Заримдаа ганцхан дуу, ганцхан дүрээр олны танил, од болсон хүмүүс байдаг. Тэднийг хүмүүс зөвхөн тэр л уран бүтээлээр нь таньж, нэрлэдэг бөгөөд цорын ганц хит уран бүтээлээрээ алдаршсан тэдгээр хүмүүсийн зарим нь урлагийн карьераа хөөсөн ч өөр дуулиан тарьсан уран бүтээл туурвиагүй байдаг бол зарим нь урлагийн карьерыг орхиж, огт өөр замнал, амьдралын хэв маягаар амьдарсан байдаг. Энд бид яг тийм хүмүүсийн тухай фото мэдээллийг товч тайлбарын хамт нийтэлсэн байгаа ба таны мэдэх ямар хүмүүс энд байгааг сонирхон үзэхийг хүсвэл мэдээллийн маань дэлгэрэнгүйд зочлоорой.
1985 оны Back to the Future киноны Женнифер Паркер /Jennifer Parker/-ын дүрийг бүтээсэн Америкийн жүжигчин Клаудиа Уэллс /Claudia Wells/
Back to teh Future киноны эхний хэсэгт Клаудиа Уэллс 2015 он руу ирээдүйн хүүхдүүдээ ноцтой асуудлаас аврахаар аялсан аавтайгаа аялж байгаа Марти /Marty/-гийн охин Женнифер Паркерын дүрийг бүтээсэн. Гэвч дараагийн анги хийгдэх үеэр Клаудиагийн ээж хорт хавдрын өвчтэй байсны улмаас түүний дүрийг жүжигчин Элизабет Шуе /Elisabeth Shue/-д өгсөн. Уэллс хожим нь телевизийн төслүүдэд хоёр ч дүр бүтээсэн боловч жүжигчний карьераа Армани /Armani/-гийн дэлгүүр менежерийн ажил үүрэг гүйцэтгэх явдлаар дуусгавар болгосон. 2008 оноос дахин жүжигчний карьераа хөөж эхэлсэн бөгөөд түүний тоглосон Room & Board нэртэй аймшгийн кино ирэх онд гарах аж.
1988 оны Die Hard киноны Ули /Uli/-гийн дүрийг бүтээсэн Ази-Америкийн жүжигчин Аль Леонг /Al Leong/
Хэдийгээр үзэгчид түүний нэрийг ховорхон хэлдэг боловч тэр нүүр царайгаараа үзэгчдийн хэдийний танил болсон нэгэн. Die Hard кинонд тоглосныхоо дараа тэрээр амьдралаа тулааны урлагт зориулсан бөгөөд цөөнгүй тооны кинонд жижиг дүрүүд бүтээсний зэрэгцээ саяхан “Eight lives Al’Ka Bogn Leong” номоо хэвлүүлжээ.
1980 оны The Shining киноны Денни Торренс /Danny Torrance/-ын дүрийг бүтээсэн Денни Ллоид /Danny Lloyd/
Тухайн үедээ аймшгийн кинонд тоглож байгаагаа ч ухаараагүй 6 настай жүжигчин хөвгүүн хожим нь биологийн шинжлэх ухааны профессор болж, Миссуригийн шинжлэх ухааны сургуулийн багшаар ажиллах болжээ.
1999 оны The Matrix кинонд халбагатай хүүгийн дүрийг бүтээсэн Рован Витт /Rowan Witt/
Алдарт The Matrix кинонд бүтээсэн халбагатай хүүгийн дүрээрээ алдартай жүжигчин залуу Harry Potter-ын дүрд өрсөлдсөн ч Даниел Рэдклифф /Daniel Radcliffе/-т ялагдсан. Ахлах сургуулиа төгсөөд дуулаачийн мэргэжлээр суралцсан түүний дуу хоолойг 2001 оны Мoulin Rouge, Happy Feet 2 кинонуудын дуунуудаас олж сонсох боломжтой.
1991 оны Terminator 2: Judgment Day киноны Тим /Tim/-ийн дүрийг бүтээсэн Америкийн жүжигчин Денни Куксей /Danny Cooksey/
Денни Куксей өсвөр насандаа олон дүр бүтээсний хамгийн алдартай нь Terminator 2: Judgment Day киноны Жон Коннер /John Conner/-ын найз Тимийн дүрийг бүтээсэн тэрээр хожим нь дуучны карьер хөөжээ.
1986 оны Aliens киноны Ребекка Ньют /Rebecca Newt/-ийн дүрийг бүтээсэн Кэрри Хенн /Carrie Henn/
Aliens киноноос өмнө ямар нэгэн дүр бүтээх нь битгий хэл сургуулийн ямар нэгэн тоглолтонд ч оролцож байгаагүй тэрээр Aliens-ын дараа ч дүр бүтээгээгүй бөгөөд Калифорнид амьдардаг тэрээр одоо сургуулийн багш хийдэг.
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
