Марс гаригийн тухай сонирхолтой 5 баримт

Улаан нүдэн гариг – нарны аймгийн дөрөв дэх гариг. Цусан улаан өнгөнөөсөө болж эртний ромын дайны бурхан Марсын нэрээр нэрлэгдэх болсон бол Монголчууд бид Улаан нүдэн гариг хэмээн нэрлэжээ. Дундад зууны үеийн зурхайчид “улаан гариг” тэнгэр огторгуйд харагдах үед дайн дажин ирж маш их уй гашуун болно гэж зөгнөн хэлдэг байв. Өнөөдөр Марс энэ далдын хүчээ нэгэнт гээсэн тул байдгаараа л байж байна. Бидний хөрш Марсын тухай шинжлэх ухааны олж мэдсэн зарим нэг сонирхолтой баримтуудаас танилцуулж байна.

Марс дээрх амьдрал

Дэлхийн ямар ч амьд амьтан Марсын хөрсөн дээр амьдарч чадахгүй. Гаригийн агаарын даралт маш бага учир цусан дах хүчилтөрөгч шууд л хийн хөөс болж гэнэтийн үхэлд хүргэнэ.

Аймшгийн нөхцөл

Озоны давхаргагүй учир радиацын хэмжээ маш өндөр. Нар мандахад л радиацын үхлийн доз авна. Озоны давхарга нь мөн гаригийн халуун дулаанд ч нөлөөлнө, өдөр +30 хэм бол, шөнөдөө -80 болтлоо буурдаг байна.

Амьдрал уу? Хэзээ нэгэн цагт байсан болов уу?

Хэзээ ч юм Марс дээр гол горхи, нуур байсан бөгөөд амьд амьтан амьдарч байсан болов уу. Учир нь Марс дээр хатсан гол горхи, нуурын ул мөр байдаг билээ.

Хүчтэй шороон шуурга

Марс дээр маш хүчтэй шороон шуурга шуурдаг, шуурганы хурд цагт 180 км хүрэх нь ч бий. Хэдэн долоо хоногоор ч үргэлжлэх бөгөөд Марсын ихэнхи газар нутгийг хамардаг. Энэ нь Марс Нар луу ойртож байгаатай холбоотой ажээ.

Марсын таталцлын хүч

Дэлхийгээс хэмжээ болон жингээрээ бага учраас таталцлын хүч нь 3 дахин бага юм. Тийм учраас сансрын нисгэгч нар 3 дахин өндөр үсэрч чаддаг. Аливаа объектын хэмжээ том байх тусам жин нэмэгдэж үүнийхээ хэрээр таталцлын хүч их байдаг гэдгийг та мэднэ.

18

Гоё

9

Гайхмаар

6

Бахархмаар

5

Харамсалтай

1

Буруу

1

Хөөрхөн

1

Ха Ха

0

Тэнэглэл

Баярлалаа!