Сүүлийн үед охид бүсгүйчүүд маань Maxi загварын даашинзыг өмсөх нь элбэг болсон билээ. Энэхүү даашинз нь аялал зугаалга, найз нөхдийн уулзалт, болзоо зэрэг арга хэмжээ, уулзалтуудын алинд ч тохирдог мөн эмэгтэйлэг загвартай гэдгээрээг онцлог юм. Хэдий тийм боловч үүнийг хэрхэн ямар хувцсан дээр тохируулж өмсөх вэ гэдэг нь одоог хүртэл асуудал болсоор байгаа билээ.
Бид та бүхэнд Maxi даашинзтай төгс зохицох хувцасны шийдлүүдийг хүргэж байна.
Кет болон пүүзтэй
Бид зөвхөн биеийн тамирын хувцсан дээр л пүүз, кет өмсдөг гэсэн хэвшмэл ойлголттой байдгаас ихэнхи хүмүүст энэхүү хослол нь этгээд санагдаж болох юм. Гэхдээ хувцас загвар гэдэг хэвшмэл хэв маягт захирагддаг зүйл биш, харин ч даашинз + кетний нийлэмж нь сонгодог харагдах болно.
Хэрвээ та өсгийтэй гутал өмсөх дургүй бол энэ хослол танд таалагдах нь дамжиггүй юм.
Жинсэн хүрэмтэй
Хэрвээ та дуртай даашинзаа өмсөөд хаа нэг тийшээ явахаар болвол жинсэн хүрмээ өмсөхөө бүү мартаарай. Энэхүү хослолыг өмссөнөөр та одоо байгаагаасаа ч илүү залуухан харагдах төдийгүй ямар ч өнгийн хувцсан дээр төгс зохицдог.
Бүстэй
Maxi даашинз дээр бүс зүүснээр таны бэлхүүсийг илүү тодотгож өгөх юм. Хэрвээ та бүс зүүх дургүй бол энэхүү даашинз нь таны хөлийг илүү урт болгож харагдуулдаг гэдгийг битгий мартаарай.
Өндөр өсгийттэй
Даашинз бүхэлдээ гуталны тань урт өсгийг далдлах учраас та хүссэнээрээ өндөр харагдах боломжтой.
Арьсан хүрэмтэй
Илүү дэгжин харагдмаар байна уу? Хэрэв тийм бол энэхүү хослолыг өмсөөд үзээрэй. Мөн арьсан хүрэм өмсөхдөө гэгээлэг нүүр будалт хийхээ мартав аа.
Далайн эргийн Maxi даашинз
Энэхүү даашинз нь нимгэн даавуун материалтай байдаг учраас халуун зуны улиралд өмсөхөд нэн тохиромжтой.
Загварлаг хормойтой даашинз
Та хөлөө бүхэлд нь далдлахыг хүсэхгүй байгаа бол танд энэхүү загвар гайхалтай тохирно. Даашинзны урд хэсэг богино, ард тал нь урт загвартай. Таныг үзэсгэлэнтэй дэгжин харагдуулах юм.
Хээтэй загвар
Өнгөлөг хээнүүд нь ямар ч хувцсыг амь оруулах мэт болгохын зэрэгцээ дахин давтагдашгүй хэв маягтай байдаг. Хээ, хатгамалын дагуух гоёл чимэглэлийг зүүснээр уг загварыг илүү тодотгодог.
Гоёл чимэглэлүүд
Ямар гоёл чимэглэл сонгох нь таны мэдрэмж мөн хаана очих гэж байгаа зэргээс хамаарна. Хэрвээ таны даашинз цээжээрээ онгорхой загвартай бол хүзүүний зүүлт зүүснээр илүү гоёмсог харагдах болно.
Гоё
Бахархмаар
Хөөрхөн
Ха Ха
Гайхмаар
Харамсалтай
Тэнэглэл
Буруу
