400 жилийн тэртээ сүйрсэн алт эрдэнэсээр дүүрэн хөлөг онгоцыг олжээ

Ойролцоогоор 400 жилийн тэртээх Испаний эзэн хааны үед Мексикийн буланд живсэн хөлөг онгоцонд асар их хэмжээний алт эрдэнэс хадгалагдаж байсныг олж илрүүлжээ. Бусад долоон хөлөг онгоцны хамт живсэн энэхүү Буэн Есүс и Нуэстра Сенора дел Росарио нэртэй хөлөг онгоцны сүйрлээс үүдэлтэй гарз хохирол нь Мадридын банкыг сүйрүүлсэн бөгөөд Испаний эзэнт улсын мөхөлд ч нөлөөлсөн юм. Тэнгисийн гүн рүү шумбагчид 400 метрийн гүнд байгаа живсэн хөлөг онгоцноос алт, сувд, мөнгөн эдлэлүүд тэр ч бүү хэл тотинууд тэргүүтэй 17,000 ширхэг зүйлсийг гаргаж аваад байгаа аж.Өнөөдөр зарим нэг олдворуудын зургууд нь олон нийтэд ил болсон энэхүү нээлтээр АНУ-ын зүүн өмнөд хэсэгт орших Флорида Кийс шүрэн арлын олтригт сүйрсэн хөлөг онгоцны сэгэнд 39 алтан гулдмай, ойролцоогоор 1200 ширхэг мөнгөн хэсгүүд агуулагдаж байжээ. Түүнчлэн мөн онцгой зүйл нь Венесуэлийн эргээс Европ руу экспортлож байсан 6600 гаруй ширхэг сувднууд байсан явдал юм. Үнэт металлууд, эрдэнэсээс гадна уг газраас хоёр шувууны яс олсон ба үүнийг цэнхэр толгойт тотины яс гэж үзжээ. Хурц тод өд сөд, хүний үг яриаг элэглэн дуурайх чадвартай зэргээсээ шалтгаалан тотийг тэжээх нь түгээмэл боловч энэ олдвор нь хөлөг онгоцны сэгэн дээрээс олдсон анхны олдвор гэдгээрээ онцлог аж. Сүйрсэн хөлгөөс олдсон бас нэгэн сонирхолтой олдвор бол хөлгийн багийн гишүүдийн нэг нь хийсэн гэдэг нь эргэлзээгүй бөөс түүх зориулалттай яст мэлхийн хуягаар хийсэн сам байв. Буэн Есүс и Нуэстра Сенора дел Росарио /Buen Jesus y Nuestra Senora del Rosario/ хөлөг онгоц нь 1622 оны 9-р сарын 5-нд хар салхинд цохиулан сүйрсэн Испани худалдаачдын 28 хөлөг онгоцны нэг бөгөөд тэдгээр хөлгүүдийн 8 нь хөлөг дээр байсан 500 хүний хамт живж, бараг дөрвөн зууны турш далайн ёроолд өөртөө байсан эрдэнэсээ нуун хэвтсэн байна. Энэхүү хөлгийн газар дахь 20 гаруй жилийн малтлагад Хойд тэнгист газрын тосны цооног өрөмдөхөөр Британи инженерүүдийн хөгжүүлсэн тэнгисийн гүний технологийг ашиглажээ. Одиссей Марине Экплорейшн судалгааны багийн ахлагч Грег Стемм Таймс сэтгүүлд өгсөн ярилцлагандаа “Энэ бол бидний үеийн томоохон олдвор юм.” гэсэн байна. Хөлгийн олдворуудыг Росариогоос Флорида дахь компаний төв оффис рүү зөөвөрлөсөн ба сүйрсэн хөлөг онгоц болон түүн дээрх олдворуудын тухай өгүүлсэн Oceans Odyssey 3 нэртэй ном өнөөдөр хэвлэгдэн гарч байгаа ажээ.