Хувцас индүүдэх, оёх болон хоол хийх зэрэг нь хүмүүсийн ихэвчлэн гэртээ хийж сурдаг зүйлс билээ. Гэхдээ сургуульд тусгайлан анги гаргаж, зөвхөн эрэгтэй сурагчдад эдгээрийг зааж сургах болсон нь хүйсийн эрх тэгш байдлыг бий болгох зорилготой гэж ойлгож болно. Испанийн Монтекастело сургууль сурагчдад дээрх зүйлсийг “Тэгш эрхийг эрхэмлэцгээе” гэх уриан дор зааж сургадаг болжээ.
Бид та бүхэндээ шинэ санаа, санаачилга бүхий олон сонирхолтой зүйлсийг хүргэхийг зорьдог, тийм ч учраас бусад сургуулиуд болон хүүхдүүдэд хэрэг болно гэсэн үүднээс энэхүү мэдээллийг бэлтгэлээ.
Гэр орны ажлыг хүйс харгалзахгүй хийх хэрэгтэй
2018 онд Виго хотод байрлах нэгэн сургууль бусад хичээлүүдээс гадна гэрийн санхүүгийн асуудал, эдийн засагтай холбоотой хичээл заадаг болж байгаа тухайгаа зарлаж байв. Энэ хичээлийн хүрээнд эрэгтэй сурагчид хувцас индүүдэх, юм оёх, хоол хийх болон слесарь, сантехникч, цахилгаанчинд байх чадваруудыг эзэмших юм.
Багш нар болон эцэг эхчүүд сурагчдад зааж чиглүүлнэ
Бүх ангиудыг сайн дурын багш нар болон сургуулийн холбогдох ажилтнууд, зарим сурагчдын аавууд хариуцна.
“Гэр орон 2 хүнд хамааралтай”
Энэ ажлыг хариуцагч Gabriel Bravo, орон нутгийн сонинд энэ талаар тайлбарлахдаа: “Эдгээрийг хийж сурах нь бүх сурагчдад хэрэгтэй ба ингэснээр тэд гэр бүл зохиох үедээ гэр орон гэдэг хоёр хүнээс хамааралтай ба дан ганц эмэгтэй хүн цэвэрлэгээний ажил хийж, аяга таваг угааж, хувцас индүүдэх ёсгүй гэдгийг ойлгох болно. Энэ хичээл тэдэнд гэр орны ажил хийдэг болоход нь тусална.” гэж хэлжээ.
Бусдын оронд өөрийгөө тавьж үзэх нь хүйсийн эрх тэгш байдлыг хангана
Энэ хичээлийг заах болсон санааг анх сургуулийн удирдлагууд сурагчдад хүйсийн эрх тэгш байдлыг эртнээс ойлгуулах хэрэгтэй юм байна гэсэн бодлоос үүдэлтэй юм байна. Төсөл сурагчид болон эцэг эхчүүдийн хоорондын холбооноос ихээхэн хамаарна. Эцэг эхчүүд энэ санааг дэмжиж байсан бол эрэгтэй сурагчид юм оёх болон хувцас индүүдэх талаар сонсоод дургүйцэж байжээ.
Хэвшмэл ойлголтыг эвдэх
Гэсэн хэдий ч хичээл орж эхэлмэгц сурагчид төвөгшөөхөө больсон ба яагаад гэвэл тэд гэр орны ажил хийх нь тийм ч хэцүү зүйл бишээс гадна эрэгтэй болон эмэгтэй хүмүүсийн аль нь ч хийх боломжтой гэдгийг ойлгосон байна.
Хэзээ ч мартахгүй амьдралын хичээл
“Сурагчдад хувцас индүүдэх нь хөгжилтэй санагдаж байсан ба эцэг эхчүүд үүнийг хараад баяртай байв.” хэмээн Bravo ярилцлагын үеэр хэлжээ.
Та энэхүү санаачилгын талаар юу гэж бодож байна? Та өөр энэ төрлийн сургалтын програмыг мэдэх үү? Хэрэв тийм бол сэтгэгдэл бичих хэсэгт хариугаа бичиж үлдээнэ үү.
Гайхмаар
Гоё
Ха Ха
Хөөрхөн
Бахархмаар
Харамсалтай
Тэнэглэл
Буруу
Altanzul Tserensodnom
2019/05/17 at 21:47
Eso ,es muy bueno ??????