iPhone 11 утасны бүх л шинэ функцууд нь Android-д аль дээр л бий болчихсон байсан зүйлс

iPhone утасны шинэ загварт нэмэгдсэн зүйлүүд хүмүүсийн сэтгэлд хүрсэнгүй.

Android хэрэглэгч нар сүүлийн үед “Apple-д нэмэгдэж байгаа шинэ зүйл гэдэг нь Android утсанд бий болоод хоёр жил болж байгаа зүйлийг хэлдэг” гэж хошигнодог болжээ. Энэ жил харин энэ хошигнол урьд өмнөхөөсөө илүү үнэн, бодит мэт харагдаж байна.

Шинэ iPhone

9-р сарын 10-ны өдөр танилцуулсан гурван шинэ iPhone нь:

• Сайжруулсан камер
• Илүү хурдтай чип
• Ус нэвтрэхгүй байх чанар нь илүү сайжирсан
• Илүү бат бөх шил
• Цэнэг барих хугацаа нь илүү урт болсон

Хэрвээ танд хуучин iPhone байдаг бол (ялангуяа хоёр болон түүнээс дээш жил барьсан утас бол) эдгээр сайжруулалт нь мэдээж мэдэгдэхүйц зүйл байх болно.

Гэтэл яг үнэндээ бол шинэ iPhone-д Android-д байхгүй ямар ч зүйл үгүй юм байна. Тэр тусмаа зарим шинэ гээд байгаа функц нь Android-д олон жилийн өмнө бий болчихсон зүйлс байжээ.

Android болон iPhone 11-ийг харьцуулсан нь

1. Гурвалсан камер

Гурвалсан камер нь топ утасны стандарт болоод бараг жил болж байна:

• Huawei P20 Pro-д ийм камер өнгөрсөн жилийн 4 сард бий болсон
• LG V40 ThinQ-д энэ нь 2018 оны 10-р сараас эхлэн тавигдсан

Сонирхолтой нь iPhone 11 Pro/Pro Max-д буй хэт өргөн линз болон зүүм нь LG-ийн ийм төхөөрөмжтэй маш адилхан юм байна.

2. Шөнө зураг дарах боломж

Нэгэн үе Google Pixel-ийн ийм боломж нь iPhone-оос дээр байсан үе бий. Саяхнаас Samsung болон Huawei шөнийн цагт зураг авах чанараараа илүү болсон байдаг.

Үүнийг мэдэхийн тулд та их үнэтэй топ утас харах хэрэггүй бөгөөд iPhone нь энэ талаар Android-оос ихээхэн хоцорч байгаа нь тодорхой юм.

Xiaomi Redmi Note 8 Pro утас нь ард талдаа 64 мегапикселийн 4 камертай, 20 мегапикселийн нэг камер нь урдаа байдаг. Энэ утасны үнэ 195$-оос эхлэх билээ. Apple-ийн шинэ iPhone утасны урд, ард талын аль аль камер нь ердөө л 12 мегапиксель.

3. Утсаа утасгүй цэнэглэгч болгон ашиглах

Шинэ iPhone-д ийм боломж байхгүй. Компанийн төлөөлөгчийн хэлснээр бол энэ нь компанийн стандартад тохирохгүй байсан гэнэ. Үнэхээр тэд өндөр стандарттай байж болох ч Huawei  болон Samsung ийм технологийг аль эрт нэвтрүүлээд, тэр нь ямар ч асуудалгүй ажиллаж байгаа билээ.

Өөр мэдэгдэхгүй байгаа зүйл юу байна?

iPhone 11-ийн тухай бүх л нарийн зүйлийг одоогоор мэдэж амжаагүй байна. Гэхдээ Android-ын топ утаснуудын шуурхай санах ой нь илүү, батарей нь удаан барьдаг нь нууц зүйл биш. Apple-ийн шинэ чип болох A13 Bionic нь өрсөлдөгчөөсөө илүү хурдтай байж болох юм. Гэхдээ тийм эсэхийг нь шалгаж үзэж байж л яг таг мэдэх билээ.

Шинэ iPhone худалдаж авах хэрэг байгаа юу?

Дээр дурдсан зүйлүүд нь шинэ iPhone утас сайн зүйл биш гэсэн үг биш бөгөөд энэ утас магадгүй сайн ч утас байж бас болох юм. Гэхдээ Apple ирэх жил илүү сонирхолтой шинэ зүйлс бүхий сайн утас танилцуулах тухай цуу явж байгаа гэдэг. Шинэ утсыг худалдаанд гарсны дараа энэ тухай илүү сайн мэдэх билээ. (9-р сарын 20-ноос худалдаанд гарна)

Харин та iPhone-ыг Android-оос хоцорч байгаа гэдэг талаар юу боддог вэ?

20

Ха Ха

9

Тэнэглэл

5

Буруу

5

Бахархмаар

5

Хөөрхөн

1

Харамсалтай

0

Гоё

0

Гайхмаар

Баярлалаа!