Анжелина Жоли шиг зузаан, дур булаам уруултай болох нь бараг л эмэгтэй хүн бүрийн мөрөөдөл. Цахим ертөнцөд уруулыг том харагдуулах маш олон төрлийн арга байгаа боловч тэд бүгд үр дүнтэй байж чаддаггүй.
Бид туршлагатай гоо сайханчийн санал болгосон, гэртээ ч хялбар туршиж үзэж болохоор энгийн аргуудыг та бүхэнтэй хуваалцаж байна.
Уруулын булан буюу 2 захыг бараан өнгөөр будах
Үдшийн нүүр будалтны энгийн боловч үр дүнтэй уг арга нь тод өнгийн уруулын будаг ашиглавал илүү сайхан харагдуулдаг.
Уруулын будаг, уруул өнгөлөгч, өө дарагч гурвыг ашиглаарай
Уруулын будаг, өнгөлөгч, өө дарагч гурвыг хослуулснаар төгс үр дүнд хурнэ.
Ши болон шанцны (корица) тосыг хольж хэрэглэх
Корицаны тос нь цусны эргэлтийг сайжруулж, уруулыг илүү тодруулж, бага зэрэг том болгож өгдөг. Ихэвчлэн уг тосыг дангаар нь бус ши модны тостой хольж хэрэглэдэг. Холимогийг түр зуур маск маягаар түрхэж эсвэл уруул өнгөлөгчний оронд хэрэглэж болно.
Уруул хүрээлэгчний тусламжтайгаар уруулын хэлбэрийг засах
Дурын уруулын хэлбэрийг зузаан харагдуулж болдог. Туршилт хийхээс бүү ай.
Уруулын дээд хэсгийн хонхорхойг тодруулах
Ингэж будах нь дээд уруулыг илүү төвгөр харагдуулахад туслах ба хүрээг илүү тодруулж өгнө. Нүүр будалтын төгсгөлд хэрвээ хүсвэл дахин нэмэлтээр дээд урууланд гэрэл тавьж өгч болно.