Apple компани Healthbook нэртэй биед хяналт, шинжилгээ хийдэг апликейшн гаргахаар зэхэж байгаа аж. Энэхүү апп нь нойрноос эхлээд хоол тэжээл, дасгал хөдөлгөөн, амин чухал шинж тэмдгүүд гэхчилэн бүх талын ажиглалтыг хийх юм байна. Даваа гаригт энэ апп-ын нарийвчилсан мэдээллийг нийтэлсэн 9-to-5 Mac дээр бичсэнээр тус апп нь цусны даралт, зүрхний цохилт, амьсгалын тоо, жин, биеийн усны хэмжээ, биеийн хөдөлгөөн зэргийг хянах аж. Түүнчлэн эрүүл мэндийн шалгалт хүртэл авах юм байна.
Апп-ыг Apple-ын шинэ iOS 8 үйлдлийн систем эсвэл удаан яригдаж байгаа iWatch ухаалаг цагны аль нэгний эсвэл хоёулангийнх нь борлуулалтын түлхүүр болох болно гэсэн яриа ч гарчээ. Ямартай ч Apple зүүж болдог эрүүл мэндийн хяналтын төхөөрөмжийн зарим хэсгүүдийг бүтээх ажилд фитнесийн багш Jay Blahnik болон бусад инженерүүдийг хөлсөлсөн юм байна.
Эрүүл мэндийн болон фитнесийн апп-ууд нь сүүлийн жилүүдэд олноор гарч байгаа. Azumio нэртэй нэгэн компани ганцхан iPhone-д тохирох эрүүл мэндийн хяналтын болон фитнесийн 40 апп-ыг санал болгож байна. PayPal хамтран бий болгогч Max Levchin хүүхэдтэй болохыг хүсэж байгаа хосуудад зориулсан Glow хэмээх апп гаргахаар ажиллаж байгаа. HealthTap компани нь эрүүл мэндийн холбоотой асуулт хариултын сайтыг санал болгодог. Энэ мэтчилэн эрүүл мэндийн салбарыг технологи, цахим ертөнцтэй холбосон үйл ажиллагаа явуулдаг газрууд цөөнгүй болсон.
Apple Healthbook нь одоо байгаа эрүүл мэндийн апп-уудтай өрсөлдөхийн хамт амжилт олох ёстой болж байна. 9-to-5 Mac-д дурдсанаар Apple-ын Passbook шиг нэгдсэн үйлчилгээ үзүүлэх энэ апп нь iPhone-ий хэрэглэгчдэд зөвхөн фитнесийг сурталчлаад зогсохгүй эрүүл мэндийн технологийн бүх компаниудыг дэмжсэн байх юм байна.
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
