Киноны эсвэл бодит амьдрал дээрх дуут туслах дээр дандаа эмэгтэй хүн ярьдгийг та анзаарсан уу? Жишээ нь, Apple-ийн Siri, Amazon-ы Alexa, Яндексийн Алиса гээд бүгд л эмэгтэй хүний дуу хоолойгоор ярина. Siri-г бүтээгчид дуут туслахыг боловсруулж байхдаа нэгэн судалгаа хийжээ: эрэгтэй ч бай, эмэгтэй ч бай бүх хүмүүс эмэгтэй хүний дуу хоолойгоор ярьж байгаа туслахыг илүү таашааж тэдний хэлсэн зөвлөгөөг илүү дагаж байгааг олж тогтоожээ. Тийм ч учраас банкны бэлэн мөнгөний машин, онлайн орчуулагч – хааяа л эрэгтэй хүн ярина.
Ингээд бүх ажил жигдэрч тодорхой явж байтал Нью-Йоркийн шинийг санаачлагч Virtue компани Copenhagen Pride ба EqualAI-тай хамтран эрэгтэй болон эмэгтэй хүйсний алинд нь ч харьяалагдахгүй цоо шинэ дуу хоолой гаргаж иржээ. Ингээд бүгдээрээ шинэ санаачлагатай танилцацгаая, сонсъё, харъя.
Хүний дуу хоолой нь эрэгтэй ч биш, эмэгтэй ч биш гээд та төсөөлөөд үз дээ??
Төсөөлөхөд хэцүү байгаа биз? Гэхдээ энэ дуу хоолойг гаргаад л ирсэн байгаа юм даа.
Танилц, Q – хүйс нь тодорхойгүй дуут туслагч бөгөөд “нейтрал хүйс”-ийн дуу хоолой
Бүтээгч: Virtue компани Copenhagen Pride ба EqualAI-тай хамтрав
Q-ийн дуу хоолойг бий болгохын тулд төслийн багийхан 5 сайн дурынхны дуу хоолойг бичиж авчээ. Сайн дурын гэх оролцогчид нь өөрсдийгөө аль ч хүйсэнд хамруулж хүлээж авдаггүй хүмүүс байсан байна. Дараа нь эдгээр дуу хоолойг ямар хүйсний хүнийх болохыг 4600 туршилтад оролцогчдоос олж тогтоохыг хүссэн байна.
Туршилтын үр дүнд дараах дүгнэлтийг хийжээ: Q нь 145 – 175 герцээр дуугарах ёстой юм байна.
Та өөрөө сонс доо! Q-ийн дуу хоолойг та аль нэг хүйсэнд шууд хамааруулж чадахгүй байгаа биз дээ?
Одоохондоо зөвхөн дуу хоолой л байна, тун удахгүй хэнээс ч дутахааргүй дуут туслагч болно, хүний асуусан асуултанд бүрэн хариулах болно.
Уг төсөл зөвхөн дуут туслагч төдийгүй илүү сайжруулалт хийх төлөвлөгөөтэй байгаагаа илэрхийлжээ. Q нь одоогийн виртуал туслахад тавигдах бүхий л шаардлагыг хангаж чадаж байгаа юм: дулаан зөөлөн, бие даасан тул зөвхөн онлайн туслагч биш цаашлаад гэр ахуйн цахилгаан хэрэгсэл, нийтийн унаа зэрэгт ашиглах бүрэн боломжтой гэж үзсэн байна.
Telmen Bold
2019/03/22 at 17:17
Болор-Эрдэнэ Төгөлдөр чиний хоолой байна шд
Gan-Erdene Altangerel
2019/03/23 at 19:26