Бие галбиртаа санаа тавьдаг хүмүүст тохирох амттай десертний жоруудыг танд танилцуулахаар бэлдлээ.
1. Ванилийн пудингтэй жимсний салат
Орц:
- 300 г лаазалсан эсвэл шинэхэн хан боргоцой
- 300 г лаазалсан эсвэл шинэхэн тоор
- 300 г лаазалсан эсвэл шинэхэн мандарин
- 3 гадил
- 2 улаан алим
- 1 стакан хүйтэн сүү
- 1 стакан зөөхий
- 1/3 стакан жүржийн цэвэр шүүс
- 1 уут ванилийн пудинг
Бэлдэх арга:
Хан боргоцой, тоор, мандарин, гадил болон алимаа жижиглэн хэрчээд жижгэвтэр саванд хийнэ.
Сүү, зөөхий, шүүс болон пудингээ сайтар холино. Соусанд бүхэл зүйл байх ёсгүй.
Жимсэн дээрээ хийгээд хөргөгчинд 2 цаг байлгана.
2. Усан үзмээр хийсэн өнгийн салат
Орц:
- 200 г цөцгийтэй бяслаг
- 1 стакан зөөхий
- 3 х.х ванилийн сахар
- 1 багц ногоон усан үзэм
- 1 багц улаан усан үзэм
- 1 х.х жижиглэсэн самар (хушга, ангаахай, газрын зэрэг)
Бэлдэх арга:
Бяслаг, зөөхийгөө холино. Сахараа хийгээд дахин хутгаарай. Усан үзэм дээр соусаа асгаад нэг цаг хөргөгчинд хийнэ. Таваглахаасаа өмнө жижиглэсэн самар цацна.
3. Ванилаар амталсан жүрж, хан боргоцойн салат
Орц:
- 2 жүрж
- 1 грейпфрут
- 250 г шинэхэн эсвэл лаазалсан хан боргоцой
- 2 х.х лаймын шүүс
- ¼ стакан ванилийн сахар
- 200 г элгэн тараг
- ½ ц.х лаймын хальс
Бэлдэх арга:
Жүрж, грейпфрут, хан боргоцойгоо хэрчээд дээрээс нь шүүс, сахараа хийж 20 минут хөргөгчинд байлгана. Зочдоо дайлахаас өмнө таргаа асгаад үрж жижиглэсэн лаймын хальсаа цацна.
4. Зөгийн балаар амталсан алимны салат
Орц:
- 4 жүрж
- 2 лийр
- 3 гадил
- 4 киви
- 2 шар алим
- 1 ногоон алим
- 3 тоор
- 2 х.х зөгийн бал
Бэлдэх арга:
Жүрж, лийр, гадил болон кивиг хальсалж бэлдэнэ. Алим, тоороо хальслаад бусад жимстэй нийлүүлж том хэмжээтэй хэрчинэ.
Хоёр жүржийнхээ шүүсийг шахаад зөгийн балтайгаа холино. 20 минут хөргөгчинд хийнэ.
5. Алимтай салат
Орц:
- 2 ногоон алим
- 2 улаан алим
- ¼ стакан үзэм
- 1 х.х шинэхэн шахсан жүржийн шүүс
- 200 г элгэн тараг
- ¼ ц.х цинамон
- ¼ ц.х задь
- 2 х.х жижиглэсэн самар
- 2 х.х далдуу модны самрын цагаан зөөлөн эд
Бэлдэх арга:
Алимаа дөрвөлжин хэрчээд үзэм, жүржийн шүүсээ нэмнэ. Задь, цинамоноор амталсан таргаа жимсэн дээрээ асгаад хөргөгчинд 30 минут байлгана.
6. Хан боргоцой, жүрж, усан үзэм болон маршмеллоутай салат
Орц:
- 400 г шинэхэн эсвэл лаазалсан хан боргоцой
- 2 жүрж
- 2 стакан ногоон усан үзэм
- 1 гадил
- 1 стакан маршмеллоу
- 3 х.х далдуу модны самрын цагаан зөөлөн эд
- 2 х.х хэрчсэн бүйлсэн самар
- 200 г цэвэр тараг
Бэлдэх арга:
Хан боргоцой, жүрж, усан үзэм болон гадилаа хэрчинэ. Зефир, далдуу модны самрын зөөлөн эд, бүйлсэн самраа холиод тарагтайгаа хутгана. Таргаа жимсэн дээр хийж 15-20 минут хөргөгчинд байлгана.
7. Өтгөрүүлсэн сүү/сгущёнка, хан боргоцой, маршмеллоу болон самартай салат
Орц:
- 200 г зөөлөн бяслаг
- ½ – 1 лааз өтгөрүүлсэн сүү
- 2 х.х нимбэгийн шүүс
- 600 г шинэхэн эсвэл лаазалсан хан боргоцой
- 1 стакан маршмеллоу
- ½ стакан жижиглэсэн самар
Бэлдэх арга:
Бяслаг, сүү болон нимбэгийн шүүсээ холино. Дээрээс нь хан боргоцой, маршмеллоу болон самраа нэмж хутгана. Идэхээсээ өмнө хөргөгчинд хөргөнө.
8. Таатай тарвасны салат
Орц:
- 1 стакан ус
- 1 боодол шинэхэн гааны навч
- ½ стакан сахар
- ½ тарвас
- 500 г интоор
Бэлдэх арга:
Усаа буцалгаад гааг 15-20 секунд хийнэ. Дээрээс нь сахараа хийж бүрэн уусгана. Гааг хэрчээд сахартай усандаа хийнэ. Хөргөж шүүгээд хөргөгчинд 3-4 цаг байлгана, хонуулбал бүр л сайн.
Тарвасаа дунд зэргийн хэмжээтэй хэрчээд ясгүй тал интоороо хийгээрэй. Гаатай сиропоо амтлаад дахин хэдэн цаг хөргөгчинд хийнэ.
9. Гүзээлзгэнэ, интоортой улаан салат
Орц:
- 500 г интоор
- 500 г гүзээлзгэнэ
- 1 ц.х кориандрын үр
- 2-3 х.х бор сахар
- 1 ц.х нимбэгийн шүүс
Бэлдэх арга:
Интоороо дундуур нь хувааж хэрчээд талласан гүзээлзгэнэтэйгээ нийлүүлнэ. Кориандраа хайруулын тавганд хатаагаад нунтаглаж нүдээрэй. Сахараа хийгээд хутгана. Нимбэгийн шүүсээ асгаад хөргөгчинд 10-15 минут байлгана.
10. Бөөрөлзгөнөөр амталсан тоор, хар чавга, самартай салат
Орц:
- 3-4 хар чавга
- 3 тоор
- ½ стакан хушга
- 3 х.х бөөрөлзгөнийн чанамал
- 2 ц.х дарсны уксус
- 1 ц.х ургамлын тос
Бэлдэх арга:
Хар чавга болон тоороо жижиглэн хэрчээд саванд хий. Дээрээс нь шарсан бага зэргийн самраа цацна. Чанамал, уксус, тостой соусаа дээрээс нь асгана.
11. Амтат хулуу болон гүзээлзгэнэ, интоортой салат
Орц:
- ¼ дунд зэргийн хэмжээтэй амтат хулуу
- 1 стакан гүзээлзгэнэ
- ½ стакан интоор
- ½ стакан усан үзэм
- 1 лайм
- 2 х.х ликёр
- 2-3 навч гаа
Бэлдэх арга:
Амтат хулуу, гүзээлзгэнэ, интоор болон усан үзмээ хэрчинэ. Лаймын шүүс болон ликёртойгоо холино. Хэрчсэн гааны навчаа хийгээд дахин сайтар хутгаарай. Хөргөгчинд 3-4 цаг байлгана.
12. Усан үзэм, хар чавга болон нэрстэй ягаан салат
Орц:
- 2-3 хар чавга
- 2 стакан усан үзэм
- 2 стакан нэрс
- 2 х.х хэрчсэн базилик
- 1 уут тараг
- ½ лайм
Бэлдэх арга:
Жимснүүдээ хэрчээд жимсгэнэтэй холино. Базиликээ хийгээд тараг, лаймын шүүсээр амтална.