“Оскар” аваагүй ч уг шагналын эзэн нь байх ёстой 10 жүжигчин

Тэдэнд бүх юм бий: бусдаас ялгарах авьяас, хэдэн сая хөгжөөн дэмжигчид, харизм, гадаад төрх, сайхан дүр гээд л… Тэдний нэрийг дурьдахад л кино театрууд үзэгчдээр дүүрнэ. Сонсоход хачирхалтай ч Америкийн кино академи тэдний авьяасыг үнэлж “Оскар” гардуулсангүй.

Өөрсдийн бүтээсэн гайхалтай дүр, олсон нэр алдар нь дэлхий ертөнцөөр цуурайтсан ч гартаа сэлэм барьсан ахын алтан баримлыг гартаа барьж үзээгүй 10 алдартай жүжигчдийг танилцуулж байна.

Брэд Питт

Царайлаг вампирын дүрийг бүтээсэн Брэд Питт “Оскар”-ын шагнал хүртэхээр олон дүрийг гайхалтай бүтээсэн жүжигчин. Гурван ч удаа шагналд нэр дэвшсэн, анхны удаа 1996 онд “12 Monkeys ” киноны туслах хоёрдугаар дүрээр нэр дэвшсэн ч шагналыг Кевин Спейси “ The Usual Suspects” киноныхоо дүрээр  авчээ.

Жонни Депп

50 настайгаа золгоход тэрээр маш их кассын орлоготой хэд хэдэн кинонд тоглож олон ч үзэгчдийн хайрыг татаж чадсан юм. Гурван ч удаа Оскарын шагналд нэр дэвшсэн ч авч чадаагүй. Анх 2004 онд “Pirates of the Caribbean” киноны дүрээр нэр дэвшсэн боловч шагналыг “Mystic River” киноны дүрээр Шон Пенн авчээ.

Рэйф Файнс

Рэй Файнсын бүтээсэн муу талын дүрүүд үзэгчдийн дунд маш алдартай ч кино академийн шагналыг хүртэж чадсангүй. Рэйн тоглосон кинонууд түүнийг тойрон шагнал авах нь даажигнаж байгаа мэт: жишээ нь “Schindler’s List” – 7 Оскар, “The English Patient” – 9 Оскар авсан бол Файнсад ганц нь ч хүртээгүй шүү.

Жим Керри

Жим Керри дэлхийн хамгийн алдартай инээдмийн жүжигчин төдийгүй ямар ч дүрд гайхалтай хувирч чаддаг нэгэн. Харамсалтай нь ганц ч Оскар байхгүй, бүр гомдмоор нь Оскарт ч нэр дэвшиж байгаагүй. Тэнэг гэмээр инээдмийн кино “Dumb & Dumber”, уянгын сайхан кино “Eternal Sunshine of the Spotless Mind”, “The Truman Show”, “Yes Man” … Харин “The Mask” – дурсаад ч хэрэггүй.

Киану Ривз

90-ээд оны сүүл болон 2000 оны эхэн үед “The Matrix” кино ачаа дүүргээгүй ч Оскарын шагналыг ачаад явсан гэж хэлж болно. Киану Ривзгүйгээр энэ киног төсөөлшгүй, харамсалтай нь түүнд ганц ч Оскар оногдоогүй. Инээдтэй мэт санагдах боловч MTV-ээс хамгийн шилдэг үнсэлт болон хамгийн гаргууд зодоонд нь шагнал гардуулжээ.

Том Круз

Круз гурван ч удаа Оскарт нэр дэвшсэн: “Born on the Fourth of July”, “Jerry Maguire” болон “Magnolia”. Гэвч шидэт баримлыг хүртсэнгүй. Түүний тоглосон кино нь үзэгчдээс өндөр үнэлгээ авдаг нь маргашгүй үнэн: “Mission: Impossible”, “Eyes Wide Shut”, “Interview with the Vampire” … Академийнханд л учир байна.

Гэри Олдмен

Британийн шилдэг жүжигчинд тооцогдох Гэри Олдмен “Tinker Tailor Soldier Spy” киноны дүрээр ганц удаа л Оскарт нэр дэвшиж байсан нь гутамшиг гэмээр. Гэтэл түүний авьяасыг үнэлж баршгүй, ямар ч дүрд чадварлаг хувирах тэрээр “Rosencrantz And Guildenstern Are Dead”, “Dracula”, “Leon”, “The Fifth Element” зэрэг кинонд дүр бүтээж дэлхийн киноны түүхэнд нэрээ үлдээсэн жүжигчин юм.

Билл Мюррей

“Ghost Busters” киногоороо алдарт гарсан тэрээр тун удалгүй “Groundhog Day” кинонд тоглож алдрын тавцангаа бататгажээ. Мюррей 2003 онд л “Lost In Translation” киногоороо анх Оскарт  нэр дэвшсэн ч авч чадаагүй, харин Алтан Бөмбөрцгийг зулгаагаад авчээ.

Эдвард Нортон

Бидний зүрх сэтгэлд гайхалтай дүрүүдээрээ хоногшин үлдсэн Эдвард Нортон хэд хэдэн удаа Оскарт нэр дэвшсэн ч авч чадаагүй, жишээ нь, “Primal Fear”, “American History X” киноны дүрүүд юм. Үүнээс гадна шагналд нэр дэвшээгүй ч үзэгчдийн үнэлгээг авсан “The Illusionist”, “Birdman” киноны дүрүүдийг дурьдахгүй өнгөрч болохгүй.

28

Харамсалтай

20

Гайхмаар

6

Гоё

5

Буруу

2

Тэнэглэл

2

Бахархмаар

2

Хөөрхөн

2

Ха Ха

Баярлалаа!