Та бүхэнд Сушмитаг танилцуулж байна – үс арчилгааны гуру бөгөөд сүүлийн үед Энэтхэгийн алдартай видеоблогер болоод байгаа нэгэн.
Түүний өтгөн урт үс нь олон эмэгтэйчүүдийн атаархлыг төрүүлж байна. Та бүхэндээ үсний ургалтыг эрчимжүүлэх түүний нууцаас дэлгэхээр бэлдлээ.
1. Зуун настын шүүс хэрэглэнэ
Танай гэрийн цонхны тавцан дээр зуун наст юу хийхээ мэдэхгүй ургаж л байна уу? Зуун настын шүүс нь үсний ургалтыг эрчимжүүлнэ, хуйханд тэжээл өгч чийгшүүлдэг ажээ.
- Зуун настын хэдэн навчийг салгаж авна
- Шүүсийг авахын тулд навчийг дундуур нь хуваана
- Шүүсийг хуйхандаа түрхэж иллэг хийнэ. Иллэг нь цусны эргэлтийг сайжруулах бол шүүс нь хуйханд шим тэжээл өгнө.
- Шүүсийг багаар бодоход 2 цаг байлгах хэрэгтэй, боломжтой бол хонуулаарай.
2. Пантенолоор маск хийнэ
Д-пантенол – синтетик В5 амин дэм бөгөөд арьсанд шингэснээр пантенолын хүчил болж урвалд ордог. Өөрөөр хэлбэл эпидермийг хэвийн түвшинд хүргэхэд нөлөөлөх бодис ажээ. Уг бодис нь үсний уутанцрыг сэргээнэ, үсний уналтыг зогсооно.
- Үсээ угаадгаараа угаана
- Пантенол (хөөсөн эсвэл гелэн)-ыг цэвэрхэн үсэндээ түрхээрэй, хуйханд илүү анхаарал хандуулна.
- Мөн үсний нийт уртад ч гэсэн пантенолыг түрхэж болно. Ингэснээр үс гялалзахаас гадна цахилгаанжихаа больдог.
3. Үсээ угаасныхаа дараа хүйтэн усаар зaйлна
Үүнийг дадал болгож авах хэрэгтэй. Хүйтэн ус нь нүхийг агшаахаас гадна цусан хангамжийг сайжруулдаг. Мөн үсний ургалтыг эрчимжүүлдэг байна. Нэмэлт бонус: үс илүү гялалзана.
- Үсээ угаадгаараа угаана
- Ангижруулагч эсвэл маскны дараа үсээ хүйтэн усаар зайлна.
4. Үсээ алимны уксусаар зaйлаарай
Сардаа хэдхэн удаа л зайлахад хангалтай. Уксус нь үсний бүтцийг сэргээх тул өтгөн үстэй болоход тусална.
- Үсээ угаана
- Ангижруулагчийн оронд алимны уксусаар зайлна
- Дараа нь угаах хэрэггүй: алимны уксус нь дарсны уксусыг бодвол гаж үнэргүй байдаг.
5. Уургийн маск хийгээрэй
Дутагдсан уургийг нөхөн төлжүүлнэ.
- Тасалгааны хэмд байсан хоёр өндөг авна.
- Өндөгний цагааныг шараас нь ялгаад сайтар хутгаж хуйхандаа түрхээрэй.
- Илүү үр дүнд хүрэхийг хүсэж байгаа бол толгойдоо гялгар уут углаад малгай өмсөөрэй.
6. Өндөг, кoньяктай маскыг туршаарай
Өндөг уургаар тэжээнэ, харин коньяк – үсийг өтгөрүүлэх, ургалтыг идэвхжүүлэх бодис агуулдаг.
- Хоёр өндгийг нэг хундага коньяканд хийнэ.
- Сэрээ эсвэл миксерээр сайтар хутгаад хуйхандаа түрхээрэй.
- Маскыг үсний нийт уртдаа түрхэх гэж байгаа бол чидун жимсний тос нэмнэ: үсийг зөөлрүүлж дуулгавартай болгодог. Сушмита үсээ ороох эсвэл гоёлын засалт хийлгэхдээ энэ маскыг тавьдаг ажээ.
7. Эфирийн тос ашиглана
Жожоб, бүйлсэн самар, лаванда, розмарин зэрэг эфирийн тоснууд нь амин дэм болон ургамлын гаралтай шим тэжээлээр баялаг тул үсний уутанцарт сайнаар нөлөөлдөг.
- Эфирийн тоснуудыг хооронд нь холиод эсвэл далдуу модны самрын тостой масканд нэмнэ.
- Холимог тосуудыг үсэндээ түрхээд 2-3 цаг байлгана.
- Үснээс тосыг бүрэн арилгахын тулд хоёр ч удаа шампуньдаж угаах эсвэл гүн цэвэрлэгээний тусгай шампуниар угаана.
Oyuntsetseg Sharavdorj
2019/04/03 at 18:42
Ona Uka