Тухтай, бөх гэгч нь унтахад туслах, хачирхалтай хэрнээ үнэхээр үр дүнгээ өгч чаддаг 10 арга

5
0
22,167

Статистик тоо баримтаас харахад, дэлхийн хүн амын дөрөвний нэг нь л 8 цагийн бүтэн нойр авч чаддаг ажээ. Нойрны хэмнэл алдагдах нь олон шалтгаантай бөгөөд энэ асуудал жилээс жилд олон хүнийг хөндөх болж. Бидний авах ачаалал, дарамт нэмэгдэхийн зэрэгцээ эрүүл мэнд тэр хэмжээгээр муудаж байна. Өөртөө анхаарал тавих цаг нэгэнт иржээ.

Бид таны нойрны эрүүл мэндэд анхаарал тавихаар шийдсэн тул хэд хэдэн лайфхакууд бэлдлээ. Таны амьдралыг ямар нэгэн хэмжээгээр сайжруулнаа гэж найдаж байна. Нийтлэлийн төгсгөлд мөн хэрэгтэй бонус таны хүлээж байгаа шүү.

1. Эрүүл мэндээ сайжруулахын тулд зүүн талаараа унтаарай

Illustrated by Marat Nugumanov, Ekaterina Gapanovich

Энэ хоёр байрлалаас дотор эрхтний байрлалд нэг их өөрчлөлт гарахгүй нь тодорхой. Гэхдээ бид зүүн талаараа хэвтэхэд ходоодны шүүс агуулсан эрхтэн (ходоод) улаан хоолойн доод хэсэгт байрлана. Ингэснээр цээж хорсох магадлал багасах ажээ.

 

2. Тайвшрахын тулд гадилтай аяга ус уугаарай

© depositphotos.com © depositphotos.com

Гадил, тэр дундаа хальс нь магнигаар баялаг тул тайвшруулах үйлчилгээ үзүүлнэ. Гадилтай ус бэлдэхэд танд 1 ширхэг гадил, цэвэршүүлсэн ус хэрэг болно.

  1. Гадилын хоёр захыг нь хэрчиж аваад буцалж байгаа усанд хийнэ. 10 минут буцалгаарай.
  2. Гадилтай усаа шүүж аяганд хийнэ.
  3. Усан дээрээ бага зэргийн цинамон нэмж болно. Унтахаасаа өмнө усыг бага багаар ууна.

 

3. Нойргүйдэл зовоогоод байвал сэргэлэн байхыг хичээ

© depositphotos.com

Этгээд сонсогдож байж магад. Гэхдээ судалгаанаас харахад, орондоо унтаж чадахгүй хэвтэж байвал нүдээ томоо гэгч нь нээгээд бүр сэргэхийг хичээнэ. Үүний үр дүнд нь таны нойр илүү хурдан хүрэх ажээ.

 

4. Унтахаасаа өмнө савангийн хөөс үлээ

© Emile Guillemot / unsplash

Тоглоогүй шүү! Мэдрэлийн эмч Рэйчел Мари Э. Салас (Rachel Marie E. Salas) савангийн хөөс үлээхийг санал болгож байна. Энэ тоглоом амьсгалын гүн дасгалын үүргийг гүйцэтгэнэ. Таны бие махбодь болон оюун санааг тайвшруулах ажээ. Үүнээс гадна сэтгэлийг тань түгшээж байгаа бодлоос түр ч болтугай салахад тусална.

 

5. Өрөөнд цаг тавих хэрэггүй

© depositphotos.com © Zohre Nemati / unsplash

Цаг – стресст оруулах томоохон хүчин зүйлсийн нэг мөнөөс мөн. Орондоо орчихоод цаг харах огт хэрэггүй. Өөрийгөө тайван унтуулахыг хүсэж байгаа бол унтахаасаа өмнө утсаа ч шалгах хэрэггүй. Утсаа орон доогуураа эсвэл бүр хайрцагт хийсэн нь дээр.

 

6. Унтаж чадахгүй байгаа бол босоод өөрийгөө завгүй байлгах ямар нэгэн зүйл хий

© Rifqi Ali Ridho / unsplash © Olav Ahrens Røtne / unsplash

Унтах гээд 20 минутаас илүү хугацаанд оролдож байгаа бол та шууд л боссон нь дээр. Тайвшруулах ямар нэг ажил олж хий, жишээ нь пазл эвлүүлэх, зураг зурах. Профессор Ричард Уайзмэн (Richard Wiseman)–ы өгсөн зөвлөгөө ийм л байна. Нойр хүрэхгүй байгаагийн шалтгаан нь, тархи нойргүйдлийг ортой холбон хүлээж авч байгаад оршино.

Шинэ орсон мэдээг Фэйсбүүк чатаар хүлээж авч унших уу? 😃


Энд дарна уу

 

7. Үнэртэй тайвшруулах лаа асаа

© Karly Jones / unsplash © Orlova Maria / unsplash

Анхилуун үнэрийн үйлчилгээ үнэхээр үр дүнтэй. Хэрвээ эвгүй үнэр таныг нойргүйдэлд хүргэж байвал лаванда эсвэл алтан товч цэцгийн үнэртэй лаа сэтгэл санааг тайвшруулж нойрсоход тусална. Мөн лааны зөөлөн гэрэл чийдэнгийн гэрлийг бодвол илүү халуун дулаан уур амьсгал, орчныг бүрдүүлж өгдөг. Гэхдээ унтахаасаа өмнө лаагаа унтраахаа мартаж болохгүй, эсвэл лаагаа зориулалтын аюулгүй саванд хийж асааж болно.

 

8. Доошоо харж унтдаг бол хатуу дэрнээс татгалзаарай

© depositphotos.com

Хатуу дэр дэрлээд доошоо харж унтвал таны хүзүүнд таагүй мэдрэмж төрүүлнэ, яагаад гэвэл бие эвгүй өнцөгт байрлалтай байгаа юм. Боломжтой бол толгойгоо хажуу тийш эргүүлэхгүйгээр духаараа зөөлөн дэр дэрлэн унтаарай.

 

9. Матрас болон биеийн завсар гарсан орон зайг дүүргэхийн тулд тусгай дэр эсвэл бүтээлэг хэрэглэнэ

Illustrated by Marat Nugumanov, Ekaterina Gapanovich

Хэрвээ та хажуугаараа унтдаг бөгөөд өглөө болгон мөр, гуяараа өвчин мэдэрч сэрдэг бол танд тусгай матрас хэрэгтэй гэж ойлго. Хажуугаараа унтдаг хүмүүст зориулсан мөр, гуяараа зөөлөн бүтэцтэй тусгай матрас бий. Хэрвээ ийм матрастай болох боломж байхгүй бол ор, биеийн хоосон орон зайг заавал ямар нэг зүйлээр нөхөөрэй.

 

10. Өвдөг доороо дэр ивж тавь

© depositphotos.com

Нуруугаараа дээш харж унтдаг бол өвдөг доороо дэр ивж унтана. Матрас болон биеийн завсар гарсан хоосон орой зай болгоныг өөрт эвтэйхэн байхаар нөхөөрэй.

Хэрвээ хажуугаараа харж унтдаг бол өвдөгнийхөө завсар дунд зэргийн хэмжээтэй дэр хавчуулж унтаарай.

 

11. Унтахаасаа өмнө “квадрат амьсгал”-ын дасгалыг хийнэ

© depositphotos.com

Квадрат эсвэл тэгш өнцөгт амьсгалын техник нь хурдан унтахад туслахаас гадна стрессийг багасгана.

  1. Эгц суугаад амаараа амьсгалаа гаргана. Хийж байгаа дасгал дээр анхаарлаа төвлөрүүлнэ.
  2. Амьсгалаа хамраараа зөөлөн аваад, дотроо 4 хүртэл тоолно.
  3. Амьсгалаа бариад, дахиад 4 хүртэл тоолно.
  4. Амаараа амьсгалаа гаргаад, мөн адил тоолно.
  5. Дахин амьсгалаа бариад 4 хүртэл аажим тоолоод дасгалыг цааш үргэлжлүүлнэ.

Амьсгал дээрээ анхаарлаа төвлөрүүлэхэд бие, сэтгэл тайвширч эхлэх ажээ.

Illustrated by Marat Nugumanov, Ekaterina Gapanovich

 

Бонус: Нойрны дараах нурууны өвчний зарим нэг шалтгаанууд

Illustrated by Marat Nugumanov, Ekaterina Gapanovich

Хэрвээ нойрноос сэрсний дараа нуруунд өвчин мэдрэгдэж байвал дараах шалтгаантай байж болно:

  1. Нойрны байрлал. Хэвтэх байрлалаа өөрчлөх эсвэл өөрт таарах дэр дэрлэж үзээрэй.
  2. Муу матрас. Нойрны асуудал, өвчин болон ядаргаанаас зайлсхийхийн тулд матрас дээр гар татаад хэрэггүй.
  3. Жирэмслэлт. Энэ бол түгээмэл асуудал. Ялангуяа 5-7 дугаар саруудад элбэг тохиолдох хэвийн үзэгдэл болно.
  4. Хөгшрөлт. Энэ тохиолдолд эмчийн зөвлөгөө авах хэрэгтэй.

Нойрны асуудлыг шийдэх өөр бусад аргуудыг та мэдэх үү? Таны зөвлөгөөг коммент хэсэгт хүлээж байна.

5
ГоёГоё
2
ГайхмаарГайхмаар
1
БурууБуруу
1
БахархмаарБахархмаар
1
Ха ХаХа Ха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
Баярлалаа!

Фейсбүүк сэтгэгдэл

5 Сэтгэгдэл

  1. Taivnaa Taivan

    Taivnaa Taivan

    2019/08/17 at 01:21

    4 chin ailgachilaa hhah😂😂

  2. У. Нинжин

    У. Нинжин

    2019/08/18 at 13:06

    Цэрэнтогтох Бат Эрдэнийн

  3. Dolgion Doona

    Dolgion Doona

    2019/08/18 at 13:12

    Oyun Oëo Amuk Anuk

  4. Erdenesuvd Urjinsuren

    Erdenesuvd Urjinsuren

    2019/08/19 at 12:19

    Otgonbaatar Mygmarjav

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.