Америкийн Калифорни мужийн Лос Алтос хот дахь Стив Жобс /Steve Jobs/-ын байшинг түүхийн дурсгалт газар хэмээн албан ёсоор бүртгэж авсан байна. Өнөөгийн технологийн ертөнцийн ноёрхогчдын нэг Эппл /Apple/ компаний анхны компьютер гаражид нь бүтээгдэж байсан энэ байшин 1976 онд уг компаний анхны төв оффис байжээ. Тухайн үед Жобс, Стив Возняк /Steve Wozniak/ нарын ажилдаа туслуулахаар хөлсөлж байсан хөршийн хүүхдүүдийн дунд байсан Жобсын өргөмөл дүү охин Пэтти /Patty/ буюу Пэтрициа /Patricia/ энэ байшингийн одоогийн эзэмшигч юм.