Энд бид Дэлхийн хамгийн аюул осолтой авто замуудын жагсаалтыг бэлтгэлээ. Энэхүү жагсаалтанд бичигдсэн замууд дээр гардаг үхлийн аюул дагуулсан осол аваарын тоо хэмжээ үргэлж маш өндөр байдаг ч хүмүүс амьдралын эрхээр энэ замуудаар аз ивээх болтугай хэмээн залбирсаар явсаар байгаа юм. Жил бүр авто ослын улмаас 1.3 сая хүн нас бардаг ба Дэлхийн эрүүл мэндийн байгууллага 2011-2021 оныг “Замын аюулгүй байдлын төлөөх үйл ажиллагааны арван жил” болгон зарласан. Гэвч зам дээр осол аваараас сайн жолоодлогоор сэргийлж болох боловч энд бичигдсэн эдгээр замууд нь ямар ч жолоочийн ур чадвар, эр зоригийг шалгадаг байна.
10. Хятад, Сичуан – Төвдийн хурдны зам
Ченгду болон Түвдийн хоорондох өндөрт өргөгдсөн зам болох Сичуан – Төвдийн хурдны замын хамгийн гол асуудал нь хөрсний гулгалт болон хад чулууны нуралт байдаг. Энэ замаар явсан 100.000 жолооч тутмын 7.500 нь айснаасаа болж аваар осолд ордог байна. Хад чулууны нуралт болон хөрсний гулгалт, цаг агаарын тааруухан байдлын аль алинаас энэ замаар яваа жолооч нар сэрэмжилж явах учиртай аж.
9. Итали, Стельвио Пасс /Stelvio Pass/
Италийн Стельвио Пасс нь 2757 метрийн өндөрт оршдог учир Дорнод Альпийн нуруун дахь хамгийн өндөрт оршдог, Альпийн нуруун дахь өндрөөрөө хоёрт тооцогддог засмал зам гэгддэг энэ зам хүүхдийн эрээчсэн бичигтэй төстэй.
8. Чили, Лос Караколес Пасс /Los Karakoles Pass/
Чили болон Аргентины хооронд орших Андреас уулан дахь энэ зам хэд хэдэн эгц налуутайн дээр хамгаалалтын хашаагүй огцом эргэлтүүдтэй. Бараг бүтэн жилийн турш цастай байдгаас гадна хөрсний гулгалт их болдог энэ зам дээр явах нь асар их тэсвэр тэвчээр, жолоодох ур чадварыг шаарддаг. Энэ зам дээр анхаарал тавин ажилласны дүнд осол аваарын тоо эрс буурсан ба энэ замаар жуулчдын давхар автобус болон ачааны тэрэг өдөр бүр явдаг байна.
7. Шинэ Зеланд, Скипперс Канёон Роуд /Skippers Canyon Road/
Эгц хадан хясааны нүүрээр гарсан нарийхан, маш аюултай энэ зам мөн л өндөр ур чадвар, зүрх зоригийг жолоочоос шаарддаг. Хэрвээ энэ замаар явах болвол хэн нэгэн өөдөөс ирэхгүй байгаасай гэж залбираад азандаа итгээд явахаас өөр аргагүй.
6. Энэтхэг, Зожи Пасс /Zoji Pass/
Энэтхэгийн Шринагар, Лех хоёрын холбосон Энэтхэгийн үндэсний 1Д хурдны замын нэг хэсэг болох Зожи Ла хэмээх өндөр уулын зам нь Ладах, Кашмир хоёрыг холбосон чухал ач холбогдолтой холбоос юм. Фоту Лагийн дараагаар буюу өндрөөрөө хоёрт ордог энэ зам ойролцоогоор 3528 метрийн өндөрт байрладаг бөгөөд өвлийн улиралд голдуу хаалттай байдаг.
5. Хятад, Гуолианг Туннел зам /Guoliang Tunnel/
Уулын хажуу тал дээр ухаж гаргасан энэ замыг Гуолианг тосгоны иргэд уулын хажуу талыг ухаж малтах замаар гаргажээ. Энэ замыг байгуулахаас өмнө тус тосгоны иргэд соёл иргэншлээс өндөр хадан цохионуудаар тусгаарлагдаж байсан байна. Хэдийгээр энэ замаар нэг их машинууд яваад байхгүй ч гэлээ хамгийн аюултай замуудын нэгэнд гарцаагүй ордог.
4. Пакистан, Каракорам хурдны зам /Karakoram/
Нөхөрлөлийн хурдны зам гэгддэг энэ замыг тус улсын засгийн газар бариулжээ. Дэлхийн хамгийн өндөрт байрладаг олон улсын хурдны засмал зам болох энэ зам Каракорам уулын нуруун дундуур явсаар Хятад, Пакистан улсуудыг холбодог. 4693 метрийн өндөрт байрладаг энэ зам хөрсний гулгалт болон үерийн усанд маш их өртдөг бөгөөд Пакистаны нутаг дэвсгэр дэх зам нь хатуу хучилттай биш аж. Хуучны Торгоны замын дагуух хэд хэдэн сонирхол татам гайхамшигтай хавцлуудын дундуур явдаг гэдгээрээ аялагч жуулчдын анхаарлыг маш их татдаг зам.
3. Аляск, Жеймс Далтоны хурдны зам /James Dalton/
Аляскад орших 667 км урт энэ зам жижиг хонхор гүдгэр олонтойн зэрэгцээ хүчтэй салхинд жижиг чулуунууд нисэлдэж байдаг газар. Түүнээс гадна хамгийн муу нэг зүйл нь юу ч үгүй хоосон газраар явдаг явдал юм.
2. Афганистан, Жалалабад-Кабул зам /Jalalabad-Kabul/
Маш аюултай хэмээн нэрлэгдсэн олон замууд байдаг ч Жалалабадаас Кабул хүртэлх замд байдаг, Талибаны газар нутаг дундуур могой адил ороосон, 65 км урттай энэ зам гарцаагүй дэндүү аюултайд тооцогдоно. 600 метрийн өндөртэй хадан хавцлын дээгүүрх нарийхан, нугачаа нугалаа ихтэй энэ замаар Афганы яаруу сандруу жолооч нар дүүрэн ачаа бараатай ачааны тэргээ жолоодон давхилддаг.
1. Болив, Умард Юнгас зам /North Yungas/
Боливын Юнгас мужид байдаг энэ зам Үхлийн зам гэдгээрээ алдартай. Дэлхийн хамгийн аюултай замуудын нэг гэдгийнх нь нэг баталгаа бол жил бүр энэ зам дээр 200-300 аялагчид амь насаа алддаг явдал юм. Уг замын автомашинууд унаж осолддог олон хэсэгт нь чагталсан тэмдэг байрлуулсан байдаг. Автобус болон ачааны машинууд зөрөлдөх үедээ хавцлаас нисэж, доош унасан олон тохиолдол энд байдаг аж.
4
Гайхмаар1
Буруу0
Гоё0
Ха Ха0
Хөөрхөн0
Бахархмаар0
Харамсалтай0
Тэнэглэл
