Эйфелийн цамхгийн тухай шилдэг арван гайхалтай баримт [10 зураг + 1 видео]

Өнөөгөөс 125 жилийн тэртээ Францын нийслэл Парис хотноо нэгэн байгууламж баригдаж эхэлсэн нь өнөөдрийн Дэлхий дахины хамгийн алдартай байгууламжуудын нэг Эйфелийн цамхаг байжээ. Инженер Александр Густав Эйфелийн нэрээр нэрлэгдсэн энэ төмөр байгууламж баригдаж эхэлсэн цагаасаа хоёр жилийн дараа буюу 1889 оны 3-р сарын 31-нд нээлтээ хийсэн юм. Парис хотын төдийгүй Франц хотын билэг тэмдэг болсон энэ цамхаг Төмөр хатагтай хэмээн нэрлэгдэх нь ч бий. Одоогоор 200 сая гаруй хүн очиж сонирхсон энэ цамхаг Дэлхий дээр хамгийн олон хүн үзсэн төлбөртэй дурсгалын газар юм.Парис хотын хамгийн өндөр барилгуудын нэг болох энэ цамхгийн тухай шилдэг арван гайхалтай баримтыг хэрэглэгч та бүхний өмнө дэлгэж байна. Тухлан сууж уншина уу.

Аварга том Эйфелийн цамхаг 1889 онд нээлтээ хийх үедээ Дэлхийн хамгийн өндөр барилга байжээ. 1930 онд Дэлхийн хамгийн өндөр барилга гэсэн нэрийг Chrysler компаний тэнгэр баганадсан барилга хүртэх болсон бөгөөд энэхүү барилга нь Эйфелийн цамхгаас 18 метрээр өндөр байв. Гэсэн ч 1957 онд Эйфелийн цамхгийн орой дээр нэмэлтээр антенн суурилуулсан нь Chrysler барилгаас илүү өндөр болоход хүргэсэн байна. Өнөөдрийн байдлаар Эйфелийн цамхаг Франц улсын өндөр барилгуудын дунд эхний тавд жагсдаг ажээ.

Эйфелийн цамхгийг үл мэдэг ялгаатай гурван өөр өнгөөр буддаг. Байгууламжийн суурь хэсэг арай бараан өнгөөр будагддаг бол орой нь илүү цайвардуу өнгөөр будагддаг. Цамхгийг зэврэхээс сэргийлж, долоон жилд нэг удаа 60 тонн будгаар буддаг байна.

Монако цусны алдарт тогооч Alain Ducasse-гийн зоогийн газар энэхүү цамхгийн хоёрдугаар давхарт байдаг.

1912 онд шүхэр зохион бүтээгч Franz Reichelt өөрийн шинэ бүтээлээ Эйфелийн цамхаг дээрээс туршихаар шийдэж, цамхгийн гурав дахь давхраас үсэрсэн ч харамсалтай нь туршилт түүний үхлээр дууссан юм.

Дэлхийн хоёрдугаар дайны үед Францууд Эйфелийн цамхгийнхаа цахилгаан шатыг эвдсэн бөгөөд үүний улмаас дайснууд Парис хотын үзэсгэлэнг шүтэн бишрэх боломжгүй болжээ. Гэвч Гитлер цамхгийн ёроолоос дээш авирахаас залхуураагүй юм. 1944 онд цахилгаан шатнуудыг засварлаж, бүх Холбоотны цэргүүд цамхгийн орой руу чөлөөтэй гарах болсон байна.

АНУ-ын Лас Вегас, Хятадын Гуанжоу, Шенжень, Румыний Слобозиа, Данийн Копенгаген, Болгарын Варна, Казакстаны Актау зэрэг Дэлхийн олон хотуудад Эйфелийн цамхгийн жижигрүүлсэн хувилбарууд байдаг.

Густав Эйфел Францын бүх цаг үеийн хамгийн алдар цуутай 72 инженерүүд, эрдэмтэд, математикчдын нэрийг сийлбэрлэсэн юм.

1925-1934 онуудад автомашины Citroen компани Эйфелийн цамхгийн дөрвөн талыг сурталчилгааны самбар болгон ашиглаж байжээ. Тухайн үед Эйфелийн цамхаг хамгийн том сурталчилгааны талбар болж байлаа.

Хоёр жилийн турш үргэлжилсэн Эйфелийн цамхгийн барилгын ажлын үеэр нэг хүн өндрөөс унаж, осолдон амь насаа алдаж байсан түүхтэй.

Америкийн зохион бүтээгч, бизнесмэн Томас Эдисон Эйфелийн цамхгийг зорин ирж, түүнийг харсан нь түүнийг үнэхээр гайхашруулж, сэтгэлийг нь догдлуулсан юм. Тэрбээр Эйфелийн цамхгийн зочдын дэвтэрт хамгийн агуу их инженер болох бурхан тэргүүтэй бүх инженерүүдийн шүтэн биширч хүндэтгэсэн энэхүү гайхамшигтай байгууламж бол үнэхээр бахархал хэмээн бичсэн байна.

4

Гоё

3

Хөөрхөн

2

Гайхмаар

1

Бахархмаар

0

Ха Ха

0

Харамсалтай

0

Тэнэглэл

0

Буруу

Баярлалаа!