Дэлхийн хамгийн гайхамшигтай, сүрдэм замууд

Нийтлэгч: Лука

Огноо: 2013/10/02

Total0
0

Хурдан төмөр хүлгээрээ холыг зорих биднийг хүссэн газартаа хүрэхэд хамгийн их тус болдог зүйл бол аяны маань алтан шаргал зам билээ. Алс холын аян замд алжааж ядралгүй амар тайван явахад маш ихээр нөлөөлдөг зам хэмээгч зүйл нь нэг талаараа үндсэн үүргээ гүйцэтгэхийн дээр нөгөө талаар тухайн газрын өнгө үзэмжинд нөлөөлдөг архитектурын байгууламжийн үүрэг гүйцэтгэдэг. Түүнчлэн зам нь уг замаар явж байгаа зорчигчдын сэтгэл санаанд ч мөн хүчтэй нөлөөлдөг. Аюулгүй байдлыг дээд зэргээр хангасан, тэгш сайхан зам хүний сэтгэл санааг тайван болгодог бол эсрэгээр хазгай муруй, аюултай, бартаа саад ихтэй замаар явахад хүний биеэс гадна сэтгэл санаа ч түгшүүртэй, тайван бус байх нь гарцаагүй. Тэгвэл манай гаригийн хамгийн гайхамшигтай бөгөөд сүрдэм замууд хаана, аль улсад байрладаг юм бол? Энэ тухай мэдэхийг хүсвэл нийтлэлийн маань дэлгэрэнгүй дэх мэдээллийг тухлан уншаарай.

#6 Норвеги, Атлантын зам /The Atlantic Road, Norway/

1989 оны 7-р сарын 7-нд нээгдсэн энэ зам нь Норвегийн Молде болон Кристиансунд хотуудыг холбосон Country Road 64 замын 8,3 км хэсэг юм. Энэхүү зам нь гүүр, далан дээрх зам, давхар зам зэргээр холбогдсон хэд хэдэн жижиг арал дээр баригджээ.

#5 Өмнөд Африк, КуаЗулу-Натал муж, Сани зам /Sani Pass, KwaZulu-Natal, South Africa/

Энэ зам нь зөвхөн 4х4 машинаар явах боломжтой маш аюултай зам. 9 км урттай энэ зам өдөр бүр 16 цагаас хойш хаагддаг. Учир нь энэ үед цаг агаар маш таагүй болдог ба өвөл бүр ч аюултай байдалтай болдог байна.

#4 Хятад, Хунань муж, Тианмены уулсын зам /Tianmen Mountain Road, Hunan, China/

Тианмен уулын үндэсний цэцэрлэгт хүрээлэнгийн нутаг дэвсгэрт оршдог энэ зам нь 99 нугачаа бүхий 11 км урттай зам бөгөөд уг уулын оройд гарч, Тианмен агуйг үзэхийн тулд энэ замаар явах хэрэгтэй болдог. Хэрвээ энэ замаар машинтай явахыг хүсэхгүй бол ойролцоох галт тэрэгний буудлаас явдаг агаарт татсан утсаар явдаг тэргэнцэрээр явах боломжтой. 98 тэргэнцэр бүхий энэ утсан зам 7445 метр урттай.

#3 Флориад Кис, Долоон милийн гүүр /Seven Mile Bridge, Florida Keys/

АНУ-ын Флорида мужийн Монро гүнлэгт орших энэ гүүр баригдаж байх үедээ дэлхийн хамгийн урт гүүр байв.

#2 Итали, Альпийн зүүн хэсэг, Стелвио зам /Stelvio Pass, Eastern Alps, Italy/

Италид 2757 метр өндөрт орших энэ зам нь Альпийн нурууны зүүн хэсэгт оршдог хамгийн өндөр уулын зам юм.

#1 Хятад, Гуолианг хонгилын зам /Guoliang Tunnel Road, China/

Хятадын Хэнань мужийн Тайханг ууланд орших энэ замын хонгилыг 1970-аад оны сүүлээр тосгоны 13 иргэн барьжээ. Ердөө ганцхан машин багтах өргөнтэй энэ зам уулыг нэвтэлсэн байдлаар баригдсан.