Дэлхийн хамгийн романтик 10 үндэстэн

Нийтлэгч: Лука

Огноо: 2013/07/02

Total0
0

Харилцан хайр сэтгэлтэй болсон хүмүүс хайрын харилцааныхаа эхэн үед өдөр бүр, цаг мөч тутамд бие биенээ баярлуулах, хайр сэтгэлээ илэрхийлэн харуулах сэтгэл хүсэл дүүрэн байдаг. Гэвч цаг хугацаа өнгөрч, хамтдаа багагүй хугацааг өнгөрүүлсний эцэст олонх хүмүүст бие биенээсээ хөндийрсөн мэт, нэг нь нөгөөдөө анхаарал халамж тавихгүй байгаа мэт сэтгэгдэл төрж, анх учрахад ийм хүн байгаагүй юм, одоо ийм болчихлоо гэцгээдэг. Гэтэл энэ бүхнийучир шалтгаан нь үнэндээ тэр хоёр хүн өөрсдөө өөрчлөгдсөн бус зүгээр л хайрын харилцаагаа романтик үйл явдлаар дүүрэн байлгаж, үргэлж арчилж тордож байх учиртай гэдгийг мартсанд оршиж байдаг. Үүнээс үзвэл хайрын харилцаанд хамгийн чухал зүйл нь романтик байдал байх нь. Тэгвэл манай гариг дээр оршин байгаа улс орнуудад амьдран суугч үндэстнүүдийн дундаас хамгийн романтик үндэстнүүд нь ямар үндэстнүүд байдаг юм бол? Сонирхолтой санагдаж байгаа бол мэдээллийн маань дэлгэрэнгүйг тухлан уншаарай.

10. Энэтхэг

Хэрвээ Гэгээн Валентины баярын өдрийг тэмдэглэх явдлыг ямар нэгэн байдлаар романтик байдлын хэмжүүр гэж үзвэл Энэтхэгчүүд Ази тивийн хамгийн романтик үндэстэн гэдгийг энэ баяраар мэдэж болно. Энэтхэгчүүдэд хайрын баялаг түүх байдгийн нэгийг дурдвал өдгөө Дэлхийн долоон гайхамшгийн нэг гэгддэг өнө удаан үргэлжилсэн хайрын билэг тэмдэг болох Таж махал юм.

9. Ирланд

Хамгийн романтик үндэстнүүдийн энэхүү жагсаалтын маань есдүгээр байранд бичигдэж байгаа үндэстэн бол Ирландчууд юм. Аятайхан хувцаслаж, нягт нямбай, сайхан харагддаг Ирланд хүмүүс хайртай хүнийхээ анхаарлыг хэрхэн татахыг сайн мэддэг.

8. Швед

Тэдний алтан өнгөт үс, гайхалтай сайхан шүд нь тэдний зэвсэг биш. Харин тэдний юу ч хийхэд бэлэн байдаг нь тэдний давуу тал. Оксфордын их сургуулийн эдийн засагч Альмудена Севилла-Санзын хийсэн саяхны нэгэн судалгаагаар Швед эрчүүд хамгийн оюуны чадавхи өндөртэй нөхөр байхыг эрмэлздэг гэсэн дүн гарчээ.

7. Америк

Өөрийн хайр сэтгэлийг илэрхийлэн харуулах тал дээр ихэд анхаардаг хүмүүсийн нэг бол Америкчууд. Тэд өөрийнх нь сонирхлыг татсан хүнийг эргүүлэхийн тулд янз бүрийн арга хэрэглэдэг бөгөөд тэдний гол нууц нь асаалттай лаанууд, далайн гаралтай хоол, дарс бүхий романтик үдэш байдаг аж. Түүнчлэн тэд өөрийн хүсэл сонирхлыг илэрхийлэхдээ дотуур хувцсыг тусгайлан бэлэглэх дуртай бөгөөд энэ үед нь хэн ч тэднийг эсэргүүцэн зогсож чаддаггүй байна. Романтик Америкчууд машины задгай кино театрт кино үзэх, төрөл бүрийн хөгжим сонсох, бүжиглэх мөн Шекспирийн шүлгээс иш татах дуртай.

6. Ливан

Дэлхийн хамгийн романтик арван үндэстний жагсаалтын зургаадугаар байранд Ливанчууд орж байгаа юм. Тэд Арабын ертөнцийн бусад үндэстнүүдээс ялгаатай. Гадаад байдал, бие бялдрын хувьд тэд маш дур булаам гэдгээсээ гадна хэрхэн хувцаслаж, хэрхэн зүрх сэтгэлийг тань байлдан дагуулахаа ч сайн мэддэг.

5. Аргентин

Аргентинчууд бол маш романтик, хүсэл тэмүүлэл дүүрэн хүмүүс. Латин Америкийн ердийн хүмүүсээс хавьгүй илүү романтик энэ хүмүүсийн романтизмыг маргахын аргагүй Дэлхийн хамгийн тачаангуй бүжиг гэгддэг танго бүжигнээс харж болно.

4. Испани

Энэхүү жагсаалтын дөрөвт бичигдэж байгаа Испаничууд хэзээнээс гал халуун цустай, омголон зантай гэдгээрээ алдартай. Мөн тэд хэнээс илүү хайрлаж чаддаг хүмүүс байдаг. Гал цогтой, дур булаам, халуухан энэ хүмүүс романтик байдлын жинхэнэ утга учрыг маш сайн мэддэг бөгөөд хайрлаж дурласан үедээ юугаа ч нуудаггүй.

3. Бразил

Бразилчууд романтик зан чанараараа алдартай. Тэд хайрлаж дурлаж, татагдсан л бол ичих зовохыг ч мэддэггүй. Самба бүжиг нь тэдний романтик байдлыг тод илэрхийлнэ. Тэд нууж хаах зүйлгүйгээр өөрийн хүсэл сонирхлоо илэрхийлдэг.

2. Франц

Францууд хэзээнээс романтик зан чанараараа Дэлхий дахинаа алдаршсан. Тэд хайрын хэлийг маш сайн мэддэг. Тэдний хайр сэтгэлээ илэрхийлэх, эргүүлэх чадварыг хэн ч эсэргүүцэн зогсож үл чадна. Энэ хүмүүсийн хайрын амьдралд нарийн чамин зоог, шоколад, дарс дээгүүр байр суурь эзэлдэг. Францын нийслэл Парис хот хайрын аялал хийхэд хамгийн гайхалтай, хүсүүштэй хот гэгддэг. Франц хүмүүс өөрт нь үнэхээр онцгой санагдсан хүнтэйгээ хайрын тухай ярилцаж, мэдэрч буй бүхнээ харамгүй илэрхийлэх дуртай.

1. Итали

Магадгүй романтик, романс гэдэг үг Ром гэдэг үгнээс ч гаралтай байж мэдэх юм. Үзэсгэлэн төгөлдөр дүр төрх, чамин тансаг хоол зоог, дарс, баялаг түүх, уянгалаг хэл яриа гээд тэдний романтик байдалд хамаатуулах зүйл олон.