Дэлхийн улс хот болгонд л хэн нэгний гэр бүлийн зураг, бичиг баримт, 50 доллартай тэнцэх хэмжээний мөнгөн дэвсгэрттэй хэтэвч санамсаргүй хаяж гээсэн эсвэл санаатай хэн нэгний гарт орох замаар алдагдаж байдаг. Тэгвэл алдагдсан хэтэвчээ эргүүлэн олох магадлал хамгийн өндөртэй тийм амгалан тайван хотууд дэлхий дээр цөөнгүй бий. Тэдгээрийн дундаас доор дурдсан арван хот хамгийн амгалан тайван, айх аюулгүй хотууд гэдгийг нэгэн сэтгүүл жагсаан нэрлэсэн байна.
Жагсаалтыг тэргүүлэгч хамгийн тайван хот бол Финляндын хамгийн олон хүн амтай нийслэл хот болох Хельсинки хот аж. Энэ хотын олон нийтийн газарт гээгдсэн 12 хэтэвчний 11 нь эзэндээ эргэж очдог. Хельсинкичүүдийн зарим нь “Бид улаан гэрэл анивчиж өнгөрөхийг ч харж байгаагүй. Амгалан тайван байдал бидний цусанд байдаг.” гэцгээдэг.
Энэтхэг хүмүүсийн талаар сөрөг хэв маягтай сөргөлдөн Энэтхэгийн метрополис Мумбай хот дэлхийн хамгийн амгалан хотуудын тоонд бичигдэж байгаа ба энд гээгдсэн 12 хэтэвчний 9 нь эргэн олддог. Мумбай хотын иргэн 27 настай Рахул Рай хэлэхдээ “Миний дотоод сэтгэл муу зүйл хийхийг минь зөвшөөрдөггүй. Хүн хэтэвчиндээ зөвхөн мөнгө төдийгүй чухал бичиг баримтаа ч хадгалдаг шүү дээ.” гэжээ.
Гурав дахь амгалан хот бол Зүүн Европын үзэсгэлэнт нийслэл Будапешт хот юм. Энд гээгдсэн 12 хэтэвчний 8 нь эргэн олддог. Гэхдээ энэхүү туршилтыг явуулсан зохион байгуулагчид 60 орчим насны хатагтай хэтэвч олж хармагцаа эргэн тойрноо хараад нуугдахыг ажигласан юм.
Америкийн Нью Йорк хот мөн л Будапештын адил энэ жагсаалтын гуравт бичигдсэн. Нью Йоркын иргэн 36 настай Ричард Хамилтон /Richard Hamilton/ Нью Йоркчуудыг нөхөрсөг бус гэж шүүмжилсэн ч энэ хотынхон үнэхээр сайн хүмүүс. Энд хаягдсан хэтэвчнүүдийн 8 нь эргэн олдсон юм.
Москва хотын гудамжинд гээгдсэн 12 хэтэвчний 7 нь эргэн олдсон. Онцгой байдлын албаны офицер Эдвард Антипин Москагийн амьтны хүрээлэнгийн ойролцоо хэн нэгний хэтэвчийг олоод хамгаалагчид өгч, “Нэр хүндээ хамгаалж байна.” хэмээсэн байна.
Нидерландын Амстердам мөн л амгалан хот аж. Энд хаягдсан хэтэвчний 7 нь эргэн ирсэн бөгөөд умард Европын хуулиа дээдлэгч иргэдийн төлөөлөл энд амьдардаг.
Зэгсэн зарчимч хүмүүс гэгддэг Германчуудын нийслэл Берлин хотод 6 хэтэвч эзэндээ эргэж ирсэн. 46 настай Абел Бен Салем олсон хэтэвчин доторх хүүхдийн зургийг хараад эзнийг нь олох гэж сандран гүйсэн байна.
Словенийн нийслэл Любляна хот шударга зантай иргэдтэй гэдгээрээ Берлинтэй адил байв.
Лондонд 12 хэтэвч хаягдсаны 5 нь эргэж эзэндээ олдсон.
Варшавт явуулсан туршилтаар Лондонтой адилхан үзүүлэлт гарчээ. 12 эмэгтэйн 7 нь гудамжнаас олсон олзоо хэн нэгэнд хэлээгүй байна. Харин 5 нь хэтэвчний эзнийг олохыг оролджээ.
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
Зочин
2013/10/08 at 13:37
iim hudlaa medeelel oruulahaa bolimoor yum. moscow london 2t hezee ch alga bolson wallet dahij oldohgui. bas ter bombai bna. come on! delhiin hamgiin ih yaduustai orond turiivch aldaad oldoj bna geed bodood uz de :)). ulger shig medee hiihee boli2.
Зочин
2015/06/16 at 18:06
bodood vzsen ch ymaar sonin medeelel we///////////
uchir ni neg udaagiin iim tohioldoloor ingj dvgnej haritsuulah ni utgagvi ym