Эрдэмтэд озоны давхаргын цооролд нөлөө үзүүлж байгаа хүн төрөлхтний бий болгосон шинэ 4 төрлийн хий байгааг тогтоосон тухай Британий ВВС агентлаг мэдээлжээ. Энэхүү 4 төрлийн хийн 2-ынх нь хэмжээ өсөж байгаа нь эрдэмтдийн санааг зовоож байгаа аж. 1985 онд анх озоны давхаргын цоорлыг олж тогтоосон бөгөөд шалтгаан нь аерозол, хөргүүрт ихээхэн хэрэглэдэг хлорофлюорокарбон байсан. 80-аад оны дундуур энэ хийн үйлдвэрлэлийг хориглосон. Гэтэл шинэ төрлийн хий нь хлорофлюорокарбонтой төстэй ч түүний гарал үүслийн талаар тодорхой зүйлгүй байна гэж эрдэмтэд хэлсэн байна. Эрдэмтдийн олж тогтоосон 4 хийн 1 нь гидрохлорофлюорокарбон хий юм. Эрдэмтдийн ахлагч Йоханнес Лаубегийн хэлж буйгаар озоны давхаргад аюул учруулж байгаа 4 төрлийн хий нь 60-аад оныг хүртэл агаар мандалд байгаагүй гэнэ. Эрдэмтэд туйлын мөсөн хунгар, мөнх цасанд шинжилгээ хийснээр дээрх 4 хий байгааг тогтоожээ. Туйлын цаснаас гаргаж авсан агаар нь 100 хүртэлх жилийн өмнөх агаар мандлын бүрэлдэхүүн, байдлыг тэр хэвээр нь хадгалсан байгалийн архив юм байна.
Гоё
Ха Ха
Хөөрхөн
Гайхмаар
Бахархмаар
Харамсалтай
Тэнэглэл
Буруу
