Фитнес клуб явсан хүмүүс сунгалтын дасгалыг мартчихдаг. Сунгалт нь биеийг илүү уян хатан болгоод зогсохгүй мөн сэтгэл санааг сэргээдэг, өвчнийг дардаг сайн үр нөлөөтэй. Энэ төрлийн дасгал нь олон цагаар компьютерын ард хөдөлгөөнгүй суудаг хүмүүст нэн тустай. Сунгалтын дасгалыг өдөр болгон хийвэл зохилтой, үүний тулд заавал спорт заал явах ч шаардлага алга.
Та бүхэндээ 9 цогц дасгалыг танилцуулж байна. Таны хүзүүний, мөрний, бэлхүүсний болон нурууны ачааллыг багасгана. Танд шаардлагатай зүйл гэвэл 10-хан минутын чөлөөт цаг, тэгээд дасгалын хивсэнцэр.
Хүзүүний сунгалт
“Шар шувуу” дасгал нь цээж-эгэмний булчингуудыг сунгана.
- Нуруугаа тэгшлээд биеийн дээд хэсгийг суллана. Толгойгоо аажим баруун тийш эргүүлнэ – эрүүгээ мөрний түвшинд авчирна. Эрүүгээ доошлуулах эсвэл дээшлүүлэх ёсгүй.
- Энэ байрлалд толгойгоо 30 секунд байлгана.
- Дасгалыг одоо зүүн мөр рүүгээ давтан хийнэ. Илүү өндөр үр дүнд хүрэхийн тулд толгойныхоо араас баруун, зүүн гараараа бариарай.
Хүзүүний арын хэсэг болон нурууны дээд хэсгийг сунгах, мөн хүзүүний бүх булчингуудад нөлөөлнө.
- Сандал дээр лав, эгц сууна, нуруу тэгш байх ёстой.
- Гараа тохойгоор нь нугалаад алгаа толгойныхоо ард барина. Энэ байрлалаас эрүүгээ цээжиндээ хүргэнэ, харин гараа нь – гуянд хүргэнэ.
- Энэ байрлалд 30 секунд суугаад дараа нь аажим толгойгоо өргөөд гараа буулгана. Сунгалтын дасгалыг илүү үр дүнтэй болгохын тулд гарынхаа алгаар толгой дээрээ болгоомжтой дарна.
Мөрний сунгалт
Бүргэдийн байрлал – мөрний бүх булчингуудын ачааллыг суллана.
- Эхлээд гараа хоёр тийш алдлаад дараа нь урдаа зөрүүлж барина. Энэ үед гарын алга дээшээ харж байх ёстой, харин зүүн тохой нь баруун дээрээ байрласан байна.
- Хэрвээ та алгануудаа нийлүүлж барьж чадахгүй бол – баруун гараа зүүн мөрөн дээр, харин зүүн гараа баруун мөрөн дээр тавиарай. Тохой шалтай нэг шулуунд байрласан байх ёстой, эрүүгээ аль болох цээжиндээ хүргэнэ.
- Энэ байрлалд 30 секунд зогсоно. Гарын байрлалыг өөрчлөөд дасгалыг давтан хийнэ.
“90 дээр 90” сунгалтын дасгал нь цээжний бүх булчингуудад нөлөөлнө.
- Хаалганы орох хэсэг дээр хийх дасгал. Гараа хаалганы хүрээн дээр байрлуулаад тохойны нугаламаар 90 хэмийн өнцөг гаргана.
- Нуруу эгц, нэг хөлийг урагш байрлалд тавьсан байна. Хөл, гараа хөдөлгөхгүйгээр урагш тонгойно.
- Энэ байрлалд 20-30 секунд зогсоно. 2-3 удаагийн давтамжаар дасгалыг гүйцэтгэнэ.
Нурууны дээд хэсгийг сунгах дасгал
Нурууны булчингуудын ачааллыг багасгана.
- Баруун гараа толгой дээрээ дээш эгц өргөнө. Тохойгоор нь нугалаад нурууны дээд хэсэгт хүргэхийг хичээгээрэй.
- Зүүн гарыг баруун гарын тохой дээр тавиад баруун гараа зүүн тийш болгоомжтой татна. Дараа нь их бие зүүн тийш болгоно (урагш болон хойш болгохгүй).
- Энэ байрлалд 20 -30 секунд байна. Дасгалыг зүүн гараараа давтан хийнэ.
“Эрвээхийний далавч” сунгалтын дасгал нь нуруу болон цээжний булчингуудыг суллахад тусална.
- Гараа мөрөн дээрээ тавина (зүүн гараа зүүн мөрөн дээр, баруун гараа баруун мөрөн дээр). Тохойгоо аажим хойш болгоорой, яг л тохойгоо нийлүүлэхийг оролдож байгаа мэт. Ингээд нурууны дээд хэсэг сунаж байгааг та мэдэрнэ.
- Энэ байрлалд 5- 10 секунд зогсоно.
- Одоо тохойгоо урагшлуулаад нийлүүл. Энэ байрлалд мөн адил 5-10 секунд зогсоно.
Бэлхүүсний сунгалт
Суугаа байдлаас хийх энэхүү сунгалтын дасгал нь нуруу, хэвлий болон хөлний булчингуудад нөлөөлнө.
- Хананд налж хийх дасгал юм. Нуруугаараа хананд налаад доош аажим сууна. Өвдөг нугарч 90 хэмийн өнцөг гаргана.
- Энэ байрлалд 10 секунд сууна, дараа нь бэлтгэл байдалдаа эргэж очоорой. Дасгалыг 8-12 удаа хийнэ.
Эргэх байдлаар хийх сунгалтын дасгал нь нурууны булчингууд, биеийн хажуугийн булчингуудад нөлөөлнө.
- Сандал дээр суугаад хөлөө шаланд бүрэн хүргэсэн байна. Биеийн дээд хэсгийг баруун тийш эргүүлнэ, энэ үед хөл, гуя хөдлөхгүй, нуруу эгц шулуунаараа байх ёстой. Гараа шилэн хүзүүнийхээ ард аваарай.
- Зүүн гараа баруун гуян дээр тавьж болно (эсвэл эсрэг байрлалд). Энэ байрлалдаа 10 секунд суугаад дасгалыг зүүн тийш гүйцэтгэнэ. Дасгалыг 3-5 удаа давтан хийнэ.
“Супермэн”-ий сунгалт нь нурууны булчингуудад нөлөөлнө.
- Хивсэн дээр доош харан хэвтээд гараа урагш нь сунгана. Хөл, гараа зэрэг дээш өргөөд шалнаас 15 см-ийн зайнд барина.
- Энэ үед гэдсээ татахыг оролдоорой. Хүйсээ шалнаас хөндийрүүлж чадвал – илүү нэмэлт булчингуудыг сунгах сайн талтай.
- Толгой, хөл, гар шулуун байрлалд байна. 2 секунд бариад бэлтгэл байдалдаа эргэж орно. Дасгалыг 10 удаа давтан хийнэ.
Та сунгалтын ямар дасгал хийдэг вэ? Бидний танилцуулсан ямар дасгалыг өөрийн болгож авахаар шийдэв?
Lkhamkhuu Eldev
2019/05/04 at 11:54
шри шри иогын дасгал
Dorjsambuu Saraa
2019/05/05 at 22:46