Бидний бие махбодь – минут тутамд хэдэн мянган үйлдэл гүйцэтгэх төгс машин, энэ нийтлэлийг уншиж байхад ч гэсэн гүйцэтгэсээр л байгаа. Харин эзэд нь болох бид өөрсдөө тэр тухай гадарлах ч үгүй.
Таныг алмайруулах хэд хэдэн сонирхолтой баримтуудыг цуглууллаа.
- Шинээр мэндэлсэн хүүхдэд тойг байдаггүй: зөөлөн мөгөөрс байх бөгөөд 3 наснаас эхлэх хатуурч эхэлдэг ажээ.
- Нүдний эвэрлэгч бүрхэвч – цусаар дамжуулж хүчилтөрөгч авдаггүй цорын ганц эрхтэн, шууд агаараас авдаг байна.
- Өөрийгөө гижигдээд инээж чадахгүй, энэ бол боломжгүй зүйл. Учир нь тархи уг үйлдлийг хүлээн авахгүй байх дохио өгсөн байдаг.
- Хүний тархи биеийн хүчилтөрөгчийн 20%-ийг, глюкозын 50%-ийг, мөн хэвийн үйл ажиллагааг хангахад биеийн нийт энергийн 20%-ийг ашигладаг. Тархины 10-хан хувийг ашигладаг гэдэг цуурхал шүү: тархины хэсэг болгоныг бид бага багаар байнга ашиглаж байдаг ажээ.
- “Цасан сохор” – хурц гэрэлд юм харж чаддаггүйг хэлнэ.
- Ихэнх хүмүүс тодорхой хугацаанд нэг хамраараа амьсгалдаг. Хамрын амьсгалах “ээлж” 4 цаг тутамд өөрчлөгддөг.
- Булчингийн массыг гээх нь олж авахаасаа 2 дахин хэцүү.
- Айдас, аюулын үед нүд том болох нь дараах учиртай: нөхцөл байдлыг илүү дүгнэхийн тулд ихийг харах шаардлага гардаг.
- Шаргал бүсгүйн үсийг техникт ашигладаг – гигрометр (агаарын чийгшил хэмжих төхөөрөмж)-т ашигладаг.
- Бүх булчингийн 25% нь нүүр, хүзүүгээр байрлана, тэгээд л нүүр царай төрөл бүрээр хөдөлж чаддаг юм.
- Бидний тархи цахилгаан гэрэл асаах төдий цахилгаан энерги боловсруулж чадна.
- Шинээр төрсөн хүүхэд 270 гаруй ястай байдаг. Аажимдаа цөөрсөөр насанд хүрэхдээ 206-аар тоологдоно.
- Дальтонизм (өнгө ялгах чадваргүй)-ыг эрчүүдийн өвчин гэж үздэг ч гэлээ эмэгтэйчүүдийн 0,4% нь дальтонизмоор шаналдаг (харьцуулахын тулд, эрчүүд 2-8%). Харин дальтоник байх эсэх нь эхийн генээс хамаарна.
- Хүний үсний амьдрах хүрд 2-5 жил, харин зарим нэг нь 7 жил ч насална.
- Хүний зүрх 1 жилд усан бассейн дүүргэх хэмжээний цус шахдаг (ойролцоогоор 2,5 сая литр).
- 28 хоног тутамд таны арьс шинэчлэгдэж байгаа, амьдралынхаа туршид ойролцоогоор 40 кг арьс “хаяна”.
- 1 алхам хийхийн тулд зохих дарааллын дагуу 200 гаруй булчинг суллаж, чангалах ёстой. Энэ тоо тухайн хүний бие махбодиос шалтгаалж өөр байж болно. Гэхдээ л бодит үнэнд дөхөж очсон тоо юм шүү.
- Элэг нь эрүүл эсийн 25%-ийг хадгалж үлдсэн байх тохиолдолд нөхөж ургадаг цорын ганц эрхтэн юм.
Энэ бол хүний бие эрхтний тухай нууцын дөнгөж наад зах нь. Жишээ нь, та энэ нийтлэлийг уншихад 2 минут зарцуулсан бол ойролцоогоор 40 удаа нүдээ анивчуулсан байгаа.
44
Гайхмаар9
Бахархмаар5
Хөөрхөн4
Гоё2
Буруу2
Тэнэглэл1
Ха Ха1
Харамсалтай
