Дэлхийн хамгийн том шар айрагны фестиваль Oktoberfest 2015

Энэ сарын 19-ний өдөр Германы Мюнхен хотноо дэлхийн хамгийн том, хамгийн алдартай фестивалиудын нэг Oktoberfest 2015 эхэлсэн. 9-р сарын дунд эсвэл сүүл үеэс эхэлж, 10-р сарын эхний 7 хоног хүртэл 16 өдрийн турш үргэлжилдэг энэхүү алдарт фестивальд оролцохоор дэлхийн өнцөг булан бүрээс 6 сая гаруй хүн жил бүр Мюнхен хотыг зорьдог. Баварийн соёлын чухал хэсэг болсон Oktoberfest нь 1810 оноос улбаатай. Мюнхенд анхны фестиваль үүсэн бий болсноос хойш дэлхийн олон хотууд өөр өөрсдийн Oktoberfest-ийг тэмдэглэдэг болсон билээ.

2013 оны 16 өдрийн фестивалийн үеэр хамгийн их хэмжээний буюу 7,7 сая литр Oktoberfest Beer шар айраг хэрэглэсэн энэ дуулиант фестивалийн үеэр ирсэн Мюнхений төвийн ойролцоох Theresienwiese-д ирсэн зочид олон төрлийн тоглоом наадам, зугаатай зүйлсийг үзэж хардаг. Түүнчлэн Obatzda /халуун амттай бяслаг-цөцгийн тостой түрхлэг/, Weisswurst /цагаан зайдас/ зэрэг Бавари үндэсний зоогны хамт Hendl /шарсан тахиа/, Schweinebraten /шарсан гахайн мах/, Schweinshaxe /гриллдэж утсан гахайн гуя/, Steckerlfisch /шорлож гриллдсэн загас/, Brezen /претцель/-тэй Würstl /зайдас/, Knödel /төмсний банш/, Käsespätzle /бяслагтай гоймон/, Reiberdatschi /төмсний панкейк/, Sauerkraut эсвэл Rotkohl/Blaukraut /улаан байцаа/ зэрэг олон төрлийн үндэсний хоол зоогийг амталдаг байна. Ирэх сарын 4-нийг хүртэл үргэлжлэх 2015 оны Oktoberfest-д шинээр нэмэгдсэн зүйл гэвэл аварга том “Panic Room” ба аялагч зочид дотор нь суугаад явах боломжтой дэлхийн хамгийн том сууц ажээ.

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!