“The Pursuit Of Happyness” киноны нэгийг бодогдуулах үгс

Бодит явдлаас сэдэвлэн бүтээсэн өөдрөг, үнэхээр сэтгэл хөдөлгөсөн кино. Хэрхэн “өөрөө өөрийгөө бүтээх” тухай өгүүлэх сонгодог түүх юм. Хуримтлуулсан хадгаламжаараа бизнес эхлүүлж бүтэлгүйтнэ, амьдралын өдөр тутмын тулгарах асуудлууд ….

Сонирхолтой баримт дурьдахад – киноны төгсгөлд Крис Гарднер гудамжаар хүүтэйгээ элдвийг хөөрөлдөн явж байхад хажуугаар нь костюмтай хар арьстан өнгөрдөг хэсэг бий. Тэр бол жинхэнэ Крис Гарднер, киноны гол баатар эргэж хардаг даа.

– Хүү минь, хэн ч хэзээ ч чамд чамайг үүнийг хийж чадахгүй гэж хэлүүлж болохгүй. Надаар ч тэгж бүү хэлүүл. За юу?
– За.
– Хэрвээ чамд мөрөөдөл байвал тэрийгээ хамгаал. Хүн амьдралдаа өөрөө ямар нэгэн зүйл хийж чадаагүй бол бусдыг ч хийж чадахгүй гэж хэлдэг юм. Чи хэрвээ ямар нэгэн зүйл хүсч байвал – яваад олоод ирэх хэрэгтэй.

– Одоо бодож байхад миний эргэн тойрны хүмүүс хичнээн аз жаргалтай харагдаж байв даа. Харин би? … Юугаараа дутуу гэж?

– Аав нь чамд инээдтэй түүх ярьж өгөх үү? Далайн шуургатай үед нэгэн өвгөн загасчилж байж л дээ, нэгэн онгоц ирээд ахмад нь өвгөнөөс асууж гэнэ: “Чамд туслах уу?”, өвгөн хариуд нь: “Надад эзэн тусална аа” гэжээ. Өвгөн живж тэнгэрт очиж гэнээ: “Бурхан минь, чи надад яагаад тусалсангүй вэ?”, Бурхан: “Тэнэг минь, би чам руу онгоц явуулаа биз дээ” гэжээ.

– Крис, хэн ч юм бэ дээ нэг нөхөр ажилд орох ярилцлагадаа цамцгүй иржээ, тэгсэн ч түүнийг ажилд авсан байна. Та юу гэх вэ?
– Бодвол тэр ганган өмдтэй байсан юм болов уу даа.

– Миний мэдэхгүй зүйлийн тухай хүн асуувал би мэдэхгүй л гэж хариулдаг хүн. Гэхдээ надад итгээрэй, хариултыг нь би яаж олохыг мэднэ, олох ч болно. Энэ нь чухал биш гэж үү?

– Би 28 настайдаа анх удаа төрсөн эцгээ харсан юм. Хүүхэд байхдаа өөртөө тавьсан нэг тангараг бий: миний хүүхдүүд эцэг нь хэн бэ гэдгийг мэдэж байх болно.

– Яг энэ үед л би Тусгаар тогтнолын тунхагийн тухай буюу үүнд заасан амьдрах эрх, эрх чөлөө, аз жаргалын хүсэл эрмэлзэл зэрэг заалтуудыг бичсэн Томас Жефферсоны талаар бодсон юм. Тэр яагаад хүсэл эрмэлзлийн тухай бичив? Магадгүй, аз жаргал гэж хүрэх боломжгүй зүйл юм уу? Чи юу ч хийсэн, яаж ч хичээсэн тэр бултаж алга болоод байдаг юм уу?

– Ажилдаа явахаасаа өмнө ярилцлагад орно, брокерийн ажилд орох гэж үзье.
– Брокер оо? Яагаад сансрын нисгэгч биш гэж?

– Хашаан дээр “аз жаргал” гэдэг үгийг буруу бичжээ.
– Тэгсэн хэрнээ “fuck”-ыг зөв бичих юм.
– Харин тийм ээ, гэхдээ энэ үгийг хэрэглэсний хэрэггүй дээ.

– Маргааш та ажилдаа орно. Крис, баяр хүргэе. Танд амархан байсан уу?
– Үгүй, ноёнтоон. Хэрхэвч амархан байгаагүй …

– Аз жаргал – гэдэг зүйлийг бид хичнээн хичээгээд, хайгаад олохгүй байж болох зүйл.

13

Гоё

3

Харамсалтай

3

Ха Ха

1

Хөөрхөн

0

Гайхмаар

0

Бахархмаар

0

Тэнэглэл

0

Буруу

Баярлалаа!