигладаг болжээ. Энэ бодис нь гэрийн нөхцөлд хийдэг олон залуужуулах маскны гол суурь болдог нь нууц зүйл биш бөгөөд желатин нь арьсыг цэвэрлэж, цайруулахаас гадна хэт тослог болохоос хамгаалдаг юм. Тэгвэл энэ хэрэгтэй зүйлийг яагаад нүүрний тос болгож болдоггүй билээ? Цэвэрхэн, ямар ч үрчлээгүй нүүр царайтай болцгооё!

Орц

• 1 цайны халбага желатин
• 100 мл хийжүүлээгүй эрдэст ус
• 3 хоолны халбага зөгийн бал
• 0,5 аяга глицерин
• 1 г салицилийн хүчил (эсвэл 1 ширхэг аспирин)

Хийх арга:

1. Эхлээд гэрийн тос хийхэд хэрэглэх бүх сав суулгаа ариутгана
2. Желатинаа шаазан юм уу шилэн саванд хийж дээрээс нь эрдэст усаа хийнэ. Хагас цаг энэ байдлаар нь орхи.
3. Желатин дэвтэх үед усаа халааж нэгэн төрлийн зуурмаг болгоно. Сайтар хутгаж шүүх хэрэгтэй. Ингээд тосны маань үндсэн суурь бэлэн боллоо.
4. Энэ сууриа хөргөж тасалгааны хэмд хүргэх ба дээрээс нь зөгийн бал хийж сайтар хутгаад 1 цаг орчим байлгана.
5. Үүний дараа глицеринийг бага хэмжээгээр (урьдчилаад глицеринээ 2 хоолны халбага усаар шингэлэх) дээрээс нь нэмэх ба энэ үедээ байнга хутгаж байх ёстой.
6. Тосоо хутгаж байх үедээ дээрээс нь салицилийн хүчил хийх ба байхгүй бол нунтаг болгосон аспирин хийж хутгана.
7. Сайтар хутгаж холиод бэлэн савнууддаа тараан хийгээрэй. Тос хийх саваа спиртээр цэвэрлэж, таг нь сайтар таглаж чадаж байгаа эсэхийг урьдчилан шалгасан байх ёстой. Ингээд бэлэн болсон тосоо хөргөгчинд 1 сараас илүүгүй хугацаагаар хадгална.

Үрчлээний эсрэг энэхүү гэрийн нөхцөлд хийсэн тосыг өдөр болгон, унтахаас 1 цагийн өмнө түрхэх нь зөв юм. Арьсаа цэвэрлээд, тосоо гарын алгаа илэх замаар халаагаад нүүр болон хүзүү, цээж хэсэгт түрхэнэ. 20 минутын дараа цаасан сальфеткаар арчиж цэвэрлээрэй. Тос түрхэж байхдаа арьс сунгах маягийн хөдөлгөөн хийж огт болохгүй шүү. Ингэвэл та өөрийгөө зовоож байгаа арьсны үрчлээ хэмээх бэрхшээлийг улам бүр л нэмэгдүүлэх ба арьсны уян хатан чанар алдагдах билээ.

Гэрийн нөхцөлд хийсэн дээрх тос нь бас хэдэн янзын сөрөг нөлөөтэй гэдгийг мартаж болохгүй. Жишээ нь хэрвээ та зөгийн баланд харшилтай бол зөгийн балыг энэ тосонд хийхгүй өөр зүйлээр орлуулж болох ба усан үзмийн үрийн тосноос хэдэн дусал хийж болно. Мөн гэмтсэн арьсан дээр уг тосыг түрхэж хэрэггүй юм.

Энэхүү хямдхан боловч үр дүнтэй тосыг өдөр болгон хэрэглэж чадвал та удахгүй үр дүнг нь хараад бишрэх болно. Хамгийн гол нь хийх арга болон хадгалах аргыг яг таг баримталж байх хэрэгтэй бөгөөд ингэж чадвал та өөрийнхөө торго шиг зөөлөн арьсандаа сэтгэл хангалуун байх болно.

Та өөр иймэрхүү байдлаар гэрийн нөхцөлд хийдэг залуужуулах тосны тухай мэдэх үү? Энэ тухайгаа коммент дээр бичээрэй.

7

Хөөрхөн

6

Гайхмаар

3

Гоё

2

Тэнэглэл

1

Бахархмаар

0

Ха Ха

0

Харамсалтай

0

Буруу

Баярлалаа!