Нэгэн цагт аз жаргалаар халгиж цалгиж, хамтын амьдралаа итгэл төгс эхлүүлж байсан хоёр хүн хожмын нэгэн өдөр бүтээж босгосон бүхнээ ардаа орхиж, амьдралын хоёр салаа замыг сонгох үеүд цөөнгүй. Гэхдээ тэд салъя гээд шуудхан салчихдаггүй. Учир нь тэднийг холбосон олон зүйл байдгийн дотор тэднийг нэгэн гэрт нэгэн гэр бүл болсныг баталсан гэрлэлтийн баталгаа хэмээх зүйл байдаг. Хэрвээ гэр бүл салж байгаа л бол гэрлэлтийн баталгаагаа цуцлуулах шаардлагатай байдаг ба үүнийг шүүх шийдвэрлэдэг. Зарим тохиолдолд гэрлэлт эдийн засгийн нөхцөл байдлыг үүсгэдэг бөгөөд энэ нь багахан зэргийн мөнгөнөөс эхлээд хэдэн сая доллараар үнэлэгдэх нь ч бий. Үүний жишээ бол доор нийтэлсэн хүн төрөлхтний түүхэн дэх хамгийн өндөр үнэтэй салалтуудын жагсаалт юм.
10. Роман болон Ирина Абрамович нар, 300 сая доллар
Ирина Маландина Оросын бизнесийн магнат Роман Абрамовичаас салах өргөдөл гаргаж, гарын үсэг зурахдаа 2007 онд нөхөр нь түүнд өөрийн 18,7 тэрбум долларын хөрөнгийнхөө 2-оос багагүй хувийг бэлэглэсэн учир тэр хэмжээний мөнгийг авч чадсан.
9. Роберт /Robert/ болон Шейла Жонсон /Sheila Johnson/ нар, 400 сая доллар
Америкийн ВЕТ кабелийн телевизийг хамтран байгуулсан Роберт болон Шейла Жонсон нар 1969 онд гэрлэсэн ч 30 гаруй жилийн хамтын амьдралынхаа дараа хоёр тийш болсон. Америкийн анхны хар арьст тэрбумтан болсон Роберт Жонсон гэр бүлээ цуцлуулсан эхнэртээ нилээд хэмжээний мөнгийг буюу 400 сая долларыг өгчээ.
8. Мел /Mel/ ба Робин Гибсон /Robin Gibson/ нар, 425 сая доллар
1980 онд гэр бүл болсон Робин Мур /Robin Moore/, Мел Гибсон /Mel Gibson/ нар 31 жилийн дараа салсан. 2011 онд эхнэрээсээ салах үедээ 850 сая долларын хөрөнгөтэй Мел Гибсон эхнэртээ хөрөнгийнхөө талыг өгсөн нь Холливудын түүхэн дэх хамгийн их хэмжээний салалтын хөрөнгө хуваалт байв.
7. Крейг /Craig/ болон Уэнди МакКау Wendy McCaw/ нар, 460 сая доллар
McCaw Cellular-ыг үүсгэн байгуулагч Крейг МакКау 1974 онд Уэнди Петрак /Wendy Petrak/-тай гэрлэсэн ч тэд 1998 онд компаниа AT&T-д 11-12 тэрбум доллараар худалдсаныхаа дараахан хоёр тийшээ болжээ.
6. Стив Уинн /Steve Winn/ болон Элайн Паскал /Elaine Pascal/ нар, 750 сая доллар
Казиногийн хаант улс Уинн Ресортс /Winn Resorts/-ын эзэн Стив Уинн, Элайн Паскал нар 1963 онд гэрлэсэн. Тэд 1986 онд салсан ч 1991 онд дахин гэрлэсэн. Гэвч эцэст нь 2010 онд дахин гэрлэлтээ цуцлуулсан. Уинн хоёр дахь салалтаараа өөрийн компаний хувьцааны тал хувийг эхнэртээ алдаж, 750 сая доллар эхнэртээ өгчээ.
5. Аднан /Adnan/ болон Сораяа Хашогги /Soraya Khashoggi/ нар, 850 сая доллар
Саудын тэрбумтан, зэвсгийн наймаачин Аднан Хашоггигийн гэр бүл салалт бараг 20 жилийн турш түүхэн дэх хамгийн үнэтэй салалт гэгдэж байсан юм. Аднан 1961 онд 20 настай Сораяатай гэрлэсэн бөгөөд 1974 онд салах өргөдлөө шүүхэд өгсөн тэд 1979 оныг хүртэл шүүхээр заргалдсаны эцэст Сораяа 850 сая долларыг нөхрөөсөө салгаж чадсан юм.
4. Берни /Bernie/ болон Славика Экклстоун /Slavica Ecclestone/ нар, 1,2 тэрбум доллар
Британий бизнесийн магнат Берни Экклстоун урьд нь загвар өмсөгч байсан Славика Экклстоунтой гэрлэж, 23 жил хамт амьдарсан. Тамара, Петра нэртэй хоёр охинтой тэд 2009 онд салахдаа 1-1,2 тэрбум доллараар хөрөнгөө хуваажээ.
3. Руперт Мёрдок /Rupert Murdoch/ болон Анна Мария Торв /Anna Maria Torv/ нар, 1,7 тэрбум доллар
Гурван хүүхдийн эцэг эх болж, 32 жил хамт амьдарсны эцэст Мёрдок хоёр дахь эхнэр Аннадаа 1,7 тэрбум доллар өгч салсан.
2. Руперт Мёрдок /Rupert Murdoch/ болон Уэнди Дэнг /Wendy Deng/ нар, 1,8 тэрбум доллар
1999 оны 6-р сарын 25-нд Руперт хоёр дахь эхнэр Аннагаасаа салснаас 17-хон хоногийн дараа Уэнди Дэнг хэмээх хятадад төрсөн бүсгүйтэй гэрлэсэн. Гэвч тэд 13 жилийн дараа салцгаасан ба 2013 оны 6-р сарын 13-нд Руперт салах өргөдөлд гарын үсгээ зурсан байна.
1. Алек /Alec/ болон Жоселин Вильденштейн /Jocelyn Wildenstein/ нар, 2,5 тэрбум доллар
Алек Вильденштейн болон Жоселин нарын салалт хүн төрөлхтний түүхэн дэх хамгийн өндөр үнэтэй салалт юм. Францын бизнесмэн эрхэм 1978 оны 4-р сарын 30-нд Жоселин Периссет /Jocelyn Pеrisset/-тэй гэрлэсэн. Тэд Диане /Diane/ нэртэй нэг охин, Алек Жей Эр /Alec Jr,/ нэртэй нэг хүүтэй болсон бөгөөд тэдний салалт 1997-1999 оныг хүртэл үргэлжилсний эцэст Жоселин 2,5 тэрбум доллар олж авчээ.
1
Ха Ха0
Гоё0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
